NEHEMIA 10:37 - KITABI HABARI MOPIOHE

³⁷ Ami mamodelo mota ode mongo iimamu to Bele lo Eeya ukiloco monto pale ubohulo tipuo mai timii̒du taunu, wau olo dedee-wowaalo wewo debo odelo angguru, winulo jaitun wau ngoa̒amila huhuu-ngowaalo u hidala-dalaala. Dewo ngotayade mopulu monto tilapulo halabolu lami madeloo mota lami ode tau-tauwalo Lewi tahemohimoa̒a dedee-wowaalo ngotayade mopulu to kokoo-tawaalo pomengiyaalo.

NEHEMIA 10:37 ပူးပေါင်းရင်းမြစ်များ

OLUO TAWARI 31:6

Ngoa̒amila taa u hibiluloa̒wa to kokoo-tawaalo Yehuda helodelo ngotayade mopulu lonto bibiahi mongolio debo odelo sapi wau himba, wau olo ngojumulaa daa̒ totoonulalo wowohi wewolio, lapatao̒ hepilodewo ngoa̒amilalo boito ode Eeya Allahu Taa̒ala limongolio.

NEHEMIA 13:10

Wewolio mao̒ leeto, ilodunggau̒ tahi pooitohea muusiki wau tau-tauwalo malo lolaa mao̒ Yerusalemu wau luli lohualinga ode hahaa-labolulio ngota-ngota, sababu ulipu diila helo potuuheta mao̒ u palaluo limongolio.

NEHEMIA 13:12

Tulusi ngoilanggubu ulipu lo Isirai̒lu luli lolumulao̒ helongohi pale ngotayade mopulu, angguru, wau winulo jaitun, wau dilelolio ode huhuu-waliyaalo potomeu̒.

NEHEMIA 13:5

Tei Elyasib longohi mao̒ odelei Tobia huwali udaa̒ tuwau u otutuulio mao̒ pilohetu tolomodu u polahuwalo dewo lopale, alama, pakaa-kasiyaalo u pomake to Bele lo Eeya, dewo ode mongo iimamu, dewo lopale ngotayade mopulu, angguru, wau winulo jaitun, u matayadulo ode tau-tauwalo Lewi, tahi pooitohea muusiki wau tamoodahawa hulubangi Bele lo Eeya.

NEHEMIA 13:9

Lapatao̒ wau̒ lopoa̒hu mao̒ alihu mohutu upacara poberesiyalo ode huhuu-waliyaalo boito. Lapatao̒ uito wau̒ helo powalingao̒ teto totoonulalo dewo lopale wau alama boli pakaa-kasiyaalo Bele lo Eeya.

PILOTIMUA̒TA 13:12

timongoli musi mopodewo timii̒du walao̒ talolai̒ mohuhula daa, wau timii̒du bibiahe ulai̒ upilotutu mai bohulio. Ngoa̒amilalo boito haku lo Eeya,

PILOTIMUA̒TA 13:2

“Podewowalo ngoa̒amila walao̒ mongo lolai̒ mohuhula daa̒ ode ola-U̒. Timii̒du walao̒ mongo lolai̒ mohuhula daa̒ lo Isirai̒lu, wau timii̒du bibiahe ulai̒ u pilotutu mai bohulio, deu̒yito-yito hakuu-U̒.”

IMAAMATI 23:17

Timii̒du ngaalaa̒ musi mopodewo roti dulo botu duo̒lo dewo poo̒taa ode Eeya. Timii̒du roti musi pohutuwola monto dulokilo labu moa̒aluti momake ragi wau musi wuduwola ode Eeya odelo dewo tilapulo huta ubohulio.

MALEAKHI 3:10

Delowaalo ngotayade mopulu limongoli ngoa̒amilalo ode Belee-U̒ alihu woluo ua̒alo laba-labaalo daata mola teto. Tesiyaalo Wau̒, yi timongoli mamoo̒onto deu̒ Wau̒ momuo̒ huhuu-hebuwaalo sologa wau mopoo̒daata mai daa̒ olimongoli wolo totoonulalo u mopiohu.

MALEAKHI 3:8

Botia Wau̒ mohintu mai olimongoli: Tingga mowali manusia mohimbulo to Allahu Taa̒ala? Tantuulo mao̒ diila mowali. Bo timongoli hemo himbulo ola-U̒ olo, Timongoli hemohintu, ‘Woloolo mola?’ Totametu-U̒ mai: Todelomo sua̒li momaayali ngotayade mopulu wau mongohi dewo.

YIA̒APO 18:15

Ngoa̒amila u bohulo pilotutu mai towolota lomanusia meaalo binatangi upilodewo taulo Isirai̒lu ode Olau̒, deu̒yito-yito tayadi mongoli. Bo timongoli musi motolotao̒ mongo walau̒mu tamohuhula daa̒, olo walao̒ binatangi haramu ubohulo pilotutu mai.

YIA̒APO 18:18

Tapulio yito ode olemu, tutuuwauwa debo odelo duhelo, bungolopa olowala monto dewo u pilopo bilohe ode Olau̒.

YIA̒APO 18:21

Tahuda mai lo Eeya olei Haruna, “Ngoa̒amila dewo ngotayade mopulu taulo Isirai̒lu wohi-U̒ mai ode tau-tauwalo Lewi. Ui-uitolo tayadu wariisani limongolio duo̒lo kalaja limongolio to Kema-U̒.

ROMA 11:16

Wonu roti ngopita u bohulio mailohi ode Allahu Taa̒ala, uito boliilio ngoa̒amila rotilio wohi olo ode Allahu Taa̒ala. Wau wonu waa̒ato ayu yito miliki lo Allahu Taa̒ala, uito boliilio tataa-ngolio yito miliki-Lio olo.

TINGULI 14:22

“Timii̒du taunu timongoli musi mopowiwi mao̒ ngotayade mopulu monto ngoa̒amila tilapulo huta limongoli.

TINGULI 18:4

Bohulo tilapulo monto pale, taluhu angguru, winulo jaitun wau lambuto himba, olo duo̒lo tayadi mongolio.

TINGULI 26:2

yi bohulo tilapulo monto totoonulalo u wimoo̒ limongoli monto huta limongoli musi potuwota mao̒ limongoli ode delomo kalanji, wau deloo mota limongoli ode tambati u tilulaoto Eeya Allahu Taa̒ala limongoli.