MONGO HAKIMU 16:19 - KITABI HABARI MOPIOHE

¹⁹ Lapatao̒ uito ti Delila helo leyaapu mao̒ olei Simson tunggula tei Simson leituluhu to bungolopalio, tulusi tio lotiangai tau wau lei̒ huntingao̒ pitu lo tulapide huwoe̒e Simson. Lapatao̒ tio helo posikisa olei Simson, sababu tei Simson maa iloolia lo olootolio.

MONGO HAKIMU 16:19 ပူးပေါင်းရင်းမြစ်များ

TAMOO-HUTUBAWA 7:26

Wau̒ loo̒dungga deu̒ taabua lebe diila moo̒sanangi hilao wolo mautu. Tolia̒ngo taabua debo odelo pajala wau taalo u dapadapato moheu̒po mangusaalio. Too̒opio debo odelo pomungu u mongawade daa̒. Taa u moponao̒ kahandaki lo Allahu Taa̒ala eleehia monto taalio, bo taa odusa tantu matawalolio.

MONGO HAKIMU 16:18

To pongolaasa li Delila deu̒ tei Simson malo poo̒taa olio u hulihuli to hilaalio. Sababu uito tio lolao habari botie ode tahi kawasawa lo Pilistin. “Ponao̒lo mai pee̒entapo botie. Tei Simson malo hungguli u hehuliolio to olau̒.” Timongolio olo lonao̒ mai lodelo doi odeli Delila.

MONGO HAKIMU 16:20

Lapatao̒ tio longuatio̒, “Simson! Taulo Pilistin malonao̒ mai!” Yi tei Simson malobongu wau to lantobio deu̒ tio moo̒lahi debo odelo tou̒ yilaalu mao̒. Diila otaawalio deu̒ Eeya malo lolaa olio.