NEHEMIA 13:12 - KITABI HABARI MOPIOHE

¹² Tulusi ngoilanggubu ulipu lo Isirai̒lu luli lolumulao̒ helongohi pale ngotayade mopulu, angguru, wau winulo jaitun, wau dilelolio ode huhuu-waliyaalo potomeu̒.

NEHEMIA 13:12 ပူးပေါင်းရင်းမြစ်များ

OLUO TAWARI 31:4

Ngopohia leeto ti olongia helo poa̒hu ulipu lo Yerusalemu lodelo dewo utilantu mao̒ lomongo iimamu wau taulo Lewi, alihu timongolio mowali mopoo̒ tuotao̒ lea-leaatulo mao̒ to Bele lo Eeya debo odelo u leituladu todelomo bubuu-too̒waalo Eeya.

OLUO TAWARI 31:5

Lapatao̒ palenta boito pilomalumu mola, taulo Isirai̒lu helodelo ode Bele lo Eeya totoonulalo wowohi lonto tilapulo huta limongolio u bohulio, deu̒yito-yito tirigu, angguru, winulo jaitun, hula lotiia̒, wau tilapulo huta wewolio. Timongolio helodelo olo ngotayade mopulu lonto miliki limongolio.

NEHEMIA 12:44

Tou̒ boito dengolo lota tiluugasialio mao̒ helo ngimato huhuu-waliyaalo potomeu̒ tambati polahuwalo dedee-mbulowalo ode Bele lo Eeya, leituoto dewo ngotayade mopulu wau tilapulo huta u bohulio timii̒du taunu. Tahi pongimatoa boito wajibu mohimoa̒a dedee-mbulowalo boito monto hahaa-laboluwaalo topalito kokoo-tawaalo. Dedee-mbulowalo boito wuduwola ode mongo iimamu wau tau-tauwalo Lewi, lotuuu̒de wolo wuu̒du lo Butoo̒. Tau-tauwalo Yehuda helo masisi mao̒ to mongo iimamu wau tau-tauwalo Lewi boito,

IMAAMATI 27:30

Ngotayade mopulu monto ngoa̒amila tilapulo huta, mopio pale meaalo huhuu-ngowaalo, deu̒yito-yito ode Eeya.

MALEAKHI 3:10

Delowaalo ngotayade mopulu limongoli ngoa̒amilalo ode Belee-U̒ alihu woluo ua̒alo laba-labaalo daata mola teto. Tesiyaalo Wau̒, yi timongoli mamoo̒onto deu̒ Wau̒ momuo̒ huhuu-hebuwaalo sologa wau mopoo̒daata mai daa̒ olimongoli wolo totoonulalo u mopiohu.

MALEAKHI 3:8

Botia Wau̒ mohintu mai olimongoli: Tingga mowali manusia mohimbulo to Allahu Taa̒ala? Tantuulo mao̒ diila mowali. Bo timongoli hemo himbulo ola-U̒ olo, Timongoli hemohintu, ‘Woloolo mola?’ Totametu-U̒ mai: Todelomo sua̒li momaayali ngotayade mopulu wau mongohi dewo.

TINGULI 14:22

“Timii̒du taunu timongoli musi mopowiwi mao̒ ngotayade mopulu monto ngoa̒amila tilapulo huta limongoli.