NAHUM 1:4 - KITABI HABARI MOPIOHE

⁴ Eeya monganjamu deheto wau mopohengu mao̒, ngoa̒amila dutulaa pilomata lopulito taluhio. Hui̒dee Karmel wau huhuu-tawaalo datahu wau luasi to Basyan mowali mohengu wau to Libaanon malo lolante totoonulalo bunga.

NAHUM 1:4 ပူးပေါင်းရင်းမြစ်များ

YESAYA 33:9

Lipu tolaalio mowali moliilo. Oa̒a-oa̒ayuwalo lo Libanon mingga-minggalato, wau lumbaya Saron u molomiodu mowali debo odelo huta datahu wau luasi udelita. To Basan wau to Hui̒dee Karmel duduu-ngowaalo loduduulahu.

JABURU 106:9

To palenta lo Eeya Deheto Gelaga lowali lohengu, Eeya lodelo umati-Lio lonao̒ lolibaya deheto, debo odelo lolibaya huta datahu wau luasi udelita.

YESAYA 51:10

Eeya olo talo pohengu deheto, taluhu lo auhee daa̒ u modelomo. Eeya lohutu dalalo loli taluhu boito, alihu tau-tauwalo tahe piaahu moo̒ balango.

YESAYA 44:27

Wau̒ulo talo tahuda mai towamoo̒ lodeheto: Powootilo! Wau̒ motohilaa mopohengu duduu-tulaamu.

JABURU 114:5

O wolo, wuu deheto, tilinggula yio̒ tilumeteo̒, wau Dutulaa Yordan lohuheli tilumolohu?

JABURU 114:3

Deheto Gelaga loo̒onto to Eeya tulusi tilumeteo̒, Dutulaa Yordan lohuheli tilumolohu.

JABURU 104:7

Tou̒ ilantingo Eeya, taluhee boito tilumolohu, tilumolohu wolo loo̒ohuu̒ sababu hulaubu suala lo Eeya.

JABURU 74:15

Eeya helo potolohe butu lotaluhu wau dutulaa; dutulaa daa̒ pilopo hengu lo Eeya.

MATIUSI 8:26

“Yilongola timongoli moohe?” tahuda mao̒ li Isa. “Timongoli diila boti palacaya ola-U̒!” Lapatao̒ ti Isa matilimihula mola wau longantinga dupoto wau bulalo boito. Tulusi bulalo mailoole daa̒.

AMOS 5:8

Eeyaalo talohutu popoo-liyamaalo towoludu dulente u mohenggube dunia – poliyama Balantik wau poliyama Kartika. Tio lolomela modio̒lomo lowali lobaango wau dulahu lowali hui; taluhe lonto auhu bilungguwa-Tio ode tudulio. Talohutu ngoa̒amila boito tanggu-Lio yito Eeya.

AMOS 1:2

Uti-utieelo uiloi̒ya lei Amos, “Eeya loheuwanga lonto huludu lo Sion, sualaa-Lio lohulaube lonto Yerusalemu. Huhuu-tawaalo luasi u pilobutua lo huo̒yoto lowali lohengu, huo̒yoto to Hui̒dee Karmel lohengu-hengulo mao̒.”

YEHESKIEL 30:12

Wau̒ mamo pohengu Dutulaa Nili wau mohudu ngoilanggubu lo Masiri ode tau-tauwalo moleeto. Tau-tauwalo deli maa̒hula-U̒ mopobinasa ngoilanggubu lipu boito. Wau̒, Eeya, malo tahuda mai.”

AYUBA 38:11

Tahuda-U̒ olio, ‘Utieelo enggadelio. Diila mao̒ laodemu! Utieelo bubuu-oloomu u moo̒huu̒ musi mohuheli.’

ILOOWALI 8:1

Allahu Taa̒ala diila lolipata olei Noho wau totoonulalo binatangi u woluo pee̒-pee̒enta wolio todelomo kapali boito. Allahu Taa̒ala malohutu dupoto lohiipai, tilinggula taluhu boito lolaahu.

YOSUA 3:16

tou̒ boitolo mola tolohu taluhu dutulaa boito lobunto. Molaminga mola to wimbihu tau̒wa lodutulaa, taluhio lotiwimoo̒ to Adamu, kota tuwau u dudutuulio to ambahu kota lo Sartan. Taluhu towimbihu dutulaa ambahu walungo utolo-tolohe ode Lau Mati lobunto sama-samaata, tilinggula umati lo Isirai̒lu loo̒ balangaao̒ toitaato huta u mohengu tataalua wolo kota lo Yerikho. Mongo iimamu tahi potaala Bulua Daantia boito debo hitihula tohuungo dutulaa tunggula ngoilanggubu umati lo Isirai̒lu leidungga ode ngotuali.

OLUO LO SAMUEL 22:16

Wamoo̒ deheto lobintaao̒ wau wumbato dunia yilohuo̒ tou̒ Eeya longantinga musu lo Eeya wolo muluka.

YESAYA 42:15

Hui̒du wau huludu mapowaliyo-U̒ diila mowali obutua lopilomulo, ngoa̒amila pilomulolio powaliyo-U̒ mololante. Luluu-mbayaalo dutulaa lomelo-U̒ mowali huta datahu wau luasi daa̒ udelita, ngoa̒amila bulalo pohenguwo-U̒.

YEHESKIEL 38:20

Ngoa̒amila toola wau bulungi, ngoa̒amila binatangi leidaa̒ wau kikiio̒, wau ngoa̒amila taa totudu lohuta mahumuhela moohe motaalua wola-U̒. Huhuu-i̒deyaalo mamoohu, bibii-nggiyaalo mameelito wau ngoa̒amila dingingo meeseli mamo loloohubu.

JABURU 18:16

Wamoo̒ deheto diilalo depudepuhe wau wumbato huta yilohuo̒ tou̒ Eeya longantinga musuu-Lio wolo muluka.