NEHEMIA 1:7 - KITABI HABARI MOPIOHE

⁷ Mongowatotia malo juluhaka to Eeya wau helo lambanga totoonulalo palenta lo Eeya. Mongowatotia diila lodungohe totoonulalo butoo̒ u mailohi mai lo Eeya ode mongowatotia lotimbulude olei Musa, wato lo Eeya boito.

NEHEMIA 1:7 ပူးပေါင်းရင်းမြစ်များ

BOHULO MONGO OLONGIA 2:3

Pohutua mao̒ wolo u piloa̒hu lo Eeya Allahu Taa̒alaamu olemu. Dungohi mao̒ ngoa̒amila butoo̒ wau palenta lo Eeya utula-tuladee todelomo buku lei Musa, alihu penu boli deu̒toonu ponao̒owamu yio̒ maa otilapulo todelomo ngoa̒amila tolopanimu.

OLUO TAWARI 25:4

Bo mongo walao̒ lomongo pogawee boito diila pilatelio yila-yilateelo mao̒ sababu tio lodudua̒a palenta lo Eeya todelomo Buku lei Musa u tingohio odie mola, “Diila mao̒ hukuumania mate tomongo dulaa̒ sababu ololeeto u hepilohutu lomongo walai̒ mongolio, wau diila mao̒ hukuumania mate tomongo walao̒ sababu ololeeto u hepilohutu lomongo dulaa̒ limongolio. Timii̒du tau bo mowali hukuu-maniyola mate sababu ololeeto u hepilo hutulio lohihilao.”

OLUO TAWARI 27:2

Tei Yotam heloo̒ sanangi hilaa lo Eeya, debo odelo tei Ujia tiyamolio. Bo tio diila helomobu dupa to Bele lo Eeya, debo odelo u hepilohutu liyamolio. Penu boli odito, ulipu debo tulusi hipohutua dusa.

ESRA 7:6

Tei Esra ngotaalio lo tao̒sikola wau dadaata otaawalio pasali lo Butoo̒ uilohi mai lo Eeya, Allahu Taa̒ala lo Isirai̒lu odelei Musa. Sababu tei Esra bilarakati mai lo Eeya Allahu Taa̒alaalio, yi ti olongia longohi mao̒ olio totoonulalo u pilohilelio. To taunu opitulio pamalenta li Olongia Artahsasta, maa lomonggato tei Esra lonto Babel lotidulunga ode Yerusalemu wolo ngopolemboa̒ taulo Isirai̒lu u tilitangoa lou̒ ngojumulaa iimamu, taulo Lewi, tamoolahua wau tamodahawa hulubangi to Bele lo Eeya, wau tahi pokalajawa.

JABURU 106:6

Mongowatotia mai̒lodusa debo odelo loluuhuru lo mongowatotia; mongowatotia malohutu u moleeto wau helomaahe palenta.

JABURU 89:31

Bo wonu waliilio mola molambanga butoo̒o-U̒, wau diila tumumulo modudua̒ palentaa-U̒,

JABURU 89:32

wonu timongolio diila momandungi u matilantu-U̒ mai wau momalonga wuu̒du-U̒,

YESAYA 1:4

Matopotala timongoli bangusa tao̒dusa, tau-tauwalo tahi luusawa wau moleeto. Timongoli malodehu ode delomo duduu-sawaalo limongoli. Timongoli malo potouli to Eeya wau mailulea limongoli Allahu Taa̒ala Laba-labaalo mantali tamusi tuboo limongoli.

DANIALI 9:11

Ngoilanggubu Isirai̒lu malo lambanga bubuu too̒waalo Eeya wau diila lohuto helo dungohe suala lo Eeya. Mongowatotia mai̒lodusa to Eeya, wau sababu uito pilopo dungga mai lo Eeya ode mongowatotia laa̒anati u malei tuladee todelomo Buku lei Musa, wato lo Eeya.

DANIALI 9:13

Totoonulalo baala utula-tuladee todelomo Butoe̒e Musa mapilopo lemba mai lo Eeya ode mongowatotia. Bo eleponu odito, oo Eeya Allahu Taa̒ala lo mongowatotia, mongowatotia debo donggo hemo potouli wambai̒o u mopo sanangi hilaa lo Eeya. Mongowatotia debo diila mohuto mololaa duduu-sawaalo mongowatotia wau diila mohuto olo mopoo̒ tuotao̒ popoo-ngaajaliyalo Eeya.

HOSEA 9:9

Mailaba leetio huhutuumu debo odelo u pee̒enta pilohutu lotau to Gibea. Allahu Taa̒ala mamoe̒ela totalamu, wau mohukuumani mai olimongoli sababu dusaamu.

IMAAMATI 27:34

Ui-uitolo palenta uilohi mai lo Eeya odelei Musa toitaato Hui̒dee Sinai ode bangusa lo Isirai̒lu. 83

JEPANYA 3:7

To pikiilangi-U̒, ‘Botia tantuulo mao̒ umati-U̒ mohulumati ola-U̒ wau momandungi ngoa̒amila dini-U̒. Tantuulo mao̒ timongolio moe̒ela mola pongaajali uilohi-U̒ olimongolio.’ Bo malo ilaalo, timongolio bo lebe moo̒olohu poli hemohutu moleeto wolo udipo-dipolulio mai.

MALEAKHI 4:4

Eelailo mola ngoa̒amila pongaajali lowato-U̒ tei Musa, eelai mao̒ bubuu-too̒waalo wau papaa-lentawalo uilohi-U̒ olio to Hui̒dee Sinai u dilungohe lo ngoilanggubu umati lo Isirai̒lu.

TINGULI 4:1

Lapatao̒ tei Musa loloi̒ya mao̒ ode bangusa boito, “Dungohe mao̒ ngoa̒amila butoo̒ upilo ngaajali mai lowatia ode limongoli, alihu timongoli mowali tumumulo tunggula motibiluloo̒ tohuta u mawohi mai lo Eeya, Allahu Taa̒ala loluuhuru limongoli ode limongoli.

TINGULI 4:5

Ngoa̒amila butoo̒ boito pongaajali mai lowatia ode limongoli debo odelo upilo malentai lo Eeya Allahu Taa̒ala laatia. Dungohe mao̒ ngoa̒amilalo boito tolipu u matuwoto wau potibiluloa̒ limongoli boito.

TINGULI 5:1

Tei Musa longambu mai ngoilanggubu bangusa lo Isirai̒lu, lapatao̒ loloi̒ya mao̒ olimongolio, “Mongo wutato, dungohi mao̒ bubuu-too̒waalo uwohi mai lowatia todulahee botie olemu. Pobalaajalia mao̒ bubuu-too̒waalo boito, wau dungohi mao̒ wolo tatapu wau molotolo hilao.

TINGULI 6:1

“Eeya Allahu Taa̒ala limongoli lopoa̒hu mai olaatia mopoa̒ajali mao̒ ngoa̒amila butoo̒ botie ode limongoli alihu timongoli moponao̒ mao̒ tolipu u diilalo mohiheo mapo tibiluloa̒ limongoli.

WAHI 19:2

Pomuto-I̒o aadili wau molinepo! Tio malo podehu mai hukuumani to tasuuntali daa̒, tamoruusa dunia wolo polo hulotolio. Allahu Taa̒ala malo hukuumani mai tasuuntali boito, sababu tio lomate yila-yilateelo mao̒ mongo wato lo Allahu Taa̒ala.”