NEHEMIA 1:5 - KITABI HABARI MOPIOHE

⁵ “Yaa Eeya Allahu Taa̒ala takawa-kawasa tosologa. Eeya Allahu Taa̒ala taa Udaa̒ wau mongo watotia motitalu ode Eeya wolo lealeaatu rasa woohe. Eeya debo molotolo hilao wau hemodihu danti lo Eeya totaa u motolia̒nga to Eeya wau modungohe palenta lo Eeya.

NEHEMIA 1:5 ပူးပေါင်းရင်းမြစ်များ

BOHULO MONGO OLONGIA 8:23

wau lodua̒, “Yaa Eeya, Allahu Taa̒ala lo Isirai̒lu! To hulungo meaambo todunia diaaluo tadebo odelo Eeya! Eeya loe̒elai danti lo Eeya wau helo poi̒laalo ponu lo Eeya ode umati lo Eeya tadebo molotolo hilao wau modungohe wolo lealeaatu lohilao to Eeya.

BOHULO TAWARI 17:21

To ngoilanggubu dunia diaaluo bangusa debo odelo bangusa lo Isirai̒lu. Isirai̒lu yito tuwa-tuwaulo bangusa tailopato lo Eeya lonto polowato u lowali umati lo Eeya lohihilao. Totoonulalo huhutu leidaa̒ wau moo̒linggolabe u hepilohutu mai lo Eeya ode limongolio helohutu tanggulo Eeya masa-masaahuru to ngoilanggubu dunia. Eeya lolopatai umati lo Eeya lonto Masiri, wau helo polahi babaa-ngusawalo wewo tou̒ umati lo Eeya lomaju helo paatea.

ESRA 1:2

“Utieelo palenta lei Kores, olongia lo Persia. Eeya, Allahu Taa̒ala takawa-kawaasa tosologa malo powali mai olau̒ olongia to ngoilanggubu dunia, wau longohi tuugasi olau̒ u momongu bele ode Eeya to Yerusalemu tomadala Yehuda.

NEHEMIA 2:4

Ti olongia lohintu mao̒, “Oditolio, wolo u otohilaamu?” To delomo hilaau̒ malodua̒ mola to Allahu Taa̒ala takawa-kawasa tosologa,

NEHEMIA 4:14

Tou̒ iloontongau̒ mao̒ deu̒ ulipu mailoohe, yi wau̒ loloi̒ya mao̒ olimongolio wau ode tahimuloa lo ulipu wau mongo tau̒wa, “Diilo mao̒ oohe tomusu! Eelailo mola to Eeya tamolotolo wau polupolutuo̒, wau pohipateelo ode mongo wutatumu, tau̒ kekeei̒, dilebua wau belemu!”

NEHEMIA 4:8

Timongolio loheluma ohilaa moluhu Yerusalemu u mopotoodeo̒ tolonggalo.

NEHEMIA 9:32

Yaa Allahu Taa̒ala, Allahu Taa̒ala lo mongowatotia tamolotolo! Allahu Taa̒ala taa udaa̒ wau laba-labaalo! Wolo tatapu wau molotolo hilao dilihuma lo Eeya dadaanti; totoonulalo danti lo Eeya piloo̒polu mai lo Eeya wau piloponao̒ lo Eeya. Tumulalo mai mongo olongia lo Asyur helodeehe olo mongowatotia demai botia, sikisaa u helo toduo mai to mongowatotia. Mongo olongia lo mongowatotia, iimamu, nabi wau tahimuloa lo ulipu, olo loluuhuru wau ulipu, masilikisa ngoa̒amila. Ambunguolo diila mao̒ lipata totoonulalo sikisa boito! Ambunguolo diila mao̒ poo̒olia monto pikiilangi lo Eeya!

JABURU 47:2

Polaa̒apolo mola uluu̒ wolo wengahu, wuu totoonulalo bangusa! Pujialo mola Allahu Taa̒ala wolo tingalaa̒ meengahu!

JABURU 76:8

Otutu malo moo̒tihela hapato Eeya! Wonu Eeya muluka tatoonu tamoo̒ taahangi?

JABURU 89:2

Odehu hilao lo Eeya, yaa Eeyau̒, mapolahuo mola lowatotia ohiheolo mao̒, otatapu wau olootolo hilao lo Eeya mapo habario lowatotia wawaalia mola.

JABURU 89:3

Sababu otaawa lo watotia ponu lo Eeya tatapu ohiheo-hiheolo mao̒ wau diila opulitio, otatapu wau olootolo hilao lo Eeya motoheto debo odelo hulungo.

JABURU 89:8

Eeya hurumatiolio to wolota lo tahi mantalia, oohelio lebe lou̒ ngoa̒amila to palito Eeya.

PILOTIMUA̒TA 20:6

Bo Wau̒ mopo bilohei ponu-U̒ ode helihu-lihua wali mai lotau-tauwalo tahipo tolia̒ngowa ola-U̒ wau modungohe palentaa-U̒.

TINGULI 7:12

“Wonu timongoli mopoo̒tuoto totoonulalo palenta boito, wau mohutu mao̒ wolo tatapu wau molotolo hilao, yi Eeya Allahu Taa̒ala limongoli olo matatapu wau molotolo hilao to daantia u pilohutu-Lio mai woli mongoli. Tio mamopo bilohei ponu-Lio utatapu olimongoli, debo odelo u pilodanti-Lio mai ode loluuhuru limongoli.

TINGULI 7:21

Oditolio diila mao̒ oohe to babaa-ngusawalo boito. Eeya Allahu Taa̒ala limongoli moduo̒lai olimongoli. Tio yito Allahu Taa̒ala tau̒daa̒ wau moo̒tihela hapato.

TINGULI 7:9

Eelai mao̒ deu̒ Eeya Allahu Taa̒ala limongoli yito tatuwa-tuwaulo Allahu Taa̒ala, wau Tio Allahu Taa̒ala utatapu wau molotolo hilao. Eeya mopoo̒polu dantilio wau mopobilohei ponu-Lio utatapu tunggula ngolihu mola wali ode taa u motolia̒nga o-Lio wau modungohe totoonulalo palentaa-Lio.