NEHEMIA 10:35 - KITABI HABARI MOPIOHE

³⁵ Timii̒du taunu ami mamodelo mota ode Bele lo Eeya tilapulo pale u bohulio huhuu-ngowaalo ubohu-bohulio molutu mai to bubuu-ngowaalo ayu lami.

NEHEMIA 10:35 ပူးပေါင်းရင်းမြစ်များ

NEHEMIA 13:31

Ilaatuluu̒ mao̒ olo alihu towakutu u tantutantu, ayu podiio̒ ode dewo bake mowali podapatolo wau ulipu moo̒delo dewo tilapulo huta u bohulio. Pulitio wau̒ lodua̒ mola, “Allahu Taa̒alau̒, ambunguolo eelai mai ngoa̒amila botie wau balakatialo mai watotia.”

PILOTIMUA̒TA 23:19

Timii̒du taunu timongoli musi modelo mota ode bele lo Eeya Allahu Taa̒ala limongoli pale ubohulo ilotolao̒ limongoli. Tapu lowalao̒ himba meaalo walao̒ batade diila mowali tubuwolaa wolo taluhu susu liilolio.”

PILOTIMUA̒TA 34:26

Timii̒du taunu timongoli musi modelo mota ode Bele lo Eeya Allahu Taa̒ala limongoli tilapulo u bohulio monto hutamu. Tapu lowalao̒ himba meaalo walao̒ batade diila mowali tubuwolo wolo susu liilolio.”

YEHESKIEL 44:30

Mongo iimamu musi wohiyalo tayade u mopiohe daa̒ monto totoonulalo tilapulo sembo u hidala-dalaala u bohulio, wau monto wolo wambai̒o u pilodewo mai ode Olau̒. Timii̒du bangusa lo Isirai̒lu mohutu mao̒ roti, yi roti ubohulio yito duo̒lo mongo iimamu. Yi Wau̒ mamo balakati bebee-leyaalo bangusa lo Isirai̒lu.

IMAAMATI 6:6

Duo̒lo bake poluloo̒ uiluhi, tau boito musi mopodewo mao̒ himba tuwau meaalo batade ulai̒ udiila otailolio wau wohiyalo halaga moduduo̒ halaga upohu-pohutu to Kema lo Eeya.

YIA̒APO 18:12

Wohi-U̒ mai olemu totoonulalo ulaba-labaalo mopiohu monto bohulo sembo u pilodewo taulo Isirai̒lu ode ola-U̒ timii̒du taunu, deu̒yito-yito winulo jaitun, taluhu angguru wau pale.

YIA̒APO 18:2

Mongo pohutatamu, suku Lewi, musi poduduu̒mu mao̒ odelo tamomantua todelomo moponao̒ lo tuugasimu wau tuugasi lomongo walau̒mu.

TINGULI 26:2

yi bohulo tilapulo monto totoonulalo u wimoo̒ limongoli monto huta limongoli musi potuwota mao̒ limongoli ode delomo kalanji, wau deloo mota limongoli ode tambati u tilulaoto Eeya Allahu Taa̒ala limongoli.