NEHEMIA 12:36 - KITABI HABARI MOPIOHE

³⁶ To wulealio helonao̒ mongo pongawaa̒ lokaumulio, deu̒yito-yito: tei Semaya, Ajareel, Milalai, Gilalai, Maai, Nataneel, Yehuda wolei Hanani. Timongolio ngoa̒amila helodelo pakaa-kasiyaalo muusiki, ngorupa lou̒ hepoitohu li Olongia Dauda, wato lo Allahu Taa̒ala boito. Ti Iimamu Esra, ahali lo Butoo̒ Allahu Taa̒ala boito helonao̒ to tau̒wa lo baliisani boito.

NEHEMIA 12:36 ပူးပေါင်းရင်းမြစ်များ

BOHULO TAWARI 23:5

wopato lihu lota otuugasi mokaawali, wau wopato lihu lota poli otuugasi momuji mola Eeya wolo pakaa-kasiyaalo muusiki u mapilopo dapatio.

OLUO TAWARI 8:14

Lotuuu̒de wolo totoonulalo wuu̒du lei Dauda tiyamolio, tei Salomo helo ngaatulu tutuu-gasiyaalo timii̒du dulahu ode mongo iimamu wau ode taulo Lewi tamusi mopolahu mola puji poloi̒laalo momuji ode Eeya wau helomantu mongo iimamu todelomo moponao̒ uuu̒paa-calawaalo poi̒baadatiala. Wau olo tahi pokawalia Bele lo Eeya hetilayadio mao̒ todelomo popoo-lemboa̒awalo ode timii̒du huhebu hulubangi, lotuuu̒de wolo potuhata lei Dauda wato lo Allahu Taa̒ala.

ESRA 7:1

O taataunua mola lapatio mao̒, tou̒ tei Artahsasta helo malenta odelo olongia lo Persia, woluo talolai̒ ngota tai̒lunte Esra, lonto wali mai li Iimamu Daa̒ Haruna. Pilito lo waliilio mai lonto tibawa odeitaato yito odie mola: Esra Seraya Ajarya Hilkia

ESRA 8:1

Utieelo daputali mongo tau̒wa lokaumu tamaa pilolayahu ode Babel wau luli lohualingai wolau̒, Esra, ode Yerusalemu tou̒ tei Artahsasta hemomalenta odelo olongia:

NEHEMIA 12:24

To tau̒wa lei Hasabya, Serebya, Yesua, Binui wolei Kadmiel, tau-tauwalo Lewi hetilayadio todelomo ngopo-ngopolemboa̒. Moti motii̒du woluo dulo polemboa̒ tao̒ tuugasi momuji mola to Eeya wau mosyukuru to Eeya lou̒ tutuuwahe, tutuuu̒de wolo wuu̒du li Olongia Dauda, wato lo Allahu Taa̒ala boito.

AMOS 6:5

Timongoli sanangi hemo ngalangani lahu, debo odelo u pilohutu lei Dauda, wau timongoli mopoitohe lalaa-huwaalo boito wolo kocapi.