NEHEMIA 12:25 - KITABI HABARI MOPIOHE

²⁵ Tahi podahawa huhebu hulubangi Bele lo Eeya tahe tiluugasia modaha huhuu-waliyaalo potomeu̒ totili lo hulubangi Bele lo Eeya yito: tei Matanya, Bakbukya, Obaja, Mesulam, Talmon wolei Akuba.

NEHEMIA 12:25 ပူးပေါင်းရင်းမြစ်များ

OLUO MONGO OLONGIA 7:10

Sababu uito malo hualingo timongolio ode Samaria wau longiibode to tamoo-kawalia hulubangi lokota, “Ami malonao̒ mola ode pilo tikemawa taulo Siria, wau loilaalo diaaluo tau mola teto. Wadala wau kolodai limongolio ilodungga lami donggo hitihuta to tambatilio, wau kekee-mawaalo limongolio tilolaalio mao̒ odito wambai̒o.”

BOHULO TAWARI 23:32

Timongolio yilohia olo titihula u molaalao̒ Kema lo Eeya boli Bele lo Eeya wau u momantu mongo wutati mongolio, deu̒yito-yito mongo iimamu wali mai lei Haruna, todelomo moponao̒ ibaadati to tambati boito.

BOHULO TAWARI 26:12

Tahi pokawalia Bele lo Eeya hetilayadio todelomo popoo-lemboo̒walo lodudua̒ kaumulio. Timongolio heiludua olo tutuu-gasiyaalo olo todelomo Bele lo Eeya debo odelo taulo Lewi wewolio.

BOHULO TAWARI 26:15

Tei Obed-Edom loo̒tapu huhebu hulubangi ambahu huliaalio wau mongo walai̒o loo̒tapu tuugasi helodaha wiwii-bungowalo powimumuto.

BOHULO TAWARI 26:17

Timii̒du dulahu to ambahu tiimuru woluo wolomota tamoo-kawalia, to ambahu tilayo wopatota wau to ambahu huliaalio wopatota. Wiwii-bungowalo powimumuto olo hekilawali lo tawopatota: duulota to timii̒du wibungo.

OLUO TAWARI 8:14

Lotuuu̒de wolo totoonulalo wuu̒du lei Dauda tiyamolio, tei Salomo helo ngaatulu tutuu-gasiyaalo timii̒du dulahu ode mongo iimamu wau ode taulo Lewi tamusi mopolahu mola puji poloi̒laalo momuji ode Eeya wau helomantu mongo iimamu todelomo moponao̒ uuu̒paa-calawaalo poi̒baadatiala. Wau olo tahi pokawalia Bele lo Eeya hetilayadio mao̒ todelomo popoo-lemboa̒awalo ode timii̒du huhebu hulubangi, lotuuu̒de wolo potuhata lei Dauda wato lo Allahu Taa̒ala.

YESAYA 21:8

Lapatao̒ tamoo-dahaawa boito, longiibodu, “Tuani, watia malodaha timii̒du dulahu ohui wau dulahu.”