NEHEMIA 13:1 - KITABI HABARI MOPIOHE

¹ Tou̒ butoe̒e Musa hepilo bacaalio mao̒ totalu lo ulipu, ilodunggaalio kataraangani botie: ‘Taulo Amon wau Moab sama-samaata diila mowali mopaanggala wolo umati lo Allahu Taa̒ala;

NEHEMIA 13:1 ပူးပေါင်းရင်းမြစ်များ

OLUO MONGO OLONGIA 23:2

Lapatao̒ tio lonao̒ woli mongolio ode Bele lo Eeya, hetilunuhe lomongo iimamu, mongo nabi wau ngoa̒amila ulipu, mopio tamosikini boli taakaya. Totalu limongolio ngoa̒amila, totili lowolihi polumudu u tolomodu odeli olongia, ti olongia tilimihula mola wau helo pobaca mao̒ wolo suala daa̒ ngoa̒amila tuango buku daantia umaa ilodungga todelomo Bele lo Eeya. Lapatao̒ ti olongia helohutu daantia wolo Eeya u modungohe to Eeya, wau moponao̒ wolo lealeaatu lohilao wau ngoilanggubu jiwa ngoa̒amila palenta wau bubuu-too̒waalo Eeya. Ti Olongia olo helodanti u mopoo̒polu mao̒ danti to daantia lo Eeya wolo umati-Lio utula-tuladee todelomo buku boito. Ngoilanggubu ulipu lodudua̒ lodanti u modungohe to daantia boito.

NEHEMIA 13:23

To maasa boito iloontongau̒ olo deu̒ dadaata taulo Yahudi malonika wolo mongobua lonto bangusa lo Asdod, Amon wau Moab.

NEHEMIA 2:10

Bo tou̒ tei Sanbalat, taulo Bet-Horon, wolei Tobia tamoleeto ngota lonto Amon, loo̒dungohe deu̒ wau̒ lonao̒ mai duo̒lo polohuna daa̒ bangusa lo Isirai̒lu, yi timongolio malowalo lole̒e daa̒.

NEHEMIA 2:19

Tou̒ ranjana lami boito ilotahua lei Sanbalat, Tobia wau lei Gesyem, ngotaalio lo Arabi, yi hepilo ii̒iya limongolio wau helo sosero olami. Uali mongolio mao̒, “Wolo u mapohutuo limongoli? Wolo timongoli ohilaa momintaa̒ tingolo toli olongia?”

NEHEMIA 4:3

Lapatao̒ tei Tobia tatihu-tihula totililio loloi̒ya mao̒ olo, “Bilohi mota dingingo meeseli ubilongu limongolio! Apula lo oa̒ayua olo mowali mopoloohubeo̒!”

NEHEMIA 8:2

Lapatao̒ tei Esra lodelo mota buku boito ode talu lo majilisi u tilitangoa lou̒ mongo lolai̒, mongo bua tau̒ kekeei̒ tamotuheta moontapo u mongalati.

NEHEMIA 9:3

Ngotilonggadu tanu tolo jamu mola, buku Butoo̒ lo Eeya, Allahu Taa̒ala limongolio, hepilo bacalio mao̒ ode limongolio wau ngotilonggadu tolo jamu wumbutio mola timongolio helongaku duduu-sawaalo limongolio. Lapatao̒ uito timongolio losujudu wau helolubo Eeya, Allahu Taa̒ala limongolio.

YESAYA 34:16

Lolohelo wau pobacailo todelomo kitabi lo Eeya: Diaaluo penu boli tuwau mao̒ monto ngoa̒amila mahaluku boito mamooli meaambo diila opangelio. Sababu odieelo mola palenta lo Eeya, wau Eeya lohihilao tamalo himoa̒a mahaluku boito.

YEREMIA 48:1

Utieelo u pilotahuda mai lo Eeya Taa Laba-labaalo kawasa, Allahu Taa̒ala lo Isirai̒lu tomimbihu lo Moab, “Matopotala ulipu lo Nebo, kotaalio maloloohubu! Kiryataim hilamalio, wau biintengilio u motoheeto ilantululio, tilinggula ulipulio mailoolito;

AMOS 1:13

Eeya lotahuda, “Bangusa lo Amon mapoo̒-poo̒daata ilodusa, sababu uito Wau̒ mamo hukuumani mai olimongolio. Tou̒ lopaatea u lopoluasi lipulio, timongolio helo mutaa̒a ombongo lo mongobua tahi ombodaa̒wa to Gilead.

YIA̒APO 22:5

lolao utolia mola lotiangai olei Bileam, walae̒e Beor, tabilu-biluloa̒ tokota Petor membideo̒ lo Dutulaa Eprat tomadala Amau. Timongolio ilahulalio lopo tunggulao̒ odelei Bileam tahuli botie lonto olei Balak, “Eelai mao̒, woluo bangusa tuwau lonao̒ mai lonto Masiri; tataaulio hiloo̒pa penu boli tou̒toonu wau dapa-dapato moluhu madala lami.

LUKASI 10:26

Ti Isa lolametao̒, “Wolo u tulatulade todelomo Kitabi? Woloolo mola huhamaamu tomimbihu sua̒li boito?”

WUNGGULI LOMONGO RASULU 13:15

Lapatao̒ Buku lei Musa wau Buku lomongo nabi pilobacalio mao̒, mongo tau̒wa lobele potabiaalo boito lopoa̒hu taa lohintu olei Paulus wolo mongo sahabatilio, “Mongo wutato, wonu mongo wutato bolo o naseehati hitua-tuawua ode tau-tauwalo botie, yi toduwolo umopo tunggulao̒ naseehati boito.”

WUNGGULI LOMONGO RASULU 15:21

Sababu butoe̒e Musa maa anggadu muloololio mai hepilo bacalio totimii̒du dulahu Saabati to bebee-leyaalo potabiaalo, wau hepilo habari to ngoa̒a̒amila kota.”