NEHEMIA 10:30 - KITABI HABARI MOPIOHE

³⁰ Ami motadia mai u diila monika uu̒ulauwa wolo babaa-ngusawalo deli tahi biluloa̒wa tolipu lami.

NEHEMIA 10:30 ပူးပေါင်းရင်းမြစ်များ

OLUO MONGO OLONGIA 23:25

Diipo pee̒enta mao̒ woluo olongia debo odelo ti Olongia Yosia tahe lotiwato to Eeya wolo lealeaatu lo hilaalio, wau helo poi̒laalo uito todelomo dudelo tutumulo wau huhutuulio, lotuuu̒de wolo ngoilanggubu butoo̒ uwoluo todelomo Buku lei Musa. Lapatao̒ ti Olongia Yosia olo, diduu̒ mao̒ olongia tadebo odelo tio.

NEHEMIA 10:1

Tabohulo helo podutu mao̒ pali lo uluu̒lio yito ti Gubolonulu Nehemia walae̒e Hakhalya. Lapatao̒ lodudua̒ tei Jedekia. Lapatao̒ uito tau-tauwalo wumbutio mola botie helo podutu mao̒ pali lo uluu̒lio olo:

NEHEMIA 13:23

To maasa boito iloontongau̒ olo deu̒ dadaata taulo Yahudi malonika wolo mongobua lonto bangusa lo Asdod, Amon wau Moab.

NEHEMIA 13:25

Hediliniu̒ wau yilaa̒anatiu̒ timongolio. Woluo tahe pilateu̒ wau pilau̒uu̒ huwoi̒o. Lapatao̒ pilei̒ tadiyau̒ mao̒ timongolio domi tanggulo Allahu Taa̒ala deu̒ timongolio wau mongo walai̒ mongolio diila tamonika uu̒ulauwa poli.

NEHEMIA 13:30

Odi-odieelo mola hepiloo̒ beresiu̒ mao̒ bangusa lo Isirai̒lu lonto tilolahepaalo u deli. Hetilantuu̒ mao̒ wuu̒du ode mongo iimamu wau tau-tauwalo Lewi, tilinggula timongolio ngota-ngota otuugasilio lohihilao.

NEHEMIA 5:12

Mongo tau̒wa boito lolametao̒, “Potua boito madudua̒ mao̒ lami. Ami mamopo walingao̒ ngoa̒amila wau diila tamo hinggile baayarilio wolo-wolo monto olimongolio.” Lapatao̒ tiliyanguu̒ mai mongo iimamu wau ilahulau̒ mao̒ mongo tau̒wa engonti helotadia totalu lomongo iimamu boito, deu̒ wolo u mailoi̒yau̒ limongolio boito, tio̒otutua mapohutuo limongolio.

JABURU 119:106

U pilodanti lowatia wolo tadia mapomata lowatia, u motidihu to putuusani lo Eeya ua̒adili.

PILOTIMUA̒TA 34:16

Wonu mongo walau̒mu monika wolo mongobua deli, timongolio mapaaluto lo mongobua boito u mololaa mao̒ ola-U̒ wau molubo ila-ila limongolio.

TINGULI 29:11

mongobua, tau̒kekeei̒, wau ngoa̒amila tau deli tahi biluloa̒wa towolota limongoli wau hemomantu olimongoli momontode ayu wau momoota taluhu.

TINGULI 7:3

Timongoli diila mowali monika woli mongolio, diila tapolulia mongo walai̒ mongoli monika woli mongolio,