NEHEMIA 10:31 - KITABI HABARI MOPIOHE

³¹ Wonu bolo woluo bangusa deli taa ohilaa mopotali lopale meaambo penu boli wolo ode olami to dulahu Saabati meaalo to dulahu mantali wewolio, ami diila tamotali mao̒. To timii̒du taunu u opitulio, ami diila tamokalaja halabolu wau diila tamolagi biloli.

NEHEMIA 10:31 ပူးပေါင်းရင်းမြစ်များ

OLUO TAWARI 36:21

Odi-odieelo mola lotoduo wolo upilo tahuda mai lo Eeya lotimbulude olei Yeremia deu̒ lipu boito mamowali mai delita pitu lopulu lotaunu mola hiheolio odelo bulotio lo tataa-wunuwaalo Saabati udiila pilandungi.

NEHEMIA 13:23

To maasa boito iloontongau̒ olo deu̒ dadaata taulo Yahudi malonika wolo mongobua lonto bangusa lo Asdod, Amon wau Moab.

NEHEMIA 13:27

Otutu moleeto huhuutumu! Timongoli buheli loluwali Allahu Taa̒ala lou̒ helo diilea wolo mongobua lonto bangusaa deli!”

PILOTIMUA̒TA 12:16

Todulahee ubohulio, wau olo todulahee u opitulio, timongoli musi motia̒mbu mao̒ u moi̒baadati. Todulahee boito timongoli diila mowali moponao̒ penu boli kalaja wolo ngopohia upalalu kalajaalo u mopohetu mao̒ ua̒alo.

PILOTIMUA̒TA 20:10

bo todulahee u opitulio yi todulahee u tolomodu pohuheliyalo ode ola-U̒. Todulahee boito diaaluo penu boli ngotaa mao̒ tamowali mokalaja, mopio timongoli, meaalo mongo walau̒mu, mongo watomu, bibiahumu meaalo tau deli tahi biluloa̒wa tolipumu.

PILOTIMUA̒TA 34:16

Wonu mongo walau̒mu monika wolo mongobua deli, timongolio mapaaluto lo mongobua boito u mololaa mao̒ ola-U̒ wau molubo ila-ila limongolio.

YESAYA 58:6

Uti-utieelo puasa u kahandakiyo-U̒: Lopataalo pingito lo polodeehe wau banta u diila aadili, wau lopataalo tau-tauwalo tahideehea.

IMAAMATI 16:29

Wuwuu-uduwaalo botie musi dungohelo u ohiheo-hiheolo mao̒. Todulahee opululio hulalo opitulio, taulo Isirai̒lu wau tau deli tahi tatapua towolota limongoli musi mopuasa wau diniyolo mokalaja, sababu todulahee botie dulahee umantali daa̒. Todulahee boito musi pohutuwola upacala u mopo mantali mao̒ bangusa lo Isirai̒lu monto totoonulalo dusa limongolio alihu timongolio belesi.

IMAAMATI 23:21

Todulahee boito timongoli musi mohutu mao̒ dudunggaya u poi̒baadatiyalo wau diila mowali moponao̒ kalaja u mobuheeto. Wuu̒du boito musi dungohe mao̒ lo walimu mola u ohiheo-hiheolo mao̒, penu boli tou̒toonu timongoli bilu-biluloa̒.

IMAAMATI 23:3

Woluo wolomohui mola u mokalaja, bo todulahee u opitulio, dulahu Saabati, deu̒yito-yito dulahu pohuheliyalo u poheetuwolo ode Eeya. Todulahee boito timongoli musi mohutu mao̒ dudunggaya u poi̒baadatiyalo wau diila mowali mokalaja.

MATIUSI 6:12

Ambungua mai mongowatotia monto totala lo mongowatotia, debo odelo mongowatotia malo ngambungu taa u ototala to mongowatotia.

KOLOSE 2:16

Sababu uito diila mao̒ polulia tau mopotala olimongoli tomimbihu ua̒alo wau minuumani, meaalo tomimbihu duduu-laheyaalo buka lo agama, meaalo totoonulalo lameyangi hulala bohu, meaalo tomimbihu dulahu Saabati.

YAKOBUS 2:13

Sababu Allahu Taa̒ala diila tamopo bilohei odehu hilao ode taa udiila motota modehu hilao. Bo modehu hilao lebe molotolo wolo hukuumani.