MONGO HAKIMU 11:29 - KITABI HABARI MOPIOHE

²⁹ Lapatao̒ Rohullah longawasa mai olei Yepta. Yi malonao̒ tei Yepta lomilohe madala lo Gilead wau Manasye lapatao̒ luli lohualingo ode Mispa to Gilead. Lonteeto tio lopotolonga molalo nonao̒lio ode madala bangusa lo Amon.

MONGO HAKIMU 11:29 ပူးပေါင်းရင်းမြစ်များ

ILOOWALI 31:49

Tei Laban loloi̒ya olo, “Hinta Eeya mongimato mai olanto ngotilonggadu ito hitumula lalaaminga.” Sababu uito tambati boito olo ilunteelio mao̒ Mispa.

BOHULO TAWARI 12:18

Tala ngotaa limongolio, deu̒yito-yito, tei Amasai, talapatio mao̒ lowali tau̒wa lo polemboa̒ u ilunte “Tolopulu Polowila”, kiluwaasa mai lo Rohullah tulusi loloi̒ya mao̒, “Dauda, walae̒e Isai! Ami momantu olemu! Pohileaala dua̒ yio̒ wau timongolio tahi pomaantua olemu ohaasili. Allahu Taa̒ala woluo to wimbihu olemu!” Yi tei Dauda malo lolimo olimongolio wau helo mudua̒a olimongolio lowali polowila todelomo hilaide lo popaatealio.

YIA̒APO 11:25

Lapatao̒ Eeya lolaahei todelomo heengo wau lotahuda odelei Musa. Eeya lohama ngotayadu kawasa u mailohi-Lio odelei Musa wau yiludu-Lio ode tau̒wa pitu lopulu lota boito. Tou̒ Rohullah boito lolaahei ode yitaati mongolio, yi malo ngiibodu timongolio debo odelo nabi, bo diila lohiheo.

MONGO HAKIMU 10:17

Tou̒ boito suludadu lei Amon donggo dapa-dapato u mopaatea. Timongolio lotikema to Gilead. Umati lo Isirai̒lu olo malo tia̒mbu wau lotikema to Gilead.

MONGO HAKIMU 11:11

Yi malo monggato tei Yepta pee̒-pee̒enta wolo mongo tau̒wa lo Gilead. Lapatao̒ ulipu lo Gilead lumudua̒ao̒ olio lowali talo tolokawasa wau tau̒wa. Wau totalu lo Eeya to Mispa, tei Yepta helo podudulao̒ hihii-leyaalo wolo moo̒ohuu̒lio ode ulipu lo Gilead.

MONGO HAKIMU 11:28

Bo ti olongia Amon diila lomaduli tahuli lonto olei Yepta boito.

MONGO HAKIMU 11:30

Tei Yepta lohutu mao̒ danti botie ode Eeya, “Wonu Eeya mopoluasi olo watatia mopo olaaheo̒ taulo Amon,

MONGO HAKIMU 13:25

wau tou̒ tio woluo tokema suku Dan, u dudutuulio to wolota lo Zora wau Esytaol, Rohullah malongohi lotolo to olio.

MONGO HAKIMU 3:10

Rohu lo Eeya helo ngawaasa olei Otniel tilinggula tio lowali tau̒wa umati lo Isirai̒lu. Tio mota lopaatea, tulusi Eeya helo poo̒haama olio toli olongia lo Mesopotamia.

MONGO HAKIMU 6:34

Bo tei Gideon kiluwaasa Rohullah, tilinggula tio malohiipa mola torompeti u lotiangai tau-tauwalo kaumu Abiejer alihu mopanggala wolio.

BOHULO SEMUEL 10:10

Tou̒ tei Saul wau tamomayawa olio leidungga mola to Gibea, timongolio lodunggaya ngopolemboa̒ nabi. To saaa̒ti boitolo olo tei Saul kiluwaasa mai Rohullah, wau tio loduduo̒ helo ngelu-ngelungo wau wuwaatio̒ lo mongo nabi boito.

BOHULO SEMUEL 11:6

Loo̒dungohe uito, tei Saul kiluwasa mao̒ lo Rohullah.

BOHULO SEMUEL 12:11

Lapatao̒ Eeya malolao mai olei Gideon, lapatao̒ olei Barak, lapatao̒ uito olei Yepta, wau pulitio wau̒. Ami ngota-ngota malo polopato olimongoli lonto musu limongoli, tilinggula timongoli loo̒ tumulo wolo aamani.