NEHEMIA 12:27 - KITABI HABARI MOPIOHE

²⁷ Tou̒ dingingo meeseli lo kota Yerusalemu popidudutio mao̒, tau-tauwalo Lewi hetiliangio mai lonto ngoa̒amila tambati biluloa̒ limongolio, alihu modudua̒ mopolame daa̒ polou̒tia boito wolo lalaa-huwaalo syukuru, wau wolo muusiki gaambusi wau kocapi.

NEHEMIA 12:27 ပူးပေါင်းရင်းမြစ်များ

OLUO LO SAMUEL 6:12

Tei Dauda loo̒dungohe deu̒ Eeya helo balakati mai ngaalaa̒ lei Obed-Edom wau tilolahepaalo milikiilio sababu Bulua Daantia boito. Yi tio malonao̒ ode bele lei Obed-Edom, wau lohama Bulua boito lopo limbatao̒ ode Yerusalemu wolo lameyangi daa̒.

BOHULO MONGO OLONGIA 8:63

Duo̒lo bake lo polodame tei Salomo helo podewo sapi dulo pulaa dulo lihu wau himba ngohetuto dulopulu lolihu. Odi-odieelo mola ti olongia wau ngoilanggubu ulipu lohutu mao̒ upacara pongo saahalo Bele lo Eeya.

BOHULO TAWARI 13:8

hiambola tei Dauda wolo ngoilanggubu bangusa lo Isirai̒lu hipo ngelu-ngelengawa wau hipolahua wolo lealeaatu lo sumaangati, u mohurumati mola to Allahu Taa̒ala diludua̒ wolo kocapi, rabana, simbali wau torompeti.

BOHULO TAWARI 15:12

Ualei Dauda mao̒ olimongolio, “Timongoli yito tau̒wa lokaumu todelomo suku Lewi. Sababu uito, patutilio timongoli wau tau-tauwalo Lewi wewolio mopo mantali batanga alihu mowali mopo limbato Bulua Daantia lo Eeya, Allahu Taa̒ala lo Isirai̒lu, ode tambati u mapilopo dapato.

BOHULO TAWARI 15:16

Tei Dauda olo helo poa̒hu mongo tau̒wa lotau-tauwalo Lewi boito alihu mongohi mao̒ tuugsi ode dengolo lota monto suku limongolio u mopolahu mola wau mopoitoheo̒ lalaa-huwaalo moe̒engahu to kocapi wai simbali limongolio.

BOHULO TAWARI 15:28

Ngoilanggubu umati lo Isirai̒lu lonao̒ helo lunuhe Bulua Daantia demola Yerusalemu wolo hipo ngiibode meengahu, tingohu torompeti, napiri, simbali wau kocapi.

BOHULO TAWARI 15:4

Lapatao̒ tei Dauda helo poa̒hu wali mai lei Haruna wau taulo Lewi lotia̒mbu mai.

BOHULO TAWARI 16:42

Tei Heman wolei Yedutun olo otuugasi to torompeti, simbali wau pakaakasi lo muusiki wewolio u poitohio molunuheo̒ lalaa-huwaalo poloi̒laalo momuji. Popoo-ngawaa̒alo kaumu Yedutun yilohialio tuugasi u modaha mao̒ huhuu-hebuwaalo hulubangi.

BOHULO TAWARI 16:5

Tei Asap tilulaotio odelo tau̒wa laba-labaalo wau tei Zakharia wakiliilio. Tei Yeiel, Semiramot, Yehiel, Matica, Eliab, Benaya, Obed-Edom wolei Yeiel ylilohia tuugasi u mopoitoheo̒ kocapi. Tei Asap yilohia tuugasi mopoitoheo̒ simbali,

BOHULO TAWARI 23:5

wopato lihu lota otuugasi mokaawali, wau wopato lihu lota poli otuugasi momuji mola Eeya wolo pakaa-kasiyaalo muusiki u mapilopo dapatio.

BOHULO TAWARI 26:31

Tau̒wa lo wali mai lei Hebron yito tei Yeria. To taunu opaato pulu pamalenta li Olongia Dauda hetilu-letelio tomimbihu wali mai lei Hebron. Tou̒ tiluletelio malo ilaalo to wolota limongolio woluo mongo pajule tamolotolo boli buheli daa tahi biluloa̒wa to Yaejer todelomo madala lo Gilead.

OLUO TAWARI 29:25

Tutuuu̒de wolo totoonulalo potuhata uilohi mai lo Eeya odelei Dauda lotimbulude oli Nabi Gad, tahemo kalaja duo̒li olongia wau lotimbulude oli Nabi Natan, ti olongia helopo tambati tau-tauwalo Lewi to Bele lo Eeya u moitohe kocapi wau gaambusi,

OLUO TAWARI 29:30

Ti Olongia wau tahimuloa lo ulipu helo poa̒hu tau-tauwalo Lewi lopolahu mola ode Eeya puji poloi̒laalo momuji u kilaalangi lei Dauda woli Nabi Asap. Ngoa̒amila tau hemo polahu mola wolo wengahe daa̒ sambela hibonggohuu̒a wau hipoluboa Allahu Taa̒ala.

OLUO TAWARI 7:6

Mongo iimamu hitihula to tambati u tilantu mao̒ ode limongolio; tataalua wolo taulo Lewi tahi pomujia Eeya wolo pakaa-kasiyaalo lo muusiki u hepilohutu li Olongia Dauda, sambela hipolahua mola lahu “Ponu-Lio Ohiheo-hiheolo mao̒ Diila Opulitio!” lotuuu̒de wolo nasehati lei Dauda. Mongo iimamu hipohiipa torompeti sambela ngoilanggubu ulipu hitihula.

ESRA 6:16

Lapatao̒ wolo weengahe tau-tauwalo Isirai̒lu, mongo iimamu, tau-tauwalo Lewi wau ngoa̒amila taa bakasi polayahu helo posaaha mao̒ Bele lo Eeya boito.

NEHEMIA 11:20

Ulipu lo Isirai̒lu, mongo iimamu wau tau-tauwalo Lewi talebelio, helo tibiluloa̒ to huta limongolio to tilolahepaalo kota to Yehuda.

NEHEMIA 12:43

To dulahe boito dadaata bake u hepilodewo ode Eeya. Ulipu hiweengahe sababu Allahu Taa̒ala malohutu mai olimongolio silanangi tutu. Mongobua wau tau̒ kekeei̒ olo lodudua̒ helo potihunggu, wau suala limongolio u hiweengahe wau hisanangia ilodungohe de mola molamingo.

NEHEMIA 8:17

Ngoilanggubu ulipu tamalo hualingo lonto pilolayahu boito helohutu mao̒ wowoo-mboheyaalo boito, lapatao̒ lotibiluloa̒ teto. Uti-utieelo bohulo sua̒li boito hepilo hutulio tumulalo mai to jamani lei Yosua walae̒e Nun, yi ngoa̒amilalo hiweengahe wau sanangi tutu.

JABURU 149:3

Pujiaalo mola tanggulo Eeya wolo elungo boli elungo, pujiaalo mola Eeya wolo kocapi wau rabana!

JABURU 30:1

Jaburu lei Dauda. Lahu u posaahalo Bele lo Allahu Taa̒ala.

TINGULI 16:11

Totalu lo Eeya Allahu Taa̒ala limongoli, totambati u tilulao-Tio, timongoli musi motiwengahu pee̒-pee̒enta wolo mongo walai̒ mongoli, mongo wato limongoli wau taulo Lewi, tau deli, walao̒ tadidu otiilo otiyamo wau mongo janda tabilu-biluloa̒ to kokoo-tawaalo limongoli.

TINGULI 20:5

Lapatao̒ mongo polowila musi mopo tunggulao̒ tataa-heyaalo botie ode limongoli, ‘Wolo woluo towolota limongoli taa u boheli lomongu bele, bo diipo lohutu upacala pongo saahalo? Wonu woluo, tio mowali mohualingolo. Sababu wonu tio opatea mate-mateelo mao̒ todelomo popaatea, yi taa wewo mamo tibiluloa̒ tobelelio.

PILIPI 4:4

Pohileaala dua̒ timongoli laito meengahu sababu timongoli matilu mumulo lotituwau wolo Eeya. Pee̒entapo watia moloi̒ya mai: poti wengahulo!

WAHI 5:8

Tou̒ Walao̒ Himba boito donggo hemohutu odito, malei dambao̒lo mola opato mahaluku wau odulo pulaa pato tau̒wa boito totalulio. Timongolio ngota-ngota hidihuma kocapi wau manggo hulawa u tuatuanga alama, deu̒ito-yito duduua̒waalo umati lo Allahu Taa̒ala.