MONGO HAKIMU 21:13 - KITABI HABARI MOPIOHE

¹³ Lapatao̒ ngoilanggubu umati lo Isirai̒lu helolao mola utolia ode tau-tauwalo lei Benyamin tawoluo to huhuu-iduwaalo botu to Rimon u lohile lodaamea.

MONGO HAKIMU 21:13 ပူးပေါင်းရင်းမြစ်များ

YESAYA 57:19

Wau̒ mamongohi mai odamee ode taa ngoa̒amila, mopio tameembidu boli tamolamingo. Wau̒ mamopoo̒luli mai umati-U̒.

EPESUS 2:17

Uito sababuulio ti Almasi dungga-dungga mai u lopohabari Habari Mopiohe pasali lo polodame boito olimongoli; mopio toli mongoli tadiila taulo Yahudi tamuloololio mai wala-walahe monto Allahu Taa̒ala, meaalo taulo Yahudi tamodudulo to Allahu Taa̒ala.

TINGULI 20:10

Wonu bolo timongoli monao̒ mota moluhu kota tuwau, wohiyapo hiango meimulo ode ulipulio u mohudu mai batanga.

MONGO HAKIMU 20:45

Suludadu lei Benyamin wewolio luli lohualingo lapatao̒ tilumetea̒ yilumaodeo̒ tomadala lo huta datahu u luasi daa̒ wau delita lotidulunga ode huhuu-iduwaalo lobotu to Rimon. Limo lolihu lota towolota limongolio hepilate limongolio yila-yilateelo mao̒ tohuungo dalalo. Tawewolio yililapita tulusi demola Gideom. Lonto tau-tauwala boito woluo dulo lihu lota tahe pilatelio yila-yilateelo mao̒.

MONGO HAKIMU 20:47

Bo towolota limongolio taloo̒ teteo̒ lolibaya madala huta datahu u luasi daa̒ wau delita lotidulungo ode huhuu-iduwaalo lobotu to Rimon woluo wolomo hetuto lota taloo̒lahi. Timongolio lotibiluloa̒ to Rimon wopato hula mola hiheolio.

MONGO HAKIMU 21:12

Yi towolota lotau-tauwalo tahi biluloa̒wa to Yabesh boito, timongolio loo̒dungga wopato hetuto lota tadonggo tadulahu. Timongolio malodelo mongo dulahu boito ode pilo tikema to Silo u dudutuulio tolipu lo Kanaa̒n.

MONGO HAKIMU 21:14

Masababu uito tau-tauwalo lei Benyamin boito luli lohualingai, lapatao̒ umati lo Isirai̒lu helohudu olimongolio mongo dulahu lonto Yabesh tadiila ilopatealio yila-yilateelo mao̒ boito. Bo jumulaa lomongo dulahu boito diila lotuuheta ode tau-tauwalo lei Benyamin boito.