NEHEMIA 12:39 - KITABI HABARI MOPIOHE

³⁹ Lapatao̒ ami lolibaaya mao̒ Huhebu Hulubangi Epraim, Huhebu Hulubangi Dedeelo, Huhebu Hulubangi Tola, Monara Hananeeli wau Monara Mea demota Huhebu Hulubangi Himba. Baliisani lami lohuheli totili lo Huhebu Hulubangi Podahaalo totili Bele lo Eeya.

NEHEMIA 12:39 ပူးပေါင်းရင်းမြစ်များ

OLUO MONGO OLONGIA 14:13

Tei Yoas loo̒ wau̒upa olei Amasia, tulusi lonao̒ ode Yerusalemu wau helo ngaantulu dingingo meeseli lokota boito ngohilayao̒ tanu dulo hetuto meeteri, tumulalo mao̒ monto Huhebu Hulubangi Eparim demota Huhebu Hulubangi Tutulio.

NEHEMIA 12:40

Yi maleidungga mota dulo polemboa̒ tamoolahua boito totili Bele lo Eeya. Wewolio mao̒ lomongo tau̒wa todelomo polemboa̒au̒,

NEHEMIA 3:1

Uti-utieelo dudulohu tomimbihu woloolo mola dingingo meeseli lo kota Yerusalemu hepiloo̒ piohio mao̒. Ti Iimamu Daa̒ Elyasib wau mongo sahaabatilio luli lomongu mola Huhebu Hulubangi Himba, helo pohuli mao̒ duduu-ngaalo huhebulio wau lopohetu mao̒ ode Eeya. Timongolio helo poo̒pioheo̒ wau lopohetu mao̒ dingingo meeseli demola Monara Ngohetuto wau demola Monara Hananeel.

NEHEMIA 8:16

Lapatao̒ malonao̒ timongolio ngoa̒amila helohutu wowoo-mboheyaalo to wawaa-topowaalo u payapayadu toitaato bele limongolio, topaango lo belelio, topaango ambahu talu Bele lo Eeya, to tanalapa totili lo Huhebu Hulubangi Epraim.

YEREMIA 31:38

Eeya lotahuda mai, “Mamei dungga wakutuulio ngoilanggubu Yerusalemu muli bongololo odelo kotaa-U̒, monto Monala Hananee̒l demola Huhebu Hulubangi Tutulio.

YEREMIA 32:2

Tou̒ boito suludadu li olongia lo Babel donggo hemoluhu Yerusalemu. Wau̒ ilotongalio to palepelo bele biluloa̒ saaha li olongia

JEPANYA 1:10

“To dulahee boito,” odie mola tahuda lo Eeya, “mao̒dungohe hiyongo to Hulubangi Tola. Suala lapali hilimuta mao̒dungohe monto polemboa̒ bele udebo odelo kambungu bohu, wau tingohu ololoohubu ulaba-labalo mamo toliyongo monto huhuu-luduwaalo.

YAHYA 5:2

To Yerusalemu totili “Huhebu lo Himba” woluo kulamu tuwau, u todelomo bahasa lo Ibrani iluntee Betesda. Mota teto woluo sulambe mohelu limo.