NEHEMIA 10:34 - KITABI HABARI MOPIOHE

³⁴ Ami, ulipu, mongo iimamu wau tau-tauwalo Lewi, mamolapi undi timii̒du taunu u molantu kaumu toonu tamusi mopodapato ayu podiio̒ ode babaa-keyaalo podewo ode Allahu Taa̒ala lami, modudua̒ wuu̒du lo butoo̒.

NEHEMIA 10:34 ပူးပေါင်းရင်းမြစ်များ

BOHULO TAWARI 24:5

Sababu mopio todelomo wali mai lei Eleajar meaalo to delomo wali mai lei Itamar woluo tahi dihima pantungo to Bele lo Eeya wau mongo tau̒wa lo agama, yi tou̒ lolayadeo̒ tuugasi boito piloponao̒ wolo lomahuta undi.

BOHULO TAWARI 24:7

Utieelo toyunuto lo noomoro tao̒ tayade motuugasi tai̒lo pahutalio duo̒lo odulo pulaa pato polemboa̒ boito: 1. Yoyarib 13. Hupa 2. Yedaya 14. Yesebeab 3. Harim 15. Bilga 4. Seorim 16. Imer 5. Malkia 17. Hejir 6. Miyamin 18. Hapijes 7. Hakos 19. Petahya 8. Abia 20. Yeheskiel 9. Yesua 21. Yakhin 10. Sekhanya 22. Gamul 11. Elyasib 23. Delaya 12. Yakim 24. Maajya

OLUO TAWARI 2:3

Tei Salomo lolao mola habari botie odelei Hiram olongia lo Tirus, “Patutilio ti Tuani mohumbuta mai daahangi wolaatia debo odelo wolei Dauda tiyamo laatia. Ti Tuani malo potali to olio ayu woohu lo Libanon u pomongulalo bele li olongialio.

ESRA 3:5

Wewolio mao̒ leeto timongolio lou̒ aa̒atulu hemopodewo bake yilalango wau bake to Dulahu Buka Hulala Bohu, wau to ngoa̒amila dulahu buka wewo upilopo woluo u molubo to Eeya. Timongolio olo helo podewo dewo iloheela lohilao to Eeya.

NEHEMIA 11:1

Mongo tau̒wa malo titatapu to Yerusalemu wau ulipu helomahuto u lolulaotao̒ ngaalaa̒ lonto timii̒du mopulu ngaalaa̒ tamusi motibiluloa̒ tokota mantali Yerusalemu. Tadiila ilotulaota mowali motibiluloa̒ to kokoo-tawaalo uwewo.

NEHEMIA 13:31

Ilaatuluu̒ mao̒ olo alihu towakutu u tantutantu, ayu podiio̒ ode dewo bake mowali podapatolo wau ulipu moo̒delo dewo tilapulo huta u bohulio. Pulitio wau̒ lodua̒ mola, “Allahu Taa̒alau̒, ambunguolo eelai mai ngoa̒amila botie wau balakatialo mai watotia.”

POHUMAYA 18:18

Wolo undi, polohiihede mowali poo̒pulitolo, tumbao̒ polohaamawa towolota lotaa okawasa olo mowali poo̒lapatolo.

YESAYA 40:16

Ngoa̒amila binatangi to oa̒ayua lo Libanon diila motuuheta u powaliyola bake yilalango; bubuu-ngowaalo ayulio ngoi̒di daa̒ u powaliyola ayu podiii̒o.

IMAAMATI 24:5

Hamawa mao̒ labu mopulaa dulokilo ulaba-labaalo mopiohu wau pohutua mao̒ roti hihulula mopulaa dulobotu, ngobotu-ngobotu monto labu ngokilo.

IMAAMATI 24:6

Dutuwa mao̒ roti boito dulo suusungi, motii̒du ngosuusungi wolomo botu, toitaato meja uwolu-wolude hulawa tutu uwoluo todelomo Kema lo Eeya.

YIA̒APO 28:2

lopo tunggulao̒ ode bangusa lo Isirai̒lu deu̒ timongolio musi mopoo tuoto wolo ulintapo alihu to wawaa-kutuwaalo utilantu mao̒, podewolo babaa-keyaalo debo odelo ua̒alo umoo̒ sanangi hilaa lo Eeya.

WUNGGULI LOMONGO RASULU 1:26

Lapatao̒ uito tanggulo taduulota boito pilahutio mao̒, tulusi popahuto boito lodehu tolei Matias. Oditolio tio piluduo̒ lowali rasulu lodudua̒ pee̒-pee̒enta wolo tamopulaa tuwau lota rasulu wewolio.

YOSUA 9:27

Bo timongolio pilopo waliilio wato – deu̒yito-yito taa u opongotota momuongo ayu wau taa u opongotota momotaala taluhu duo̒lo bangusa lo Isirai̒lu wau duo̒lo mesba lo Eeya. Tunggula botia timongolio donggo hipohutua kalaja boito totambati u tilulaotao̒ lo Eeya lowali tambati potabiyalo olio.