NEHEMIA 11:22 - KITABI HABARI MOPIOHE

²² Tamoo-ngimatoa tau-tauwalo Lewi tahi biluloa̒wa to Yerusalemu yito tei Uji walae̒e Bani wau wombu lei Hasabya. Ti nenemoyalio to wolotalio mao̒ wewo yito tei Matanya wolei Mikha. Tio leituoto to kaumu Asap, tao̒ tuugasi mongurusi muusiki to poi̒baadatialo to Bele lo Eeya.

NEHEMIA 11:22 ပူးပေါင်းရင်းမြစ်များ

OLUO LO SAMUEL 9:12

Tei Mepiboset owalao̒ talolai̒ tai̒lunte Mikha. Ngoa̒amila pongawaa̒ ngaalaa̒ lei Jiba lowali mongo wato lei Mepiboset.

ESRA 8:19

Tei Hasabya wolei Yesaya lonto kaumu Merari, wolo dulo pulu lota mongo ilaato limongolio, heilaolio mai olo olami.

NEHEMIA 11:14

Lonto kaumu botie woluo ngohetuto dulo pulaa walu lota pahalaawani tamolotolo buheli. Tau̒wa limongolio yito tei Jabdiel, walae̒e Gedolim.

NEHEMIA 11:9

Yoel walae̒e Jikhri wau wakiliilio, tei Yehuda walae̒e Hasenua.

NEHEMIA 12:42

towulea limongolio hinao̒wa tei Maaseya, Semaya, Eleajar, Uji, Yohanan, Malkia, Elam wolei Ejer. Tahi polahua helo polahu mola to tau̒wa lei Yijrahya.

NEHEMIA 12:46

Tumulalo mai jamani li Olongia Dauda wolei Asap ahali lo muusiki, tahi poolahua maa helopolahu mola lalaa-huwaalo poloi̒laalo momuji syukuru ode Allahu Taa̒ala.

NEHEMIA 13:13

Wau̒ helongohi mao̒ tuugasi totau-tauwalo u wumbutio mola botie u longimato huhuu-waliyaalo potomeu̒ boito: ti Iimamu Selemya, Jadok ngotaalio ahali lo Butoo̒ wolei Pedaya ngotaalio taulo Lewi. Tei Hanan walae̒e Jakur wau wombu lei Matanya yilohiyau̒ mao̒ tuugasi helomantu olimongolio. Otaawau̒ deu̒ tau-tauwalo boito mowali palacayaalo wau mamonguurusi molayadeo̒ babaa-haniyaalo boito ode mongo sahaabati tangokalaja wolio wolo juujulu.

NEHEMIA 3:17

Dengolo tayadu dingingo meeseli wumbutio mola hebilongu lotau-tauwalo Lewi todelomo toyunuto odie: Tei Rehum walae̒e Bani Tei Hasabya, takawa-kawasa ngotayadu distriki lo Kehila. Tayadu dingingo meeseli ode distrikilio lohihilao. Tei Binui walae̒e Henadad, takawa-kawasa ngotayadu Distriki lo Kehila. Tei Ejer walae̒e Yesua, takawa-kawasa to Mispa: dingingo meeseli totutu lo dalaalo totalu lohudungu lo tingolo. Tei Barukh walae̒e Jabai: dingingo meeseli lonto tutulo dalaalo demota huhebu hulubangi bele li Iimamu Daa̒ Elyasib. Tei Meremot walae̒e Uria wau wombu lei Hakos: wimbihu dingingo meeseli lonto huhebu bele lei Elyasib demota huudu bele boito.

NEHEMIA 8:7

Lapatao̒ uito timongolio maa lobongu wau tilimihula mola to tambatilio ngota-ngota, sambela ngojumulaa taulo Lewi helo tombangao̒ Butoo̒ boito ode limongolio. Tau-tauwalo Lewi boito yito: tei Yesua, Bani, Serebya, Yamin, Akuba, Sabetai, Hodia, Maaseya, Kelita, Ajarya, Yojabad, Hanan wolei Pelaya.

WUNGGULI LOMONGO RASULU 20:28

Mamusi timongoli modaha batanga wau dahai mao̒ olo ngoa̒amila jamaa̒ u mailudu mai lo Rohullah olimongoli upei̒ dahaa-Lio; sababu timongoli mapiludu-I̒o lowali tamoo-ngimatoa jamaa̒ lo Allahu Taa̒ala boito debo odelo diti hemodaha himbalio, sababu Allahu Taa̒ala malo powali mai jamaa̒ boito milikii-Lio lohihilao lotimbulude to ilopate lo Wala-I̒o lohihilao.