NEHEMIA 13:10 - KITABI HABARI MOPIOHE

¹⁰ Wewolio mao̒ leeto, ilodunggau̒ tahi pooitohea muusiki wau tau-tauwalo malo lolaa mao̒ Yerusalemu wau luli lohualinga ode hahaa-labolulio ngota-ngota, sababu ulipu diila helo potuuheta mao̒ u palaluo limongolio.

NEHEMIA 13:10 ပူးပေါင်းရင်းမြစ်များ

OLUO TAWARI 31:4

Ngopohia leeto ti olongia helo poa̒hu ulipu lo Yerusalemu lodelo dewo utilantu mao̒ lomongo iimamu wau taulo Lewi, alihu timongolio mowali mopoo̒ tuotao̒ lea-leaatulo mao̒ to Bele lo Eeya debo odelo u leituladu todelomo bubuu-too̒waalo Eeya.

NEHEMIA 10:37

Ami mamodelo mota ode mongo iimamu to Bele lo Eeya ukiloco monto pale ubohulo tipuo mai timii̒du taunu, wau olo dedee-wowaalo wewo debo odelo angguru, winulo jaitun wau ngoa̒amila huhuu-ngowaalo u hidala-dalaala. Dewo ngotayade mopulu monto tilapulo halabolu lami madeloo mota lami ode tau-tauwalo Lewi tahemohimoa̒a dedee-wowaalo ngotayade mopulu to kokoo-tawaalo pomengiyaalo.

NEHEMIA 10:39

Ulipu lo Isirai̒lu wau tau-tauwalo Lewi musi modelo mota dembulo tatapu debo odelo pale, angguru wau winulo jaitun ode huhuu-waliyaalo potomeu̒ tambati hepolahuwalo pakaa-kasiyaalo Bele lo Eeya. Mota teto olo tambati potibiluloa̒ lomongo iimamu tadonggo hio̒ tuugasia, tahi podahawa hulubangi Bele lo Eeya wau tahi poolahua mola. Ami diila tamomalonga molaalao̒ Bele lo Eeya lami.

NEHEMIA 12:47

To jamani lei Jerubabel wau olo tomaasa lei Nehemia, ngoilanggubu ulipu lo Isirai̒lu hemongohi dewo u helo potuuu̒deo̒ u palaluwola timii̒du dulahu lotahi poolahua wau tamodahawa hulubangi Bele lo Eeya. Ulipu helongohi mao̒ dewo tolomodu ode tau-tauwalo Lewi wau tau-tauwalo Lewi olo helongohi mao̒ ode mongo iimamu tayadu u matilantulio.

YESAYA 43:23

Yio̒ diila lodelo ode bake yilalangumu, diila lohurumati ola-U̒ wolo dewomu. Lele-lebe pomao̒ Wau̒ diila lopobanta olemu wolo bake, meaambo loposuusa olemu lou̒ mohile wolo moo̒ohuu̒ alama.

MALEAKHI 3:8

Botia Wau̒ mohintu mai olimongoli: Tingga mowali manusia mohimbulo to Allahu Taa̒ala? Tantuulo mao̒ diila mowali. Bo timongoli hemo himbulo ola-U̒ olo, Timongoli hemohintu, ‘Woloolo mola?’ Totametu-U̒ mai: Todelomo sua̒li momaayali ngotayade mopulu wau mongohi dewo.

YIA̒APO 35:2

“Potunggula mao̒ ode bangusa lo Isirai̒lu deu̒ monto huta pusaka u matolimo limongolio boito, dengolo kotalio wolo huta luasi u pilobutua huo̒yota topalitio musi wohi mao̒ limongolio ode taulo Lewi alihu timongolio mowali motibiluloa̒ mota teto.

TINGULI 12:19

Poo̒dahailo diila bolo poluli mao̒ limongoli kaumu lo Lewi ololoihia ngotilonggadu timongoli tumu-tumula tolipu boito.