NEHEMIA 10:29 - KITABI HABARI MOPIOHE

²⁹ Ami ngoa̒amila mamopotuwau lo batanga wolo mongo tau̒wa lami wau motadia mai u tumumulo modudua̒ butoo̒ Allahu Taa̒ala u mailohi-Lio mai lotimbulude olei Musa. Pohileaala dua̒ Allahu Taa̒ala molaa̒nati olami wonu ami diila moe̒ela daantia botie. Ami motadia mai maa modungohe totoonulalo palenta, butoo̒ wau wuu̒du lo Eeya, Allahu Taa̒ala lami.

NEHEMIA 10:29 ပူးပေါင်းရင်းမြစ်များ

BOHULO TAWARI 9:2

To wolota limongolio tabohu-bohulio lohualingai ode huta haku limongolio to kokoo-tawaalo yito taa aawamu, mongo iimamu, taulo Lewi wau tahi pokalajawa Bele lo Eeya.

OLUO TAWARI 6:16

Eeya olo malodanti mai ode liyamo lo watotia deu̒ wonu waliilio mola tio̒otutua modungohe to butoo̒ lo Eeya debo odelo tio, yi u ohiheo-hiheolo mao̒ ngotaalio lo waliilio mola mamo malenta odelo olongia lo Isirai̒lu. Botia, yaa Eeya Allahu Taa̒ala lo Isirai̒lu, eelailo mai olo ngoa̒amila u mapilodanti lo Eeya ode liyamo lo watotia Dauda, wato lo Eeya boito.

NEHEMIA 13:25

Hediliniu̒ wau yilaa̒anatiu̒ timongolio. Woluo tahe pilateu̒ wau pilau̒uu̒ huwoi̒o. Lapatao̒ pilei̒ tadiyau̒ mao̒ timongolio domi tanggulo Allahu Taa̒ala deu̒ timongolio wau mongo walai̒ mongolio diila tamonika uu̒ulauwa poli.

NEHEMIA 7:46

Uti-utieelo daputali lokaumu ngaalaa̒ lo tahi pokalajawa to Bele lo Eeya tahe lohualingai lonto pilolayahu: Kaumu Jiba, Hasupa, Tabaot, Keros, Sia, Padon, Lebana, Hagaba, Salmai, Hanan, Gedel, Gahar, Reaya, Rejin, Nekoda, Gajam, Uja, Paseah, Besai, Meunim, Nepusim, Bakbuk, Hakupa, Harhur, Bajlit, Mehida, Harsa, Barkos, Sisera, Temah, Nejiah, wau Hatipa.

NEHEMIA 8:2

Lapatao̒ tei Esra lodelo mota buku boito ode talu lo majilisi u tilitangoa lou̒ mongo lolai̒, mongo bua tau̒ kekeei̒ tamotuheta moontapo u mongalati.

NEHEMIA 8:3

Lapatao̒, lonto dimodupo demola ngoputu lo dulahu, tei Esra helo pobaca mao̒ Butoo̒ boito ode limongolio. Timongolio ngoa̒amila lodungoheo̒ wolo helo poo̒tuotao̒ tutu.

NEHEMIA 9:38

Dadaasari to tilolahepaalo uilowali mai boito, ami ulipu lo Isirai̒lu helohutu daantia udiila mowali etuwolo wau leituladu, wolo yilohia capu lomongo tau̒wa lami, tau-tauwalo Lewi wau ngotaalio li iimamu lami.

JABURU 105:45

alihu umati-Lio boito modungoheo̒ to bubuu-too̒owalo Eeya wau modudua̒ totoonulalo parenta lo Eeya. Pujiaalo mola Eeya!

JABURU 119:106

U pilodanti lowatia wolo tadia mapomata lowatia, u motidihu to putuusani lo Eeya ua̒adili.

JABURU 8:1

Duo̒lo diriheni lopolemboa̒ tamoolahua. Lodudua̒a lahu Gitit. Jaburu lei Dauda.

JABURU 8:9

bubuu-lungiyalo wau totoo-lawaalo, ngoa̒amila mahaluku todelomo deheto.

YESAYA 14:1

Eeya mamomonu Isirai̒lu umati-Lio, wau muli molulaoto olimongolio mowali milikii-Lio. Eeya mamuli mopotambati olimongolio tolipu limongolio lohihilao. Tau deli mamonao̒ mai wau moheehea̒ woli mongolio.

YEREMIA 26:4

Eeya lopoa̒hu olaatia moloi̒ya odie ode limongolio, “Wau̒, Eeya, malo poa̒hu alihu timongoli modungohe to Olau̒ wau moponao̒ ngoa̒amila butoo̒ u mailohi-U̒ mai olemu.

YEREMIA 34:15

Dengolo hui mola lopalutao̒ timongoli helo lomelo pii̒limu wau lohutu u loposanangi hilaa-U̒. Timongoli ngoa̒amila loa̒akoloa u molopato mongo wato ngobangusaamu, wau lopowoluo daantia wola-U̒ todelomo Bele-U̒.

YEHESKIEL 36:27

Rohu-U̒ matuwato-U̒ mai ode delomo hilaamu wau timongoli madaahaa-U̒ alihu tumumula modudua̒ totoonulalo butoo̒o-U̒ boli modungohe totoonulalo palentaa-U̒.

IMAAMATI 20:26

Timongoli pilopo wiwi-U̒ lonto babaa-ngusawalo wewo alihu mowali hakuu-U̒. Timongoli musi mantali sababu Wau̒lo Eeya, wau Wau̒ mantali.

MALEAKHI 4:4

Eelailo mola ngoa̒amila pongaajali lowato-U̒ tei Musa, eelai mao̒ bubuu-too̒waalo wau papaa-lentawalo uilohi-U̒ olio to Hui̒dee Sinai u dilungohe lo ngoilanggubu umati lo Isirai̒lu.

YIA̒APO 5:21

hinta Eeya mohutu mai tanggulumu mowali tadia laa̒anati towolota lo bangusaamu. Hinta Eeya mohutu mai bungo lo bungolopamu mou̒yuto wau ombongumu moomuyuo̒.

YAHYA 1:17

Butoo̒ Eeya tilolimonto lotimbulude olei Musa. Bo ponu wau otatapu wau olootolo hilao lo Allahu Taa̒ala piloi̒laalo lotimbulude li Isa Almasi.

YAHYA 15:14

Timongoli mongo sahabati-U̒, wonu timongoli mohutu mao̒ wolo upilo malenta-U̒ mai olimongoli.

YAHYA 7:19

Diila tei Musa tamaa longohi mai papaa-lentawalo Allahu Taa̒ala ode olemu? Bo towolota limongoli diaaluo mao̒ talo dudua̒ papaa-lentawalo boito. Yilongola timongoli ohilaa momate ola-U̒ mate-mateelo mao̒?”

WUNGGULI LOMONGO RASULU 11:23

Wau tou̒ tei Barnabas leidungga mola odito, wau loo̒onto woloolo mola Allahu Taa̒ala lobalakati tau-tauwala boito, tio leengahe daa̒. Lapatao̒ pilohilelio alihu timongolio tio̒otutua tatapu wau molotolo hilao modungohe to Eeya wolo lealeaatu lohilaa limongolio.

WUNGGULI LOMONGO RASULU 17:34

Bo woluo towolota limongolio talo tiwambao̒ odelei Paulus wau palacaya li Isa, to wolotalio: tei Dionisius pongawaa̒ majalisi lo Areopagus, wau taabua ngota tai̒lunte Damaris, wau dengolo lota tawewolio olo.

WUNGGULI LOMONGO RASULU 23:21

Bo diila mao̒ dudui̒ li Tuani hihiile limongolio boito, sababu maito mao̒ lou̒ wopato pulu lota tadonggo hituua̒ tamo momontoa̒ olio todalalo. Timongolio boito ngoa̒amilalo malo tadia diila tamo lamelo wau mongilu wonu timongolio diipo loo̒pate olei Paulus mate-mateelo mao̒. Masaatia botie olo timongolio mahihetua; bolo hemohima totameti Tuani wambai̒o.”

ROMA 12:9

Potolia̒ngao̒ wolo ihilasi. Lonui̒ mao̒ u moleeto, wau potidihulo tou̒ wolo u mopiohe.

TINGULI 33:4

Butoo̒ uilohi mai lei Musa dungohento, miliki ulaba-labaalo ohalaga ode lo bangusa botie.

TINGULI 5:1

Tei Musa longambu mai ngoilanggubu bangusa lo Isirai̒lu, lapatao̒ loloi̒ya mao̒ olimongolio, “Mongo wutato, dungohi mao̒ bubuu-too̒waalo uwohi mai lowatia todulahee botie olemu. Pobalaajalia mao̒ bubuu-too̒waalo boito, wau dungohi mao̒ wolo tatapu wau molotolo hilao.

TINGULI 5:32

Mongo wutato, dungohi mao̒ wolo tatapu wau molotolo hilao totoonulalo upilo malentai lo Eeya Allahu Taa̒ala limongoli ode limongoli. Diila mao̒ lambanga penu boli tuwau mao̒ monto papaa-lentawalo boito.