NEHEMIA 12:31 - KITABI HABARI MOPIOHE

³¹ Hetiloduwou̒ mao̒ mongo tau̒wa lo Yehuda lobotula mola ode yitaato dingingo meeseli mola longaatulu dulo polemboa̒ daa̒ tamaa motibaarisi mohelili kota sambela mopolahu mola poloi̒laalo momuji syukuru ode Allahu Taa̒ala. Polemboa̒ ubohulio lotibaarisi toitaato dingingo meeseli, lotidulunga ode olowala, ode Hulubangi Puputo.

NEHEMIA 12:31 ပူးပေါင်းရင်းမြစ်များ

BOHULO TAWARI 13:1

Ti Olongia Dauda lodulohupa wolo ngoa̒amila polowilalio tamo titau̒wa to popoo-lemboo̒walo ngolihu lota wau popoo-lemboo̒walo ngohetuto lota.

BOHULO TAWARI 28:1

Ti Olongia Dauda helo malentao̒ alihu ngoa̒amila tau̒wa lo Isirai̒lu motia̒mbu to Yerusalemu. Oditolio mongo tau̒wa losuku, tahidihuma pantungo uluusani lo pamalenta, mongo tau̒wa lokaumu, tahi pongimatoa halata upango wau bibiahu li olongia boli walai̒o mongo lolai̒ – limbui̒o mao̒ taduduulaa̒ lobele biluloa̒ saaha li olongia, polowila wau taa polohuna daa̒, ngoa̒amilalo helo tia̒mbu to Yerusalemu.

OLUO TAWARI 5:2

Lapatao̒ uito ti Olongia Salomo helo poa̒hu ngoa̒amila tau̒wa losuku wau kaumu lonto bangusa lo Isirai̒lu lotia̒mbu mai to Yerusalemu u molimbatao̒ Bulua Daantia lo Eeya lonto Sion, Kota lei Dauda ode Bele lo Eeya.

NEHEMIA 12:32

Tei Hosaya lonao̒ towulea lotahi poolahua mola, tilunuhe lo ngotayadu mongo tau̒wa taulo Yehuda.

NEHEMIA 12:38

Polemboa̒ lo tamoolahua u tuwau poli helo tibaarisi toitaato dingingo meeseli lotidulunga ode oloihi, wau wau̒ lodudua̒a pee̒-pee̒enta wolo ngotayadu lo ulipu. Ami lotibaarisi lolibaaya Monara Ptihengo demota Dingingo Meeseli Motanggalo.

NEHEMIA 12:40

Yi maleidungga mota dulo polemboa̒ tamoolahua boito totili Bele lo Eeya. Wewolio mao̒ lomongo tau̒wa todelomo polemboa̒au̒,

NEHEMIA 2:13

Dulahe donggo hui, tou̒ ami lololaa mao̒ kota lolibaaya Huhebu Hulubangi Lumbaya to ambahu otolopa. Ami lotidulunga mola ode ambahu hulialio, ode Huhebu Hulubangi Puputo, lolibaaya Butu lo Taluhu Naha. To delomo nonao̒ boito wau̒ lomalakisao̒ totoonulalo helorusa to dingingo meeseli lokota wau iloontongau̒ olo huhuu-hebuwalo hulubangi u mailaahu lotulu.