NEHEMIA 12:44 - KITABI HABARI MOPIOHE

⁴⁴ Tou̒ boito dengolo lota tiluugasialio mao̒ helo ngimato huhuu-waliyaalo potomeu̒ tambati polahuwalo dedee-mbulowalo ode Bele lo Eeya, leituoto dewo ngotayade mopulu wau tilapulo huta u bohulio timii̒du taunu. Tahi pongimatoa boito wajibu mohimoa̒a dedee-mbulowalo boito monto hahaa-laboluwaalo topalito kokoo-tawaalo. Dedee-mbulowalo boito wuduwola ode mongo iimamu wau tau-tauwalo Lewi, lotuuu̒de wolo wuu̒du lo Butoo̒. Tau-tauwalo Yehuda helo masisi mao̒ to mongo iimamu wau tau-tauwalo Lewi boito,

NEHEMIA 12:44 ပူးပေါင်းရင်းမြစ်များ

BOHULO TAWARI 23:28

Timongolio musi momantu mongo iimamu wali mai lei Haruna todelomo mohutu upacala poi̒baadatiala to Bele lo Eeya, molaalao̒ papaa-lepelowalo wau huhuu-waliyaalo to Bele lo Eeya boito, wau modaha totoonulalo hitua-tuawua u mapilopo tolomodu ode Eeya alihu diila mowali najisi.

BOHULO TAWARI 26:20

Tau-tauwalo wewolio todelomo suku Lewi heilohia tuugasi tatihu-tihula tohalata upango Bele lo Eeya wau to wibungo tambati hepo lahuwalo wowoo-wohiyaalo ode Allahu Taa̒ala.

BOHULO TAWARI 9:26

Bo opaato lo tau̒wa tamoodahawa boito debo otuugasi tulusi. Timongolio tatihu-tihula to huhuu-waliyaalo leidaa̒ to Bele lo Eeya wau babaa-langiyalo u tahutahu teto.

NEHEMIA 10:36

Ami mamodelo mota walao̒ mongo lolai̒ lami tahi hulanga daa̒ ode mongo iimamu to Bele lo Eeya u mohudu mola ode Allahu Taa̒ala, lotuuu̒de wolo wuu̒du lo Butoo̒. Ami mamohudu mao̒ olo walao̒ sapi, walao̒ himba meaalo walao̒ batade lami u bohulo pilotutu mai.

POHUMAYA 8:34

Potisanangilo tutu taa u modungohe olau̒ wau timii̒du dulahu motihuloa̒a mohima to huhebu lobeleu̒, wau mopoo̒daha-dahaalo mao̒ to hulubangi lo biluloa̒au̒.

YESAYA 40:31

Bo taa u mopongaku to Eeya, mamoo̒tapu lotolo bohu. Timongolio debo odelo bulungi angga-angga u tilumomboto molanggato wolo olootolo polipii̒o. Timongolio tumeteo̒ wau diila mowali moongolo, timongolio monao̒ wau diila mowali molulupuhu.

YIA̒APO 3:10

Bo tei Haruna wau mongo walai̒o musi bintao̒mu mao̒ u moponao̒ tuugasi odelo iimamu; ngopohia limongolio, penu boli tatoonu tamo himontala moponao̒ tuugasi boito musi hukuu-maniyolo mate.”

ROMA 12:7

Taa u otolia̒ngo u motulungi taawewo, musi otu-otutuulo mao̒ motulungi taawewo. Taa u otolia̒ngo mongaajali musi otu-otutuulo mao̒ mongajali.

TINGULI 18:8

Tio musi mololimo mao̒ ua̒alo u tutuuwauwa daatalio debo odelo mongo iimamu wewo; wolo u motapulio mai monto ngaalaa̒lio, olo ode olio.”