NEHEMIA 1:9 - KITABI HABARI MOPIOHE

⁹ Bo wonu mongowatotia muli mohualinga ode Eeya wau modungohe totoonulalo palenta lo Eeya yi mongowatotia tamalo bubuua̒lawa boito mamuli ambuo lo Eeya, penu boli mongowatotia woluo to huhuudio lo dunia. Lapatao̒ mongowatotia mamuli powalingo lo Eeya ode tambati umaa tilulaotao̒ lo Eeya u mowali tambati poi̒baadatialo ode Eeya.

NEHEMIA 1:9 ပူးပေါင်းရင်းမြစ်များ

BOHULO MONGO OLONGIA 8:48

Wonu bolo tolipu boito timongolio wolo ihilasi wau tio̒otutua mololaa mao̒ duduu-sawaalo limongolio, wau modua̒ mola ode Eeya sambela motitalu ode lipu botie uiludu mai lo Eeya ode loluuhuru lo mongowatotia, ode mantahu kota tilulaoto Eeya wau bele poi̒baadatialo u mabilongu lowatotia ode Eeya botie,

BOHULO MONGO OLONGIA 9:3

Eeya lotahuda mai olio, “Dua̒amu madilungohe-U̒, wau woleeto bele u bilongumu botie poi̒laalo-U̒ mai mowali tambati tolomodu u poi̒baadatialo ode Olau̒ ohiheo-hiheolo mao̒. Wau̒ malaito mopoo̒tuoto wau modaha tambati botie.

BOHULO TAWARI 16:35

Poo̒taalo mai, “Yaa Allahu Taa̒ala, Tamoo-poa̒ahua mongowatotia, poa̒ahuwalo mai mongowatotia monto kawasa lo babaa-ngusawalo wau muli ambuwalo mai mongowatotia alihu mongowatotia moo̒ sukuru mola wau momuji tanggulo Eeya tamantali!”

ESRA 6:12

Pohileaala dua̒ Allahu Taa̒ala tamalo lulaotao̒ Yerusalemu odelo tambati polubowalo Eeya, mopobinasa mao̒ timii̒du olongia meaalo bangusa tabuheeli molambanga palenta botie wau tamo himontala mongaantulu Bele lo Eeya to Yerusalemu boito. Wau̒, Darius, malongohi palenta botie. Ponao̒walo lou̒ mopio-piohulo mao̒.”

JABURU 106:47

Poa̒ahuwalo mai mongowatotia, yaa Eeya Allahu Taa̒ala lo mongowatotia, ambuwalo mongowatotia monto wolota babaa-ngusawalo, alihu mongowatotia moo̒sukuru wau momuji mola tanggulo Eeya u mantali.

JABURU 107:3

Timongoli mai̒lambu lo Eeya lonto lilii-puwaalo deli, lonto tiimuru wau otolopa, lonto tilayo wau huliaalio.

JABURU 147:2

Eeya mamo ponguli mai Yerusalemu; tau-tauwalo polayahu madeloo lo Eeya mohualingo.

YESAYA 11:12

Eeya mamopo botula mola papaa-njiyaalo ode babaa-ngusawalo. Uitoolo tuotio Eeya muli mongambu bangusa lo Isirai̒lu wau Yehuda tahelo pupuulepe to totoonulalo tutu lodunia wau modelo olimongolio mohualingo.

YESAYA 27:12

Tou̒ boito Eeya mamongambu bangusaa-Lio ngota-ngota monto Dutulaa Eprat demola sipatana lo Masiri. Eeya mamopobua̒ olimongolio debo odelo taa mopobua̒ bootua lopale monto alipio.

YESAYA 56:8

Odieelo mola tahuda mai lo Eeya Taa Laba-labaalo molanggato talo depita Isirai̒lu lohualingai lonto polayahu, “Wau̒ mamodelo tau-tauwalo wewo u moheehea̒ woli mongolio tamalo tia̒mbu.”

YEREMIA 12:15

Bo lapatao̒ mopolualao̒ olimongolio, Wau̒ mamuli momonu mao̒ olimongolio; timii̒du bangusa mamuli deloo-U̒ ode lipulio lohihilao.

YEREMIA 3:14

Eeya lotahuda mai, “Wuu umati tadiila tatapu wau molotolo hilao, pohualingolo mai ode Olau̒! Timongoli yito milikii-U̒. Wau̒ mamohama toli mongoli, ngotaalio monto timii̒du kota, duulota monto timii̒du kaumu, wau modelo olimongoli muli mohualinga ode Huludu Sion.

YEREMIA 31:10

Eeya lotahuda mai, “Dungohilo wuu babaa-ngusawalo! Potunggula mota tahulii-U̒ ode ngotuali lodeheto u luasi daa̒: Umati-U̒ tamaa pilopo bubuua̒laa-U̒ maa̒ambuwo-U̒ mai wau taalaa-U̒ debo odelo diiti modaha himbalio.

YEREMIA 32:37

Wau̒ mamongambu mai bangusa botie monto totoonulalo lipu tambati limongolio pilopo bubuua̒laa-U̒ sababu omulukaa-U̒ daa̒ olimongolio. Timongolio mamuli deloo-U̒ mai ode tambati botie wau motibiluloa̒ tewe wolo aamani.

YEREMIA 6:22

Eeya lotahuda mai, “Bungusa tuwau tamolotolo donggo oli-oliyooa̒i lonto lipu u molamingo to tilayo. Timongolio monao̒ mai u mopaatea.

YEHESKIEL 14:6

Poo̒taa mao̒ olo ode tau lo Isirai̒lu deu̒ Wau̒, Eeya Taa Laba-labaalo molanggato lotahuda mai ode limongolio, ‘Polilihulo monto duduu-sawaalo limongoli, wau tolailo mao̒ babaa-laahalaalo limongoli u moo̒lonuo̒ boito.’

YEHESKIEL 36:24

Monto timii̒du bangusa wau lipu, timongoli maa̒mbuwo-U̒ wau powalingo-U̒ ode huta limongoli lohihilao.

IMAAMATI 26:3

Wonu timongoli tumumulo moduduo̒ wuwuu-uduu-U̒ wau modungohe papaa-lentaa-U̒,

JAKARIA 8:7

Wau̒ mamopoa̒ahu umati-U̒ monto lilii-puwaalo tambati mapilo mintaa̒ olimongolio,

MATIUSI 24:31

Tolompeti leidaa̒ mapo tingohulio, wau Walao̒ Manusia mamopoa̒hu mamaa-lai̒ikati-Lio mongambu umati-Lio monto opato dulungo dunia, monto huudu hulungo u tuwau demola huudu hulungo uwewo.”

TINGULI 12:21

Wonu tambati u tilulaotao̒ lo Eeya Allahu Taa̒ala limongoli laba-labaalo molaminga monto tambati limongoli, timongoli mowali mongolotao̒ sapi tuwau, himba meaalo batade uwohi mai lo Eeya ode limongoli, wau molamelao̒ tapulio totambati limongoli wolo hilahilaa limongoli, debo odelo u mailoi̒ya mai lowatia olimongoli.

TINGULI 12:5

Monto ngoilanggubu madala susuu-kuwaalo Isirai̒lu, Eeya Allahu Taa̒ala limongoli malulaotao̒ tambati tuwau alihu bangusanto mowali monao̒ mai ode talu-Lio wau molubo o-Lio.

TINGULI 30:1

“Botia timongoli mowali molulaotao̒ towolota lobalakati wau laa̒anati debo odelo u tilombangai lowatia ode limongoli. Wonu timongoli maloo̒laasa ngoa̒amila polodutolo boito wau tumumula towolota lo babaa-ngusawalo deli tambati limongoli pilopo bubuu-ayaawa lo Eeya Allahu Taa̒ala limongoli, yi timongoli mamoe̒ela mola to tulaoto uilohi mai lowatia olimongoli.