NEHEMIA 1:1 - KITABI HABARI MOPIOHE

¹ Uti-utieelo podulohu lei Nehemia walae̒e Hakhalya tomimbihu poloo̒olohio. To delomo hulalo Kislewu totaunu odulo pulu pamalenta lei Artahsasta odelo olongia to Persia, wau̒, Nehemia, woluo to Susan, tiilo kota lo bele biluloa̒ saaha li olongia.

NEHEMIA 1:1 ပူးပေါင်းရင်းမြစ်များ

ESRA 10:9

Lapatao̒ tolo hui mola, todulahu odulopulu hulalo otiolio, ngoa̒amila mongo lolai̒ tahi biluloa̒wa tolipu lo Yehuda wau Benyamin lonao̒ mai ode Yerusalemu wau lotia̒mbu topaango Bele lo Eeya. Tou̒ boito didi lotuhutai wolo polodio. Ngoa̒amila tau bolo polo-polopalio sababu huhulio lodulente wau olo sababu polohuna daa̒ lo dudunggaya boito.

NEHEMIA 10:1

Tabohulo helo podutu mao̒ pali lo uluu̒lio yito ti Gubolonulu Nehemia walae̒e Hakhalya. Lapatao̒ lodudua̒ tei Jedekia. Lapatao̒ uito tau-tauwalo wumbutio mola botie helo podutu mao̒ pali lo uluu̒lio olo:

NEHEMIA 2:1

Tou̒ dulahe tuwau, wopato hula mola lapatio mao̒, deu̒yito-yito tohulalo Nisani, tou̒ ti Olongia Artahsasta donggo hemolamelo, wau̒ lopohinta mao̒ angguru olio wolo baya wunuwunulo. Diipo pee̒enta mao̒ wau̒ oontonga wunuwunulo totalulio debo odelo todulahe boito.

NEHEMIA 5:14

Wau̒ malowali gubolonulu lo Yehuda mopulaa dulo taunu mola hiheolio, deu̒yito-yito tumulalo mai totaunu odulo pulu demola taunu otolo pulaa duluo pamalenta li Olongia Artahsasta. Ngotilonggadu wakutu boito wau̒ wau mongo wutatuu̒ diila pee̒enta mao̒ helohama tulaheu̒ odelo gubolonulu.

ESTERI 3:15

Tahe ahulaalo hua̒a lomonggato lodepita tutuu-ladeyaalo boito ode polopinsi lo bele biluloa̒ saaha li olongia. To poa̒hu mao̒ li olongia, palenta boito hepilo malalumu olo to Susan, tiilo lokota Persia. Lapatao̒ uito ti olongia wolei Haman malo tihuloa̒a sambela hemongilu angguru, bo tokota Susan mahi buluhutawa sababu habari boito.

DANIALI 8:2

To bibilohe boito ilodungga lowatia batanga lowatia to polopinsi Elam, to Susan, tiilo lokota Persia. Watia tihutihula totili lodutula Ulai,

JAKARIA 7:1

To dulahu opulaa pato hulalo Kislewu, deu̒yito-yito hulalo otiolio, todelomo taunu opatio pamalenta li Olongia Darius, Eeya longohi mai poli tahuli olaatia.