MONGO HAKIMU 16:3 - KITABI HABARI MOPIOHE

³ Bo tei Simson diila lotuluhe teto tunggula dimodupo. Tomutaa̒ lou̒ hui tio malobongu tulusi lonao̒ ode huhebu hulubangi lokota. Tio helo mahuta ngoa̒amila huhebu boito wolo wowoo-lihiyalo wau papaa-langiyalo pee̒entalo mao̒. Lapatao̒ bilintai̒o huhebu boito toitaato binggungio, wau dilelolio ode balitutuo̒ huludu to ngotuali lo Hebron.

MONGO HAKIMU 16:3 ပူးပေါင်းရင်းမြစ်များ

JABURU 107:16

Sababu Eeya helo poloohubu huhuu-hebuwaalo tombaha, wau longantulu papaa-langiyalo wate.

MIKHA 2:13

Wau̒ mamomuo̒ dalalo wau modelo olimongoli lumuala monto polayahu. Timongoli mamopo aantulu huhuu-hebuwaalo hulubangi wau monao̒ wolo beebasi. Wau̒, Eeya lohihilao, deu̒yito-yito Olongiaamu, wau Wau̒ mamodelo olimongoli lumualao.”

WUNGGULI LOMONGO RASULU 2:24

Bo Allahu Taa̒ala luli lopotumulai o-Lio lonto wolota lotau-tauwalo tahe lopowate. Tio tiloloolo lo malikili mautu, bo Allahu Taa̒ala lolopata o-Lio, sababu diila pongalo aakali Tio kawasaalio tulusi lo opopate.

MONGO HAKIMU 16:2

Yi ulipu lo Gasa loo̒dungohe deu̒ tei Simson woluo mola teto. Oditolio, timongolio malomala tambati boito wau helohima olio ilo-iloonua to hulubangi lokota. Bo timongolio diila helohutu wolo-wolo tou̒ hui boito sababu to pikiilangi mola limongolio, “De wonu bolo dulahee mobutu mai, bolo ito momate olio mate-mateelo mao̒.”

MONGO HAKIMU 16:4

Lapatao̒ uito tei Simson ilohilao totaabua ngota lonto Lumbaya Sorek. Tanggulo taabua boito Delila.