NEHEMIA 1:4 - KITABI HABARI MOPIOHE

⁴ Loo̒dungohe habari boito, wau̒ lotihuloa̒a mola wau hilumoyongo. He odula-dulahelio mola hiheolio wau̒ siluukali lohilao. Wau̒ tulusi helo puasa mola samabela helodua̒ to Allahu Taa̒ala,

NEHEMIA 1:4 ပူးပေါင်းရင်းမြစ်များ

OLUO LO SAMUEL 12:16

Lapatao̒ tei Dauda malodua̒ ode Eeya alihu walao̒ boito moluli. Tio helo puasa wau timii̒du hui tio helo tibalata ilo-iloonua towumbato lo huwaliilio.

OLUO MONGO OLONGIA 22:19

yio̒ mamolee̒ wau motidupapa lo batanga totalu-U̒. Wau̒ malo nganjamu u mohukumani mao̒ Yerusalemu wau ulipulio. Wau̒ mamopowali mao̒ kota boito tuwaulio polobilohe umoo̒ tihela hapato, wau tanggulo Yerusalemu mapowaliyo-U̒ mao̒ tanggulo laa̒anati. Bo tou̒ yio̒ modungoheo̒ pasali lo aanjamu-U̒ boito yio̒ mahumoyongo wau mongaidinga pakeyangimu tuotio suukali. Wau̒ malo dungohe dua̒amu,

ESRA 1:2

“Utieelo palenta lei Kores, olongia lo Persia. Eeya, Allahu Taa̒ala takawa-kawaasa tosologa malo powali mai olau̒ olongia to ngoilanggubu dunia, wau longohi tuugasi olau̒ u momongu bele ode Eeya to Yerusalemu tomadala Yehuda.

ESRA 10:1

Tou̒ tei Esra donggo hemodua̒ mola sambela hiyohiyongo wau helongaku dusa totalu Bele lo Eeya, dadaata daa̒ taulo Isirai̒lu lonao̒ mai lotia̒mbu, mopio mongo lolai̒, mongobua tau̒ kekeei̒. Timongolio olo lomalitao̒ olio sambela hehiyongo daa̒-daa̒alo mao̒.

ESRA 9:3

Loo̒dungohe sua̒li boito, wau̒ loraasa lolee̒e daa̒ tilinggula helo ngaidingao̒ pakeyangiu̒ wau lomahutao̒ huwoo̒ wau dangguu̒, tulusi lotihuloa̒a wolo hilaa u lotoyopu.

ESRA 9:5

Tou̒ bake lolaango tilumula hepodewolo, matilimihula mola wau̒ lonto tambati ilosukariyau̒ boito wolo pakeyangi ukai-kaidingo, wau̒ losujudu wau lohudu mola ulu̒u ode Eeya Allahu Taa̒alau̒.

NEHEMIA 2:20

Wau̒ lolametao̒, “Allahu Taa̒ala takawa-kawasa tosologa mamohutu mai kalaja lami ohaasili. Ami yito mongo wato-Lio wau ami mamolumulao̒ momongu. Bo timongoli diila ohaku meaalo penu boli miliki wolo wambai̒o to Yerusalemu. Tumbao̒ wonu tau mobisala pasali lo Yerusalemu, tanggulumu diila tau̒nte-unteelio.”

NEHEMIA 2:4

Ti olongia lohintu mao̒, “Oditolio, wolo u otohilaamu?” To delomo hilaau̒ malodua̒ mola to Allahu Taa̒ala takawa-kawasa tosologa,

JABURU 102:15

Sababu mongo wato lo Eeya motolia̒ngo olio, penu boli tio malowali tuodu. Timongolio helodehu hilao to olio, penu boli tio malowali peaahuo̒.

JABURU 136:26

Posukurulo mola to Allahu Taa̒ala tamongawasa hulungo; ponu lo Eeya ohiheo-hiheolo mao̒ diila opulitio.

JABURU 137:1

To biihu duduu-tulawaalo Babel ami lotihuloa̒ wau hilumoyonga wonu moe̒ela mola Sion.

DANIALI 10:2

Tou̒ boito watia donggo lotiitihi batanga lonto oorame lodunia ahadilio totolu polupolu.

DANIALI 2:18

Ilahulalio timongolio helodua̒ mola ode Allahu Taa̒ala tosologa alihu Allahu Taa̒ala modehu hilao toli mongolio wau momuo̒ hitua-tuawua u milakusudu hetuu̒olo pasali lo tohiilopo boito. Lou̒ odito timongolio diila tahukuu-maniyolo mate pee̒-pee̒enta wolo ngoa̒amila tahuaa̒a mongalati wau motoloo̒ mololohe dalalio uwewo.

DANIALI 9:3

Lapatao̒ malodua̒ mola watia lou̒ tio̒otutua ode Eeya Allahu Taa̒ala, wau lomohone odehu hilaa-Lio. Watia olo helopuasa wau lomake kaingi kado wau lotihuloa̒ toitaato peaahuo̒.

YUNU 1:9

Tametao̒ lei Yunu, “Wau̒ taulo Ibrani. Wau̒ hemolubo Eeya, Allahu Taa̒ala tosologa, talo powali mai deheto wau tudulio.”

JEPANYA 3:18

Sababu timongoli, Tio mopolahu weengahu debo odelo taa u donggo hemo potihunggu.” Tahuda lo Eeya, “Hidala-dalaala baala u monganjamu olimongoli pilopo diaaluwo-U̒. Ohihinamu mailulutu-U̒.

ROMA 12:15

Poti wengahulo wolo tau-tauwalo tahi wengahe, wau pohiyongolo woli mongolio tahe hiyonga.