NEHEMIA 1:3 - KITABI HABARI MOPIOHE

³ Timongolio helo hungguli mai deu̒ tau-tauwalo bakasi polayahu tamalo hualingai ode huta pilohuluta lo duhulio boito, botia hitumula sikisa wau hehilina lo babaa-ngusawalo deli tawoluo topalitio. Donggo poli, didii-ngingaalo kota Yerusalemu donggo hia̒antulua daa̒ wau huhuu-hebuwaalo hulubangilio diipo piloo̒piohu tumulalo mai yilopobu tou̒ yilalu mao̒.

NEHEMIA 1:3 ပူးပေါင်းရင်းမြစ်များ

BOHULO MONGO OLONGIA 9:7

yi Wau̒ mamopo hinggi umati-U̒ Isirai̒lu monto lipu u mailohiu̒ mai ode limongolio. Wau̒ olo mamololaa bele botie u matilantu mao̒ lowali tambati poi̒baadatialo ode ola-U̒. To utoonulalo mao̒ taulo Isirai̒lu mahinaalio wau poi̒ii̒yalio.

OLUO MONGO OLONGIA 25:10

Lapatao̒ ngoa̒amila tahidudua̒ olio helo poloohubeo̒ didii-ngingaalo meeseli tokota boito.

OLUO TAWARI 36:19

Tio helo polohubeo̒ dingingo meeseli lo Yerusalemu, wau lomobu kota boito, leituwoto Bele lo Eeya wau ngoa̒amila bele biluloa̒ saaha li olongia wolo babaa-langiyalo ohalaga udonggo woluo todelomo bebee-leyaalo biluloa̒ saaha li olongia boito.

ESRA 2:1

Dadaata towolota lotau-tauwalo polayahu lololaa mao̒ madala lo Babel tulusi luli lohualinga ode Yerusalemu wau Yehuda, ngota-ngota ode kotalio lohihilao. Timongolio matiluumulo todelomo polayahu to Babel tumulalo mao̒ timongolio hebilintai̒o mola odito li Olongia Nebukadnejar.

ESRA 5:8

Bolo potaala ti Baginda maa̒lumu, deu̒ amiaatia malonao̒ mola ode polopinsi lo Yehuda wau loo̒onto mao̒ deu̒ Bele lo Eeya, Allahu Taa̒ala Taa Molamahu, donggo hebongulolio poli wolo boboo-tuwaalo leiduduulaa̒ wau didii-ngingaalo meeselilio yiloludelio wolo ayu. Kalaja boito hepilo hutulio wolo mou̒lintapo daa̒ wau nonao̒olio moolato.

NEHEMIA 11:3

To kokoo-tawaalo wewo, ulipu lo Isirai̒lu, mongo iimamu, tau-tauwalo Lewi. Tahi pokalajawa Bele lo Eeya, wau wali mai lo tahi pomayaa lei Salomo lotibiluloa̒ to huta miliki limongolio wau to kokoo-tawaalo limongolio lohihilao.

NEHEMIA 2:13

Dulahe donggo hui, tou̒ ami lololaa mao̒ kota lolibaaya Huhebu Hulubangi Lumbaya to ambahu otolopa. Ami lotidulunga mola ode ambahu hulialio, ode Huhebu Hulubangi Puputo, lolibaaya Butu lo Taluhu Naha. To delomo nonao̒ boito wau̒ lomalakisao̒ totoonulalo helorusa to dingingo meeseli lokota wau iloontongau̒ olo huhuu-hebuwalo hulubangi u mailaahu lotulu.

NEHEMIA 2:17

Bo lapatao̒ wau̒ loloi̒ya mao̒ ode limongolio, “Bilohilo mao̒ owowoluwoonto u sikisikisa botie! Yerusalemu bolo tuodio wau huhuu-hebuwaalo hulubangilio malopulito yilaahu lo tulu. Dulolo ito muli momongu didii-ngingaalo meeseli lokota Yerusalemu alihu ito diilalo hinaalio.”

NEHEMIA 2:3

tulusi lolametao̒, “Pomalitutuo̒olo mola Baginda u ohiheo-hiheolo mao̒! Woloolo mola watotia diila suukali, wonu kota tambati lobake linenemoya lo watotia botia bolo tuodio wambao̒ wau huhuu-hebuwaalo hulubangilio maloaantulu yilaahu lotulu.”

NEHEMIA 7:6

Dadaata to wolota lotau-tauwalo tahe pilolayahu lololaa mao̒ polopinsi lo Babel wau luli lohualingai ode Yerusalemu wau Yehuda, ngota-ngota ode kotaalio lohihilao. Timongolio malohiheo tumutumula todelomo polayahu to Babel, tumulalo mao̒ timongolio bilintai̒o mola odito odelo tawalo li Olongia Nebukadnejar.

ESTERI 1:1

To Susan, tiilo lokota Persia, tei Ahasyweros helo malenta odelo olongia. Yilaidialio tilitangoa lo ngohetuto dulo pulaa pitu polopinsi, tumulalo mao̒ lonto India demola Sudan.

JABURU 79:4

Amiaatia lowali hipohentea̒ lo babaa-ngusawalo totiheede, hipoi̒ii̒ya wau hepohentea̒ limongolio amiaatia.

POHUMAYA 25:28

Taa u diila moo̒ otongo batangalio debo odelo kota u malo lohubu biintengilio.

YESAYA 43:28

mongo iimamu malo pokootolo Bele-U̒. Yi Isirai̒lu yiludu-U̒ mao̒ u hinaalio, wali mai lei Yako piloluli-U̒ poo̒pulitolo sama-samaata.”

YESAYA 5:5

Odie mola mapohutuo-U̒ mao̒ wolo ilengi lo angguru-U̒ boito: Bala u momalitao̒ mapahuto-U̒, dingingo meeseli u lolilunga malo lohubuo-U̒, lapatao̒ poluli-U̒ binatangi mongantau moporuusa wau molumbe-lumbetaa̒ao̒.

YEREMIA 24:9

Wau̒ mamopo topotala mai olimongolio odito rupalio tilinggula totoonulalo bangusa to ngoilanggubu dunia mamoohe. Penu boli tou̒toonu timongolio mapobua̒yaa-U̒, timongolio mahenteo̒lio, wau poi̒ii̒yalio boli hinaalio. Tangguli mongolio mapomake odelo laa̒anati.

YEREMIA 29:18

Timongolio mayila-yilapita-U̒ wolo popaatea, polobiti, wau wembelo lo ngongoto tilinggula ngoa̒amila bangusa to ngoilanggubu dunia mamolaasa timihela hapato moo̒onto owowoluwoa limongolio. Penu boli tou̒toonu pobubuu-alaa-U̒ timongolio, wau tau mamolaasa timihela hapato wau moohe moo̒onto wolo u malotoduo mai woli mongolio. Timongolio mahenteo̒lio, wau tangguli mongolio pomakelio odelo laa̒anati.

YEREMIA 39:8

Sambela uito tau-tauwalo Babel helomobu bele biluloa̒ saaha li olongia wau bebee-leyaalo ulipu, wau helo poloohubeo̒ didii-ngingaalo meeseli lo Yerusalemu.

YEREMIA 42:18

Odelo woloolo mola Wau̒, Eeya Allahu Taa̒ala lo Isirai̒lu lopo bangguwatai oyiyingo wau omulukaa-U̒ daa̒ ode ulipu lo Yerusalemu, odito olo mapo bangguwatu-U̒ mai omulukaa-U̒ daa̒ ode limongoli tamonao̒ ode Masiri. Tau matimihela hapato moo̒onto olimongoli; timongoli mahinaalio, wau tanggulumu mapomake odelo laa̒anati. Timongoli diilalo moo̒onto huta pilohuluta mai loduhumu botie.”

YEREMIA 5:10

Wau̒ mamolao mai musu u moporuusa ilengi lo angguru limongolio, bo diila u mopobinasa mao̒. Wau̒ mamopoa̒hu musu boito momopoto walao̒ tango bubuu-ngowaalo angguru limongolio, sababu wawaa-lao̒owalo tango boito diila miliki-U̒.

YEREMIA 52:14

Lapatao̒ ngoa̒amila tahidudua̒ olio helo poloohubu didii-ngingaalo meeseli lokota boito.

HIYONGO MOPOILAALO SUUSA 1:7

Lapatao̒ lolohubu wau lodutolo, Yerusalemu lotipoo̒yo lomikiilangi mola masaalio u yilaalu mao̒, tou̒ tio donggo ohalata dadaata; woloolo mola ulipulio lodehu ode uluu̒ lomusu, wau diaaluo penu boli ngotaa mao̒ tamai lomantu. Mongo laawanilio bo hipoi̒ii̒ya loo̒onto ololoohubio.

HIYONGO MOPOILAALO SUUSA 2:9

Huhuu-lubangilio ilotambula lohuta, ngoa̒amila papaa-langilio loboli; olongia wau tahidihuma pantungo lo pamalenta woluo to polayahu. Butoo̒ Eeya diilalo pilo-ngaajalilio; nabi diilalo lololimo wahi lonto Eeya.

HIYONGO MOPOILAALO SUUSA 3:61

Eeya, yaa Eeya, helo dungohe watotia hilinaalio; otaawa lo Eeya ngoa̒amila patuju limongolio.

HIYONGO MOPOILAALO SUUSA 5:1

Eelailo mai, yaa Eeya, wolo u lotoduo to mongowatotia. Bilohilo mai mongowatotia, tontongilo mai ohihina lo mongowatotia.

IMAAMATI 26:31

kokoo-tawaalo limongoli lomelo-U̒ mowali tutuu-wodeyaalo, tambati hepomujawa limongoli antuluwo-U̒ wau babaa-keyaalo limongoli diila tiolimoo-U̒.

IMAAMATI 26:33

Wau̒ mamopobutu mai popaatea tolipu limongoli wau mopobubuu-ayaawa olimongoli to lilii-puwaalo lotaa deli. Halabolu limongoli maa ololoihia, wau kota limongoli maa luliluli mowali tuodu.