MONGO HAKIMU 13:20 - KITABI HABARI MOPIOHE

^20-21 Tou̒ tulu donggo lei̒lei̒ita ode yitaato lonto mesba boito, tei Manoah wolo dilelio loo̒onto malai̒kati lo Eeya boito lobotula mola ode yitaato todelomo lei̒ito tulu boito, ode hulungo. Deu̒ito tei Manoah longalati deu̒ tio boito malai̒kati lo Eeya; yi tio wau dilelio olo losujudu lomola wau lolubo. Diila pee̒enta mao̒ timongolio heloo̒onto malai̒kati boito poli.

MONGO HAKIMU 13:20 ပူးပေါင်းရင်းမြစ်များ

ILOOWALI 17:3

Lapatao̒ malo sujudulo mola tei Abram tulusi Allahu Taa̒ala lotahuda,

OLUO MONGO OLONGIA 2:11

Sambela hinao̒wa, timongolio duulota tulusi hibisalawa. Debolo kaleta tuwau otulu udede-dedeea̒ towadala otulu mai lopobua̒ olimongolio duulota lapatao̒ tei Elia bilintaa̒a mola lodupoto huloyongo ode sologa.

BOHULO TAWARI 21:16

Tei Dauda loo̒onto mola malai̒kati laya-layango to wolota lo hulungo wau huta. Wolo wamilo to uluu̒, malai̒kati boito dapa-dapato u mopobinasa Yerusalemu. Yi tei Dauda wau mogo tau̒wa ulipu, tatou̒ boito donggo hipakea kado tuotio hilee̒ea, losujudu lomola ode huta.

BOHULO TAWARI 21:21

Tou̒ tei Arauna loo̒onto oli Olongia Dauda leidungga mai, tio lodunggaya mao̒ wolei Dauda wau losujudu lomola totalulio.

BOHULO TAWARI 21:26

Lapatao̒ tei Dauda lomangu mesba tuwau teto ode Eeya, wau helo podewo bake yilalango wau bake lo polodame. Lapatao̒ tio lodua̒ mola wau tilametai lo Eeya dua̒lio boito wolo lopolaahei tulu lonto hulungo u lomobu babaa-keyaalo toitaato mesba boito.

JABURU 47:5

Eeya lolulaotai ode olanto huta pusakaanto, obobangga lobangusa tapilonu-Lio.

YEHESKIEL 1:26

Toitaato kuba boito woluo hitua-tuawua u debo odelo tambati huhuloa̒ li olongia monto botu lo nilamu, wau toitaatio hulohuloo̒ hitua-tuawua u oontonga mao̒ debo odelo manusia.

YEHESKIEL 1:28

wau o tumba hidala-dalaala debo odelo duhi lobutu. Ui-uitoolo baango inta mao̒ inta mao̒ u mopobilohei owoluo lo Eeya. Loo̒onto mao̒ uito, watia lodehu leibalata mola tohuta. Lapatao̒ ilodungohe lowatia suala u

DANIALI 10:9

Tou̒ watia loo̒dungohe sualaalio, madiilalo lotota lou̒ tau watia tunggula leidambao̒lo mola tohuta.

IMAAMATI 9:24

Debolo Eeya lopo tuhutai tulu ulomobu tunggula yilaahu bake yilalango wau wimbi-wimbihio u otabo toitaato mesba. Tou̒ umati lo Isirai̒lu loo̒onto mao̒ uito, timongolio helo ngibo-ngiibode meengahe tulusi helo sujudu wau lolubo.

MATIUSI 17:6

Tou̒ tahidudua̒ li Isa loo̒dungohe suala boito, timongolio mailoohe daa̒ tilinggula leidambao̒lo mola tohuta.

IBRANI 1:3

Tiolo tamopo tinelai odudaa̒ lo Allahu Taa̒ala ulaba-labaalo mobaango; Tiolo gambali u moilaalo monto batanga lo Allahu Taa̒ala lohihilao. Tiolo olo tamolaalai otuwau lo ngoilanggubu aalamu botie wolo kawasa lotahuda-Lio ulaba-labaalo okawasa. Lapatao̒ Tio mopoluasi manusia taa u lopatolo monto duduu-sawaalo limongolio, Tio mamo tihuloa̒ tobele biluloa̒ lo pamalenta to sologa pee̒-pee̒enta wolo Allahu Taa̒ala, Tamongawasa ulaba-labaalo malaio̒.

MONGO HAKIMU 6:19

Yi malo hualingolo tei Gideon tulusi lotubu batade tuwau udonggo buboto, wau lohama mopuulo kilo labu, lapatao̒ lohutu roti udiila oragi. Lapatao̒ uito tapu boito dilutulio todelomo kalanji, wau tabulio todelomo ulongo, tulusi ngoa̒amilalo boito dilelolio mai wau pilohintalio ode malai̒kati lo Eeya tadonggo yimayima towalungo bungo lo terpentin boito.

MONGO HAKIMU 6:21

Lapatao̒ malai̒kati lo Eeya boito lohudu mao̒ uluu̒lio lapatao̒ wolo huudu ayu u donggo dihudihu olio tilenggulio tapu wau roti boito. Botu boito yilumai̒ta tulusi lopobu yilaahu lomola tapu wau roti boito. Lapatao̒ yilooli lomola malai̒kati boito.