NEHEMIA 1:2 - KITABI HABARI MOPIOHE

² Tou̒ boito wutatuu̒ tei Hanan leidungga mai lonto Yehuda wolo dengolo lota. Lapatao̒ timongolio pilohintuwau̒ mao̒ pasali owowoluwoa lo Yerusalemu wau tau-tauwalo Yahudi tamalo hualingai lonto polayahu to Babel.

NEHEMIA 1:2 ပူးပေါင်းရင်းမြစ်များ

ILOOWALI 14:10

Lumbaya boito polupolu wolo ali loteri, wau tou̒ mongo olongia lonto Sodom wau Gomora helo tolopani mopolahi batanga monto popaatea, timongolio helo dedeehu ode delomo aa̒a-liyaalo boito. Toulota olongia wewolio loa̒ahu tilumeteo̒ ode hihui̒-hui̒dee.

OLUO MONGO OLONGIA 24:14

Ti Olongia Yoyakhin, mongo pogaweelio, wau mongo tau̒wa lo Yehuda – ngoa̒amilalo pitu lolihu lota tahimuloa lo ulipu – tilawalio wau bilintai̒o mota ode Babel. Wau olo tahi aahalia mokalaja wau taa u motota modupawate ngodaata ngolihu lota, ngoa̒amilalo tahilotola wau tahibuhelia u mopaatea. Tau-tauwalo wali mai li olongia, wau tau-tauwalo tahimuloa lo ulipu olo hebilintai̒o mota ode polayahu – ngoa̒amilalo maito ngolihu lota. Ngopee̒ ngoilanggubu ulipu lo Yerusalemu hebilintai̒o mota; taa leitolaa bolo ulipu tahi mosikinia daa̒.

OLUO MONGO OLONGIA 25:12

Bo ngotayadu lo ulipu tamosikini daa̒ wau tadiila ohalata tilolaalio mao̒ to Yehuda wau ilahulalio helo kalaja ilengo lo angguru wau hahaa-laaboluwalo.

ESRA 9:14

Oditolio, diila pongalo aakali mongowatotia muli momalonga totoonulalo palenta lo Eeya wau monika uu̒ulauwa wolo tau-tauwalo tahileeta hileeta boito? Wonu mongowatotia mopohutu uito, tantulo mao̒ Eeya mamomuluka daa̒ tilinggula mongaantulu mai to mongowatotia sama-samaata wau diila mopoluli penu boli ngotaa mao̒ tatumumulo.

NEHEMIA 7:2

Pamalenta kota lo Yerusalemu yiluduu̒ mao̒ ode wutatuu̒ Hanan wau odelei Hananya, eyaanggu lo biintengi sababu tio lebe mao̒ wolo taa wewo, moohe to Allahu Taa̒ala wau mowali palacayaalo.

YEREMIA 44:14

Monto taulo Yehuda tai̒lo labita, tamalonao̒ ode Masiri u lotibiluloa̒ mola teto, diaaluo penu boli ngotaa mao̒ mamolopato meaambo tumumulo. Diaaluo penu boli ngotaa mao̒ monto olimongolio mamuli mohualinga ode Yehuda, penu boli sua̒li boito otohilaa daa̒ limongolio. Otutu, diaaluo tamaa mohualingo ngopohia dengolo lota tahe lopoa̒ahu batanga.”

YEHESKIEL 6:9

mola teto timongolio tumumula todelomo polayahu. Lapatao̒ timongolio mamoe̒ela ola-U̒ boli mongalati deu̒ Wau̒ mohukumani wau mohina olimongolio sababu hilaa limongolio diila tatapu wau molotolo hilao to Olau̒. Timongolio malo lolaa ola-U̒ wau lolulaota balaahala odelo tulou̒u-U̒. Lapatao̒ timongolio mamolonuo̒ to batangaa limongolio lohihilao sababu totoonulalo ololeeto wau okootolo u mapilohutu limongolio.

YEHESKIEL 7:16

Ngotayadu mamolopato wau molahi ode hihui̒-hui̒dea. Mota teto timongolio madebo odelo bubuu-lungiyaalo pombo u yilanengo lonto luluu-mbayaalo; ngoa̒amilalo mamopo ilaalo suusa sababu duduu-sawaalo limongolio.