NEHEMIA 12:1 - KITABI HABARI MOPIOHE

¹ Uti-utieelo mongo iimamu wau tau-tauwalo Lewi tahe lohualingai lonto pilolayahu pee̒-pee̒enta wolei Jerubabel walae̒e Sealtiel wau woli Iimamu Daa̒ Yesua:

NEHEMIA 12:1 ပူးပေါင်းရင်းမြစ်များ

ESRA 3:2

lapatao̒ tei Yesua walae̒e Yojadak wau mongo sahaabatilio mongo iimamu wolei Jerubabel walae̒e Sealtiel wau mongo ilaatolio, luli lomongu mesba Allahu Taa̒ala lo Isirai̒lu. Lou̒ odito timongolio lowali lomobu bake toitaatio, lotuuu̒de wolo totoonulalo potuhata utula-tuladu todelomo buku Butoe̒e Musa, wato lo Allahu Taa̒ala.

ESRA 3:8

Yi tohulalo oluolio, todelomo taunu oluolio tou̒ Isirai̒lu lohualingai ode Yerusalemu, maluli tilumula mola limongolio lomongu Bele lo Eeya. Tei Jerubabel, Yesua wau mongo sahaabati limongolio ngobangusa, mongo iimamu, taulo Lewi, limbui̒o mao̒, ngoa̒amila taa bakasi polayahu, helo dudua̒ lokalaja. Tau-tauwalo Lewi tao̒ umulu dulo pulu lotaunu odeitaato tilunulio mao̒ longimato kalaja pomongulalo Bele lo Eeya boito.

ESRA 4:2

Sababu uito timongolio mota lodunggaya wolei Jerubabel wau mongo tau̒wa lokaumu, lapatao̒ loo̒owoli mao̒ odie, “Poluasia mai amiaatia modudua̒ momongu Bele lo Eeya boito, sababu amiaatia olo helo tiwato to Allahu Taa̒ala lomongo wutato, tutuuwauwa odelo wutato ngoa̒amilalo. Amiaatia laito hemopodewo bake olio tumulalo mai tei Esar-Hadon, olongia lo Asyur helodelo mai olamiaatia odia mai.”

ESRA 5:2

Loo̒dungohe tahuli lonabi duulota boito, tei Jerubabel walae̒e Sealtiel wolei Yesua walae̒e Yojadak hua̒a lolumula poli lomongu mola Bele lo Eeya to Yerusalemu, hebilantua lonabi duulota boito.

NEHEMIA 11:36

Dengolo polemboa̒ taulo Lewi tadipo-dipoolulio mai hibiluloa̒wa tomadala lo Yehuda hepilei̒ tibiluloa̒alio wolo tau-tauwalo Benyamin.

NEHEMIA 12:10

Uti-utieelo pilito lo walimai li Iimamu Daa̒ Yesua: tei Yesua, Yoyakhim, Elyasib, Yoyada,

NEHEMIA 12:2

Mongo iimamu: Seraya, Yeremia, Esra, Amarya, Malukh, Hatus, Sekhanya, Rehum, Meremot, Ido, Ginetoi, Abia, Miyamin, Maaja, Bilga, Semaya, Yoyarib, Yedaya, Salu, Amok, Hilkia, wau Yedaya. Timongolio yito mongo iimami tau̒wa to jamani lei Yesua.

NEHEMIA 7:7

Mongo tau̒wa limongolio yito tei Jerubabel, Yesua, Nehemia, Ajarya, Raamya, Nahamani, Mordekhai, Bilsani, Mispereti, Bigwai, Nehum wolei Baana.

HAGAI 1:1

To taunu oluolio pamalenta li Olongia Darius to Persia, tobohulo dulahu hulala olomio, Eeya lotahuda lotimbuludei li Nabi Hagai. Tahuli lo Eeya boito pilodulu-Ngio odelei Jerubabel walae̒e Sealtiel, gubolonulu lo Yehuda, wau odeli Iimamu Daa̒ Yosua walae̒e Yojadak.

HAGAI 1:12

Lapatao̒ tei Jerubabel wolei Yosua boli ngoa̒amila umati lo Isirai̒lu tamaa luli lohualingai lonto polayahu to Babel, lodungohe loloo-iyaalo lei Hagai, utolia lo Eeya boito. Timongolio lopohutu wolo u pilomalenta lo Eeya ode limongolio, sababu moohe to Eeya.

HAGAI 1:14

Odi-odieelo mola Eeya helo poo̒liyoa̒ hilaa li Gubolonulu Jerubabel, Iimamu Daa̒ Yosua wau ngoa̒amila taa u malo hualingai lonto polayahu, alihu timongolio ngoa̒amila mokalaja momongu Bele lo Eeya Taa Laba-labaalo kawasa, Allahu Taa̒ala limongolio.

HAGAI 2:2

Eeya lopoa̒hu olei Hagai mobisala toli Gubolonulu Jerubabel, Iimamu Daa̒ Yosua, wau ulipu u mopo tunggulao̒ tahuli botie,

JAKARIA 6:11

Monto hulawa wau talaa̒ wowohi limongolio boito, pohutuwalo makuta tuwau pohulia mao̒ to lunggongi Iimamu Daa̒ Yosua walae̒e Yojadak.