NEHEMIA 13:11 - KITABI HABARI MOPIOHE

¹¹ Yi hediliniu̒ to tahimuloa lo ulipu sababu malo poluli mao̒ Bele lo Eeya. Palo-palongo lapatao̒ luli tiliangau̒ mai tau-tauwalo Lewi wau tahi pooitohea muusiki boito luli pilei̒ tuugasiu̒.

NEHEMIA 13:11 ပူးပေါင်းရင်းမြစ်များ

NEHEMIA 10:39

Ulipu lo Isirai̒lu wau tau-tauwalo Lewi musi modelo mota dembulo tatapu debo odelo pale, angguru wau winulo jaitun ode huhuu-waliyaalo potomeu̒ tambati hepolahuwalo pakaa-kasiyaalo Bele lo Eeya. Mota teto olo tambati potibiluloa̒ lomongo iimamu tadonggo hio̒ tuugasia, tahi podahawa hulubangi Bele lo Eeya wau tahi poolahua mola. Ami diila tamomalonga molaalao̒ Bele lo Eeya lami.

NEHEMIA 13:17

Hediliniu̒ mongo tau̒wa lo Yehuda wau yiloi̒yau̒ mao̒, “Diila mongalati timongolio deu̒ timongoli malohutu u moleeto sababu helo pokootoro dalahu Saabati?

NEHEMIA 13:25

Hediliniu̒ wau yilaa̒anatiu̒ timongolio. Woluo tahe pilateu̒ wau pilau̒uu̒ huwoi̒o. Lapatao̒ pilei̒ tadiyau̒ mao̒ timongolio domi tanggulo Allahu Taa̒ala deu̒ timongolio wau mongo walai̒ mongolio diila tamonika uu̒ulauwa poli.

AYUBA 31:34

Huhaama lotaa dadaata diila hei̒looheu̒, wau polohina lotau, diila hepiladuliu̒. Diila pee̒enta mao̒ wau̒ lotibiluloa̒ tobele, wau helo tipoo̒oyo wambai̒o, bo kalana moohe mahinaalio.

POHUMAYA 28:4

Tatoonu tamo malonga butoo̒, motiwambao̒ totaa moleeto; tatoonu tamo dungohe butoo̒ moluwali taa loruusa sama-samaata.

BOHULO SEMUEL 2:17

Odi-odieelo mola walae̒e Eli taduulota boito heilodusa daa̒ to mato lo Eeya, sababu bo hea̒nggapuo limongolio gambangi dewo lobake ode Eeya.