NEHEMIA 11:3 - KITABI HABARI MOPIOHE

³ To kokoo-tawaalo wewo, ulipu lo Isirai̒lu, mongo iimamu, tau-tauwalo Lewi. Tahi pokalajawa Bele lo Eeya, wau wali mai lo tahi pomayaa lei Salomo lotibiluloa̒ to huta miliki limongolio wau to kokoo-tawaalo limongolio lohihilao.

NEHEMIA 11:3 ပူးပေါင်းရင်းမြစ်များ

ESRA 2:1

Dadaata towolota lotau-tauwalo polayahu lololaa mao̒ madala lo Babel tulusi luli lohualinga ode Yerusalemu wau Yehuda, ngota-ngota ode kotalio lohihilao. Timongolio matiluumulo todelomo polayahu to Babel tumulalo mao̒ timongolio hebilintai̒o mola odito li Olongia Nebukadnejar.

ESRA 2:43

Uti-utieelo daputali kaumu ngaalaa̒ lotahi pokalajawa to Bele lo Eeya tahe lohualingai lonto polayahu: Jiha, Hasupa, Tabaot, Kerosi, Siaha, Padon, Lebana, Hagaba, Akuba, Hagab, Samlai, Hanan, Gidel, Gahar, Reaya, Rejin, Nekoda, Gajam, Uja, Paseah, Besai, Asna, Meunim, Nepusim, Bakbuk, Hakupa, Harhur, Bajlut, Mehida, Harsa, Barkos, Sisera, Temah, Nejiah wau Hatipa.

ESRA 2:70

Mongo iimamu, tau-tauwalo Lewi wau ngotayadu ulipu helo titatapu to Yerusalemu wau kokoo-tawaalo totililio. Tahi poolahua, tahi podahawa hulubangi Bele lo Eeya wau tahi pokalajawa Bele lo Eeya wau tau-tauwalo Isirai̒lu lebelio helo titatapu to kokoo-tawaalo tambati biluloa̒ loluuhuru limongolio muloololio mai.

NEHEMIA 11:20

Ulipu lo Isirai̒lu, mongo iimamu wau tau-tauwalo Lewi talebelio, helo tibiluloa̒ to huta limongolio to tilolahepaalo kota to Yehuda.

NEHEMIA 11:4

Dengolo lota lonto suku Yehuda wau Benyamin helo tibiluloa̒ to Yerusalemu. Uti-utieelo daputali lo tataa-nggulaalo limongolio: Mongo pongawaa̒ suku Yehuda: Ataya walae̒e Ujia wau wombu lei Jakaria. Dengolo lota to wolota linenemoyalio yito: tei Amarya, Sepaca wolei Mahalaleel, Peres, Yehuda. Jumulaalio wopato hetuto wolomo pulaa walu lota tahi lootola buheli. Tei Maaseya walae̒e Barukh wau wombu lei Kolhoje. Dengolo lota to wolota linenemoyalio yito: tei Hajaya, Adaya, Yoyarib, Jakaria, Syela, Yehuda.

NEHEMIA 7:39

Uti-utieelo daputali lokaumu ngaalaa̒ lomongo iimamu tahe lohualingai lonto pilolayahu: Kaumu Yedaya (wali mai lei Yesua) – 973 lota Kaumu Imer – 1.052 lota Kaumu Pasyhur – 1.247 lota Kaumu Harim – 1.017 lota

NEHEMIA 7:43

Kaumu ngaalaa̒ lo Lewi tahe lohualingai lonto pilolayahu yito: Kaumu Yeusa wau Kadmiel (wali mai lei Hodewa) – 74 lota Tamoitohe musiki to Bele lo(wali mai lei Asap) – 148 lota Tamodahawa hulubangi to Bele lo(wali mai lei Salum, Ater, Talmon, Akuba, Hatita wolei Sobai) – 138 lota

NEHEMIA 7:46

Uti-utieelo daputali lokaumu ngaalaa̒ lo tahi pokalajawa to Bele lo Eeya tahe lohualingai lonto pilolayahu: Kaumu Jiba, Hasupa, Tabaot, Keros, Sia, Padon, Lebana, Hagaba, Salmai, Hanan, Gedel, Gahar, Reaya, Rejin, Nekoda, Gajam, Uja, Paseah, Besai, Meunim, Nepusim, Bakbuk, Hakupa, Harhur, Bajlit, Mehida, Harsa, Barkos, Sisera, Temah, Nejiah, wau Hatipa.

NEHEMIA 7:6

Dadaata to wolota lotau-tauwalo tahe pilolayahu lololaa mao̒ polopinsi lo Babel wau luli lohualingai ode Yerusalemu wau Yehuda, ngota-ngota ode kotaalio lohihilao. Timongolio malohiheo tumutumula todelomo polayahu to Babel, tumulalo mao̒ timongolio bilintai̒o mola odito odelo tawalo li Olongia Nebukadnejar.

NEHEMIA 7:7

Mongo tau̒wa limongolio yito tei Jerubabel, Yesua, Nehemia, Ajarya, Raamya, Nahamani, Mordekhai, Bilsani, Mispereti, Bigwai, Nehum wolei Baana.

NEHEMIA 7:73

Mongo iimamu, tau-tauwalo Lewi, tahi podahawa hulubangi Bele lo Eeya, tahi poolahua, dadaata lonto ulipu biasa, tahi pokalajawa to Bele lo Eeya, limbui̒o mao̒ ngoilanggubu ulipu lo Isirai̒lu, helo titatapu mao̒ to kokoo-tawaalo wau kakaa-mbunguwaalo to Yehuda.