NEHEMIA 12:43 - KITABI HABARI MOPIOHE

⁴³ To dulahe boito dadaata bake u hepilodewo ode Eeya. Ulipu hiweengahe sababu Allahu Taa̒ala malohutu mai olimongolio silanangi tutu. Mongobua wau tau̒ kekeei̒ olo lodudua̒ helo potihunggu, wau suala limongolio u hiweengahe wau hisanangia ilodungohe de mola molamingo.

NEHEMIA 12:43 ပူးပေါင်းရင်းမြစ်များ

OLUO TAWARI 20:13

Tou̒ boito ngoa̒amila mongo lolai̒ lo Yehuda pee̒-pee̒enta wolo dile wau mongo walai̒ mongolio donggo hitihula to Bele lo Eeya.

OLUO TAWARI 20:27

Lapatao̒ tei Yosapat helodelo ngoilanggubu pasuukani lohualinga ode Yerusalemu wolo hiweengahe sababu Eeya malo poo̒laaheo̒ musu limongolio.

OLUO TAWARI 7:10

wau loombu mola dulahio, todulahu odulo pulaa totolu hulalo opitulio, tei Salomo helo poa̒hu tau-tauwalo boito lohualingo. Timongolio hiwengahe to ngoa̒amila umopiohu u hepilohutu mai lo Eeya ode bangusa lo Isirai̒lu umati-Lio, odelei Dauda wolei Salomo.

ESRA 3:13

tilinggula diilalo iloo pohiihedi mongolio wolota tingalaa̒ hiweengahe wau hehiyonga. Tingohio malo odito huu̒lio, tilinggula ilodungohe demola u molamingo.

NEHEMIA 12:27

Tou̒ dingingo meeseli lo kota Yerusalemu popidudutio mao̒, tau-tauwalo Lewi hetiliangio mai lonto ngoa̒amila tambati biluloa̒ limongolio, alihu modudua̒ mopolame daa̒ polou̒tia boito wolo lalaa-huwaalo syukuru, wau wolo muusiki gaambusi wau kocapi.

NEHEMIA 12:42

towulea limongolio hinao̒wa tei Maaseya, Semaya, Eleajar, Uji, Yohanan, Malkia, Elam wolei Ejer. Tahi polahua helo polahu mola to tau̒wa lei Yijrahya.

AYUBA 34:29

Wonu bolo Allahu Taa̒ala molantu mai u motipoo̒oyo wambao̒, diaaluo penu boli ngotaa mao̒ tabuheli motulete wolo tombipidu to Eeya. Wonu bolo Eeya moluuo̒ baya-Lio, diaaluo penu boli ngotaa mao̒ tamoo̒ dungga to Eeya.

JABURU 27:6

Botia watotia loo̒haama tomusu topalito lowatotia; yi wolo tingalaa̒ meengahu pilodewo lowatotia bake sukuru to Bele lo Eeya; watotia ohilaa mopolahu mola wau momuji to Eeya.

JABURU 28:7

Eeya tamoo-duo̒lawa wau tamoo-duuluwawa olo watotia, watotia palacaya to Eeya. Eeya lotulungi mai wau heloo̒ wengahe hilaa lowatotia, watotia momuji mola to Eeyawolo lahu sukuru.

JABURU 9:2

Wolo lealeaatu lohilao watotia ohilaa mosukuru mola ode Eeya, yaa Eeya, wau mopololadu huhutu lo Eeya u moo̒linggolabe.

JABURU 92:4

sambela mokuti hitari mopuulo tali, tunutunuhu gaambusi wau kocapi.

YESAYA 61:3

u mopowengahu wau moposanangi totaa u siluukali lohilao wau limilimi; mai molomela osuukali lohilao limongolio mowali lahu poloi̒laalo momuji. Timongolio madebo odelo bungo lo ayu u pilomulo lo Eeya lohihilao. Timongolio mamohutu u mopiohu wau otutu, tilinggula Eeya pou̒daa̒alo.

YEREMIA 31:13

Tou̒ boito mongo dulahu mamo ngelungo wolo hiwengahe lohilao. Mongo panggola wau taa humula pee̒-pee̒enta sanangi tutu, sababu Wau̒ mamoliyanga olimongolio. Suusa hilaa limongolio lomelo-U̒ mowali meengahu, pongolaasa suusa daa̒ lohilao lomelo-U̒ mowali osanangi tutu.

YEREMIA 33:11

Bo to tataa-mbatiyalo boito mamuli odungohe suala usanangi wau meengahu boli suala potihunggu lonika. Mao̒dungohe olo lahu lotau-tauwalo tahi podeloa bake sukuru ode Bele-U̒. Timongolio mamoloi̒ya, ‘Posukurulo mola ode Eeya Taa Laba-labaalo kawasa, sababu Eeya mopiohu wau ponu-Lio ohiheo-hiheolo mao̒ diila opulitio.’ Lipu botie mapowaliyo-U̒ maa̒amulu debo odelo bohulio mai. Wau̒, Eeya, malo tahuda mai.”

YIA̒APO 10:10

Wau olo to duduu-laheyaalo timongoli motiwengahu, deu̒yito-yito to popoo-tihungguwalo Hulala Bohu wau to lalaa-meyangiyalo limongoli uwewolio, torompeti boito musi hiipalo tou̒ timongoli mopodewo bake yilalango wau bake lo polodame ode ola-U̒. Yi Wau̒ mamo tulungi mai olimongoli. Wau̒lo Eeya Allahu Taa̒ala limongoli.”

MATIUSI 21:15

Bo mongo iimamu tau̒wa wau guguu-ruwaalo agama loingo loo̒onto mao̒ totoonulalo moo̒linggolabe u pilohutu li Isa. Wau timongolio loingo olo loo̒dungohe tau̒kekeei̒ hiwuwa-wuwaatia̒ meengahu to Bele lo Eeya, “Pomali-tutuo̒olo mola Walae̒e Dauda!”

MATIUSI 21:9

Taa dadaata u hinao̒wa totalu wau towulea li Isa hiwatia̒, “Pomali-tutuo̒olo mola Walae̒e Dauda! Mabala-balakatilo Tio tadungga-dungga mai to tanggulo Eeya! Pomujilo mola Allahu Taa̒ala Taa Laba-labaalo molanggato!”

YAHYA 16:22

Odito olo woli mongoli: Botia timongoli osuusawa lohilao, bo Wau̒ mamuli modunggaya woli mongoli, yi hilaamu mameengahu; wau diaaluo penu boli ngotaa mao̒ tamowali mohama owengahu boito monto hilaamu.

EPESUS 5:19

Pomakea mao̒ tataa-heyaalo monto Jaburu, lahu puji poloi̒laalo momuji wau lahu lorohu, todelomo bibii-salawaalo limongoli. Mamusi timongoli wolo hilaa meengahe mopolahu mola puji poloi̒laalo momuji ode Eeya.

YAKOBUS 5:13

Wonu to wolotamu woluo tadonggo suusa, mamusi tio modua̒. Wonu woluo tameengahe, mamusi tio mopolahu mola momuji Allahu Taa̒ala.

BOHULO SEMUEL 4:5

Tou̒ Bulua Daantia boito leidungga mai ode pilo tikemawa, malo tingalao̒lo mola hiwengahe taulo Isirai̒lu, tilinggula huta hilumehela.