NEHEMIA 12:30 - KITABI HABARI MOPIOHE

³⁰ Mongo iimamu wau tau-tauwalo Lewi boito helohutu mao̒ upacara poberesiyalo batanga limongolio lapatao̒ ode ulipu, ode huhuu-hebuwaalo hulubangi wau dingingo meeseli lokota.

NEHEMIA 12:30 ပူးပေါင်းရင်းမြစ်များ

ILOOWALI 35:2

Laptao̒ tei Yako loloi̒ya mao̒ ode ngaalaa̒lio wau ode ngoa̒amila taa uwoluo pee̒-pee̒enta wolio, “Ito mamo monggato monteea wau monao̒ ode Betel. Mota teto wau̒ mamopo tihulao̒ mesba duo̒lo Allahu Taa̒ala tamalo tulungi olau̒ tou̒ wau̒ ilodungga lou̒ suukali wau maloduo̒la olau̒ penu boli deu̒toonu ponao̒wau̒. Oditolio tapilaalo mao̒ bui̒ lo dedeewaalo deli uwoluo to olemu; pohutua mao̒ upacala mopobelesi batanga wau pomakea mao̒ pakeyangi u belesi.”

BOHULO TAWARI 15:14

Oditolio, mongo iimamu wau taulo Lewi helo pomantali batanga alihu moo̒ limbatao̒ Bulua Daantia lo Eeya, Allahu Taa̒ala lo Isirai̒lu.

OLUO TAWARI 29:34

Mongo iimamu tamalo pomantali batanga mailaba ngoi̒di jumulaalio u mongalito ngoa̒amila binatangi boito. Sababu uito timongolio hebilantua lotau-tauwalo Lewi, sababu taulo Lewi lebe tatapu wau molotolo hilao to wuu̒du pomantaliyalo. Timongolio debo helomantu tunggula woluo lotuuheta mai iimamu, tamalo pomantali batanga.

OLUO TAWARI 29:5

wau tio helo bisala woli mongolio mola teto. Ualio mao̒, “Timongoli, tau-tauwalo Lewi, musi mopo tolomodu batanga ode Eeya, wau mopomantali Bele lo Eeya, Allahu Taa̒ala loluuhurumu. Ngoa̒amila umoo̒ najisi bele boito musi yinggilolo.

ESRA 6:21

Babaa-keyaalo boito hetilamela lo ngoa̒amila taulo Isirai̒lu tamalo hualingai lonto polayahu wau ulipu lolipu boito tamalo lolaa mao̒ dudelo tutumulo u odusa wau lonao̒ mai helotiwato to Eeya, Allahu Taa̒ala lo Isirai̒lu.

NEHEMIA 12:29

lonto Bet-Gigal, Geba wau Asmawet.

NEHEMIA 13:22

Lapatao̒ tau-tauwalo Lewi hepilei̒ hutuu̒ mao̒ upacara poberesiyalo batanga wau lodaha huhuu-hebuwaalo hulubangi u longimato mao̒ alihu tau-tauwalo mohurumati dulahu Saabati. Wau̒ lodua̒ mola, “Yaa Allahu Taa̒ala, ambunguolo eelailo mai watotia sababu sua̒li boito olo, wau ponua mai watotia tutuuu̒de wolo ponu lo Eeya u udaa̒.”

NEHEMIA 13:30

Odi-odieelo mola hepiloo̒ beresiu̒ mao̒ bangusa lo Isirai̒lu lonto tilolahepaalo u deli. Hetilantuu̒ mao̒ wuu̒du ode mongo iimamu wau tau-tauwalo Lewi, tilinggula timongolio ngota-ngota otuugasilio lohihilao.

AYUBA 1:5

Timii̒du mopalutao̒ potihunggu, tei Ayuba laito hemobongu didimodupo wau hemo podewo bake ode timii̒du walai̒o alihu timongolio ambunguo mai lo Eeya. Sababu to pikiilangi mola lei Ayuba, mowaliilio mongo walai̒o boito mai̒lodusa wau helohina Allahu Taa̒ala lou̒ diila sangaja.

PILOTIMUA̒TA 19:10

Botia podunggaya mao̒ wolo tau-tauwala boito, wau ahuli mao̒ timongolio todulahee botie wau loombu mopohetu lo batanga u moi̒baadati. Timongolio musi mongulo pakeyangi limongolio.

IBRANI 5:1

Timii̒du iimamu daa̒ tilulaoto towolota lo umati, wau piluduo̒ u momaya Allahu Taa̒ala odelo wakili limongolio. Tuugasilio yito mopodewo ode Allahu Taa̒ala wowoo-hiyaalo wau babaa-keyaalo u pongambunguwalo dusa.

IBRANI 5:3

Wau sababu tio lohihilao molulupuhu, yi tio musi mopodewo bake, diila bo sababu duduu-sawaalo lo umati, bo olo sababu duduu-saalio lohihilao.