NEHEMIA 10:28 - KITABI HABARI MOPIOHE

²⁸ Ami, ulipu lo Isirai̒lu, mongo iimamu tau-tauwalo Lewi, tahi podahawa hulubangi Bele lo Eeya, tahi pooitohea muusiki wau tahi pokalajawa to Bele lo Eeya, wau olo dilebua mongo walao̒ lami tamoontapo u mongalati wau ngoa̒amila taa u modungohe to butoo̒ lo Allahu Taa̒ala wau malo pohalahu batanga lonto tau deli tahi biluloa̒wa tolipu lami.

NEHEMIA 10:28 ပူးပေါင်းရင်းမြစ်များ

ESRA 2:70

Mongo iimamu, tau-tauwalo Lewi wau ngotayadu ulipu helo titatapu to Yerusalemu wau kokoo-tawaalo totililio. Tahi poolahua, tahi podahawa hulubangi Bele lo Eeya wau tahi pokalajawa Bele lo Eeya wau tau-tauwalo Isirai̒lu lebelio helo titatapu to kokoo-tawaalo tambati biluloa̒ loluuhuru limongolio muloololio mai.

ESRA 6:21

Babaa-keyaalo boito hetilamela lo ngoa̒amila taulo Isirai̒lu tamalo hualingai lonto polayahu wau ulipu lolipu boito tamalo lolaa mao̒ dudelo tutumulo u odusa wau lonao̒ mai helotiwato to Eeya, Allahu Taa̒ala lo Isirai̒lu.

NEHEMIA 13:3

Tou̒ bangusa lo Isirai̒lu loo̒dungohe uito, timongolio helo pobua̒ mao̒ ngoa̒amila tau deli lonto ulipu lo Isirai̒lu.

NEHEMIA 8:2

Lapatao̒ tei Esra lodelo mota buku boito ode talu lo majilisi u tilitangoa lou̒ mongo lolai̒, mongo bua tau̒ kekeei̒ tamotuheta moontapo u mongalati.

JABURU 47:7

Polahuwalo mola poloi̒laalo momuji ode Allahu Taa̒ala, polahuwalo mola poloi̒laalo momuji ode Olongiaanto!

TAMOO-HUTUBAWA 5:2

Helebe molawalo, helebe udaa̒ mola owowoluwoa utanu moo̒toduo mai tohiilopo u mobulilo. Helebe dadaata bisala, helebe udaa̒ mola owowoluwoa utanu mopolualao̒ loloo-iyaalo umohulodu.

YEREMIA 4:2

Wonu timongoli motadia domi tanggulu-U̒ wau timongoli tumumula motulidu hale aadili wau otutu, yi totoonulalo bangusa maa momolohone ola-U̒ alihu balakatiya-U̒ timongolio, wau timongolio mamomuji ola-U̒.”

IMAAMATI 20:24

Huta ukaya wau molomiodu boito mapilo danti-U̒ mai olimongoli, oditolio wohi-U̒ mai olimongoli mowali haku limongoli. Wau̒lo Eeya Allahu Taa̒ala limongoli talo pohalahe olimongoli lonto babaa-ngusawalo wewo.

ROMA 1:1

Mongo wutato ngoa̒amila to Roma tapilonua lo Allahu Taa̒ala wau tamaa tiliango Allahu Taa̒ala u lowali umati-Lio. Allahu Taa̒ala malo lulaoto wau lomuduo̒ olaatia tolomodu u mopohabari Habari Mopiohe monto Allahu Taa̒ala.