NEHEMIA 1:11 - KITABI HABARI MOPIOHE

¹¹ Ambunguolo dungohilo mai dua̒ lo watotia wau dua̒ lo ngoa̒amila wato lo Eeya uwewo, tao̒hilaa mohurumati mola to Eeya. Ambunguolo tulungiyalo mai lo Eeya alihu todulahe botie wato lo Eeya botie ohaasili moo̒ toduo mai odehu hilao monto li olongia.” To maasa boito wau̒ yito hemongurusi uilumo li olongia.

NEHEMIA 1:11 ပူးပေါင်းရင်းမြစ်များ

ILOOWALI 24:42

Wau tou̒ watia leidungga mota to ali engonti, watia helodua̒ todelomo hilao, ‘Eeya, Allahu Taa̒ala lei Abraham tituani lo watotia, ambunguolo patutilio Eeya mohutu mai tuugasi lo watotia ohaasili.

ILOOWALI 32:11

Aambunguolo watotia momolohone tio̒otutua poa̒ahuwalo mai watotia monto likaka lowatotia Esau. Watotia moohe bolo monao̒ mai tio wau moluhu olo watotia wau mopobinasa olo mongo watotia ngoa̒amila, wau olo mongobua wau tau̒kekeei̒.

ILOOWALI 32:28

Ualo tau boito, “Tanggulumu diilalo Yako. Yio̒ malo hipate wolo Allahu Taa̒ala wau wolo manusia, wau yio̒ loo̒haama; sababu uito tanggulumu malowali Isirai̒lu.”

ILOOWALI 40:1

Dengolo wakutu mola lapatio mao̒ tamomayawa duulota li olongia lo Masiri, deu̒yito-yito tamoo-ngulusia minumani wau tamoo-ngulusia lotilio, helohutu totala toli olongia.

ILOOWALI 40:2

Yi maloingo ti olongia totahi pomayaalio duulota boito,

ILOOWALI 40:21

Tamoo-ngulusia minumani pilopo walingio mao̒ ode huhuloa̒ ubohu-bohulio mai.

ILOOWALI 40:23

Bo tamoo-ngulusia minumani boito diilalo loe̒ela olei Yusu. Tio sama-samaata lolipata olei Yusu.

ILOOWALI 41:9

Lapatao̒ tamoo-ngulusia minumani loloi̒ya mao̒ odeli olongia, “Dulahee botie watotia musi mongaku totala lo watotia.

ILOOWALI 43:14

Hinta Allahu Taa̒ala Taa Laba-labaalo kawasa mohutu mao̒ hilaa li gubolonulu boito molaasa motolia̒ngai olimongoli, tilinggula tio mohuto mopo walingai olei Benyamin wolei Simeon ode limongoli. Tomimbihu olau̒ botie, wonu wau̒ memangi musi oolia lomongo walau̒uu̒, bolo mao̒ pongola.”

OLUO TAWARI 6:40

Botia, yaa Allahu Taa̒ala lowatotia, poo̒tuotalo mai mongowatotia wau dungohilo mai duduu-awaalo u pilopo tunggulo lo mongowatotia ode Eeya monto tambati botie.

ESRA 1:1

To bohulo taunu pamalenta lei Kores, olongia lo Persia, Eeya heloponao̒ wolo u mapilo tahuda-Lio mai lotimbulude oli Nabi Yeremia. Eeya lohuntula hilaa lei Kores u lopolualao̒ palenta tuwau u hepilobaca to ngoilanggubu yilaidialio. Tingohio odie mola:

ESRA 7:6

Tei Esra ngotaalio lo tao̒sikola wau dadaata otaawalio pasali lo Butoo̒ uilohi mai lo Eeya, Allahu Taa̒ala lo Isirai̒lu odelei Musa. Sababu tei Esra bilarakati mai lo Eeya Allahu Taa̒alaalio, yi ti olongia longohi mao̒ olio totoonulalo u pilohilelio. To taunu opitulio pamalenta li Olongia Artahsasta, maa lomonggato tei Esra lonto Babel lotidulunga ode Yerusalemu wolo ngopolemboa̒ taulo Isirai̒lu u tilitangoa lou̒ ngojumulaa iimamu, taulo Lewi, tamoolahua wau tamodahawa hulubangi to Bele lo Eeya, wau tahi pokalajawa.

NEHEMIA 1:6

Ambunguolo bilohilo mai watotia yaa Eeya, wau ambunguolo dungohilo mai dua̒ u hepobotulo mola lo watotia ode Eeya hui wau dulahu duo̒lo umati lo Isirai̒lu, mongo wato lo Eeya boito. Watotia motolongaku mai deu̒ mongowatotia, mai̒lodusa; watotia wau mongo loluuhuru lo watotia mai̒lodusa olo.

NEHEMIA 2:1

Tou̒ dulahe tuwau, wopato hula mola lapatio mao̒, deu̒yito-yito tohulalo Nisani, tou̒ ti Olongia Artahsasta donggo hemolamelo, wau̒ lopohinta mao̒ angguru olio wolo baya wunuwunulo. Diipo pee̒enta mao̒ wau̒ oontonga wunuwunulo totalulio debo odelo todulahe boito.

NEHEMIA 2:8

Wewolio mao̒ leeto, wau̒ olo helohile tuladee odelei Asap, tamoo-ngimatoa oa̒ayua lo bele biluloa̒ saaha li olongia, alihu tio mopodapato mao̒ ayu ode huhebu hulubangi lo biintengi totili Bele lo Eeya, wau ode dingingo meeseli lokota wau bele u mapoti biluloa̒au̒. Ti olongia lopoo̒polu mao̒ ngoa̒amila hihiileu̒ boito, sababu Allahu Taa̒ala helo tulungi mai olau̒.

JABURU 106:46

Eeya lohutu mai olimongolio tilolia̒ngo lo ngoa̒amila taa u lolawala olimongolio.

JABURU 130:2

Yaa Eeya, dungohilo mai iibodu lowatotia, poo̒tuotilo mai polohone lowatotia.

JABURU 61:5

Poluliaalo mai watotia ngotupa lo tutumulo motihangata to kema lo Eeya, alihu aamani todelomo wolungo polipio̒ lo Eeya.

JABURU 86:6

Poo̒tuotilo mai dua̒ lowatotia, yaa Eeya, dungohilo mai iibodu lowatotia mei̒ tuulungi.

POHUMAYA 1:29

Timongoli debo odelo taa udiila pee̒enta mao̒ ohilaa moo̒tapu pongotota, wau moomu modungohe to Eeya.

POHUMAYA 21:1

Tutuuwauwa debo odelo Eeya mongaatulu taluhu dutulaa alihu tumolohu modudua̒ kahandaki-Lio, odito olo Eeya modelo pikiilangi li olongia.

YEREMIA 42:12

Sababu Wau̒ odehu hilao olimongoli. Wau̒ mamohutu mai oli olongia lo Babel motolia̒nga olimongoli wau mopoluasi olimongoli mohualingo. Wau̒, Eeya, malo tahuda mai.’ ”

MALEAKHI 3:16

Lapatao̒ tau-tauwalo tahi woohea to Eeya loloi̒ya ngota timongota. Eeya lodungohe wau lopoo̒tuoto wolo uiloi̒ya limongolio. Tau-tauwalo tahipo hulumatia o-Lio wau moohe to Olio, tiluladu mao̒ tanggulio todelomo buku daputali tuwau uwoluo totalu-Lio.

IBRANI 13:18

Podua̒alo mola tulusi ode lamiaatia. Amiaatia yakini hilaa u maloo̒tapu tinelo Eeya lamiaatia belesi, sababu todelomo totoonulalo sua̒li amiaatia laito ohilaa mohutu wolo u otutu.