MONGO HAKIMU 6:24 - KITABI HABARI MOPIOHE

²⁴ Lapatao̒ tei Gideon malomongu mesba tuwau mola teto wau longunte mao̒ “Eeya Bungo lo Moa̒ahu”. Mesba boito donggo woluo to Opra, deu̒yito-yito kota taulo Abiejer.

MONGO HAKIMU 6:24 ပူးပေါင်းရင်းမြစ်များ

ILOOWALI 12:7

Eeya lopo bilohei batanga odelei Abram wau lotahuda mao̒ olio, “Uti-utieelo lipu u mawohi-U̒ mai ode waliimu mola.” Lapatao̒ tei Abram lopotihula mesba mota teto duo̒lo Eeya tamalo pobilohei batanga to olio.

ILOOWALI 12:8

Lapatao̒ uito tio lopotolonga mola lo nonao̒lio ode huliaalio, ode madala o huludu to ambahu tiimuru kota Betel, wau lotitikema to wolota lo Betel wau kota Ai: Betel to ambahu otolopa wau Ai to ambahu tiimuru. Mola teto olo tio lopotihula mesba wau helolubo to Eeya.

ILOOWALI 22:14

Tei Abraham longunte tambati boito, “Eeya lopodapato u palaluwolo”. Wau dilumutu botia olo tau hipo loi̒yawa “Toitaato hui̒i-Dio, Eeya lopodapato u palaluwolo.”

ILOOWALI 33:20

Lapatao̒ tio malo potihulo mesba mota teto wau longunte mao̒ “El, Allahu Taa̒ala lo Isirai̒lu”.

OLUO LO SAMUEL 24:25

Tulusi tei Dauda lopotihulao̒ mesba teto ode Eeya wau helo podewo bake yilalango wau bake lo polodame. Eeya lololimo dua̒ lei Dauda, lapatao̒ malo pulitolo mola wembelo lo ngongoto to Isirai̒lu.

BOHULO MONGO OLONGIA 18:32

Wolo boboo-tuwaalo boito tei Elia luli lomongu mao̒ mesba tambati poi̒baadatiala ode Eeya. To palito mesba boito tio longau̒de tanggi u totoonggade udaa̒ tilinggula mowali molanggomo taluhu tanu mopulaa limo loliiteri.

ESRA 3:2

lapatao̒ tei Yesua walae̒e Yojadak wau mongo sahaabatilio mongo iimamu wolei Jerubabel walae̒e Sealtiel wau mongo ilaatolio, luli lomongu mesba Allahu Taa̒ala lo Isirai̒lu. Lou̒ odito timongolio lowali lomobu bake toitaatio, lotuuu̒de wolo totoonulalo potuhata utula-tuladu todelomo buku Butoe̒e Musa, wato lo Allahu Taa̒ala.

PILOTIMUA̒TA 17:15

Lapatao̒ tei Musa malomongu mesba tuwau wau ilunteelio mao̒ “Eeya yito Panjiu̒.”

YEREMIA 23:6

Wonubolo tio momalenta, yi tau lo Yehuda mamoa̒ahu, wau taulo Isirai̒lu matumumula wolo aamani. Olongia boito mau̒nteelo ‘Eeya osalaamatin-To’.

YEREMIA 33:16

Taulo Yehuda wau ulipu lo Yerusalemu mapo aahuwolo wau tumumulo aamani. Kota lo Yerusalemu mau̒nteelo ‘Eeya Tamoo-poa̒ahua Olanto’.

YEHESKIEL 48:35

Ngoa̒amila dingingo meeseli boito hayai̒o tio lokilo meeteri. Wau tumulalo mai to saaa̒ti botie tau longunte kota boito: “Eeya WOLUO TETO!”

YIA̒APO 26:30

Kaumu Iejeri Helek,

YOSUA 22:10

Tou̒ suku Ruben, Gad, wau suku Manasye to tiimuru lo Yordan boito leidungga to Gelilot – donggo to ambahu otolopa lo Dutulaa Yordan – timongolio lopo tihulao̒ mesba tuwau u leidaa̒ wau gaaga totili lodutulaa.

MONGO HAKIMU 21:4

Loloombulio mola, didimodupo daa̒, umati lo Isirai̒lu lopo tihulao̒ mesba tuwau mota teto, lapatao̒ helo podewo ode Eeya bake yilalango wau bake lo polodame.

MONGO HAKIMU 6:23

Bo Eeya lotahuda ma olio, “Potiduo̒tolo mola! Diila mao̒ oohe, yio̒ diila taamate.”

MONGO HAKIMU 8:27

Monto hulawa boito, tei Gideon malohutu bui̒ balaahala tuwau, lapatao̒ lopo tambati mao̒ to kambungulio, deu̒yito-yito to Ofra. Ngoa̒amila taulo Isirai̒lu lonao̒ mola helolubo bui̒ balaahala boito, tunggula timongolio diilalo mopoo̒tuoto Allahu Taa̒la. Wau sua̒li boito lowali debo odelo hentobu odelei Gideon wau ngaalaa̒lio.

MONGO HAKIMU 8:32

Lapatao̒ mapanggola daa̒ tio, bolo tei Gideon walae̒e Yoas boito yilate. Tio yilobungio tokuubulu lei Yoas, tiyamolio. Kuubulu boito dudutuulio to Opra, deu̒yito-yito kota lokaumu Abiezer.

BOHULO SEMUEL 14:35

Lapatao̒ tei Saul lopotihulao̒ mesba ode Eeya; ui-uitolo bohulo mesba u pilopo tihulio.

BOHULO SEMUEL 7:17

Laito lapatio mao̒ uito tio hemo hualinga mola ode belelio to Rama. Mola teto tio lowali hakimu taulo Isirai̒lu wau helo potihulao̒ mesba tuwau ode Eeya.