MIKHA 7:9 - KITABI HABARI MOPIOHE

⁹ Ito mai̒lodusa to Eeya, sababu uito botia ito musi molaasa mao̒ omulukaa-Lio. Bo diilalo mohiheo Eeya mamo poduulua olanto wau mongohi u aadili olanto. Eeya mamodelo olanto lumualao̒ ode mobaango; ito mamoo̒laasa lohihilao deu̒ Eeya mopoa̒ahu mai olanto.

MIKHA 7:9 ပူးပေါင်းရင်းမြစ်များ

OLUO LO SAMUEL 24:17

Tei Dauda loo̒onto malai̒kati tadonggo hemomate mateelo mao̒ ulipu boito, tulusi tio loloi̒ya ode Eeya, “Watoiaalo tai̒lodusa sababu watotia tahe lohutu totala boito. Bo ambunguolo tingga wolo totala lobangusa tamarapo boito? Ambunguolo hukuu-maniyalo mai watotia wau ngaalaa̒ lowatotia!”

AYUBA 23:10

Bo otaawa lo Eeya totoonulalo dalaluu̒ wau olo timii̒du diambanguu̒. Wonu debo odelo hulawa wau̒ sopuolo, yi maa obukuti deu̒ hilaau̒ belesi.

AYUBA 35:14

Ayuba, lebe-lebe pomao̒ poli wonu yio̒ moloi̒ya deu̒ yio̒ diila moo̒onto to Eeya, wau palakalamu mailoluo totalu lo Eeya wau yio̒ hemohima mai to Eeya!

JABURU 119:154

Poduuluwalo mai palakala lowatotia wau lopataalo mai watotia; poa̒ahuwalo mai watotia motuuu̒de wolo danti lo Eeya.

JABURU 37:6

Eeya mamopo ilaalo otatapu wau olootolo hilaamu debo odelo tinelo, wau otuulidu hilaamu debo odelo dulahu.

JABURU 43:1

Wohiyalo mai ua̒adili ode laatia, yaa Allahu Taa̒ala, poduuluwalo mai haku lowatia to bangusa tamomaahu parenta. Lopotaalo mai watia monto tamooleeto wau tamoo-himbuloa.

JABURU 7:6

poluliaalo mai watotia yilapita wau wau̒po lomusu, tulusi pateelio mate-mateelo mao̒ wau tolaalio tohuta.

JABURU 94:15

Yi butoo̒ mamuli potihulolo to bubutoo̒, ngoa̒amila taa juujulu mamomantu olio.

YESAYA 42:16

Bangusaa-U̒ tapitoo̒ madeloo-U̒ molibaya dalalo u diila otaawa limongolio; timongolio madeloo-U̒ to dadaa-lalaa u diila oonuhe limongolio. U modio̒lomo powaliyo-U̒ mobaango ode limongolio, wau dalalo u hilinggo-linggotua poopayadu-U̒. Uitolo u mapohutuo-U̒ mai olimongolio, wau tantuulo mao̒ maponao̒o-U̒.

YESAYA 42:7

U momuo̒ mato lotaa pitoo̒, wau molopato tau monto dio̒lomo lo tutupa.

YESAYA 46:13

Wau̒ mamopo wembidei dulahu lo polobeebasi, osalaamati u wohi-U̒ mai diilalo molohudu. Wau̒ mamopoa̒ahu Yerusalemu, wau mongohi mai ohurumati ode Isirai̒lu.”

YESAYA 51:22

Odieelo mola tahuda mai lo Eeyaamu, Eeya Allahu Taa̒alamu tamo poduulua olimongoli, “Polodutolo uilohi-U̒ mai todelomo omulukaa-U̒, mamuli hamaa-U̒ monto olemu. Omulukaa-U̒ mamoole, wau timongoli sambelolo momanta mao̒.

YESAYA 56:1

Eeya lotahuda mai to umati-Lio, “Pohutualo wolo u aadili wau u motuuu̒de wolo butoo̒o-U̒. Sababu donggo ngopee̒ mola Wau̒ meidungga mai mopoa̒ahu olimongoli wau oa̒adili-U̒ poi̒laaloolo.

YEREMIA 10:19

Ulipu lo Yerusalemu longiibode, “Amiaatia pilalia tilihua wau diila mowali moluli. Muloololio mai amiaatia hemolantobu deu̒ dutolaa botie mowali bantaa lamiaatia, lebe-lebe pomao̒ diila.

YEREMIA 14:7

Umati-U̒ helo ngiibodu, ‘Yaa Eeya, eleponu dusa lamiaatia mopotulude olamiaatia bo tuulungia mai amiaatia motuuu̒de wolo danti lo Eeya. Eeya mawuwuulia lololaa olamiaatia; otutu, amiaatia ilodusa to Eeya.

YEREMIA 51:10

Umati lo Eeya tahuda, “Eeya malo pobilohei deu̒ ito woluo to ambahu u otutu. Duloolo ito ode Yerusalemu wau mohungguli mola teto wolo u mapilohutu mai lo Eeya Allahu Taa̒alanto.”

HIYONGO MOPOILAALO SUUSA 1:18

Bo Eeyaalo tao̒tutu, sababu palenta lo Eeya mailambanga lowatia. Dungohilo mai watia, wuu babaa-ngusawalo, bilohilo mai watia todelomo sikisa. Mongo bohulotau wau mongo dulahu lowatia tilawalo, wau bilintai̒o mota ode polayahu.

IMAAMATI 26:41

tilinggula Wau̒ helo luwali wau lopolahi olimongolio ode delomo polayahu tolipu lo mumuu-suwaalo limongolio. Pulitio mao̒, wonu bolo wali limongoli malo taa̒luku wau malo ponao̒ lo hukuumani sababu dusa wau polo malakala limongolio,

MALEAKHI 3:18

Umati-U̒ mamoo̒onto poli hiihedio wolota lotaa opaladu mopiohe wau taa opaladu moleeto, wolota taa u hemo tiwato to Olau̒ wau tadiila.”

1 KORINTUS 4:5

Sababu uito, sababu diipo wakutuulio, timongoli diila mao̒ polamemeto molantu deu̒ tahingota-ngotaawa yito ototala meaalo diila. Wimailo tunggula Eeya de meidungga mai. Eeyaalo tamamomuo̒ ngoa̒amila hitua-tuawua u malakusudu hetuuo̒lo u tuutuo̒ todelomo u modio̒lomo. Eeyaalo tamamo monggali ngoa̒amila niyati uleitahu todelomo hilaa lomanusia. Tou̒ boito timii̒du tau bolo mololimo monto Allahu Taa̒ala poloi̒laalo momuji upaatuti tolimoolio.

2 TIMOTIUS 4:8

Wau masaatia wuupa lo ohohaama hemohima olau̒. To Dulahe Kiama, Eeya, Hakimu taa̒adili boito mamohudu mai wuupa boito olau̒, sababu wau̒ tumutumula lopiiohe wolo Allahu Taa̒ala. Wau diila bo wau̒ wambao̒ tamaa mololimo wuupa boito, bo olo ngoa̒amila tahi wimawa podudungga mai lo Eeya wolo hiwoloola daa̒.

WAHI 18:20

Wuu sologa, poti wengahulo mola to oa̒antulu lokota boito! Wuu umati lo Allahu Taa̒ala, mongo rasulu, mongo nabi, poti wengahulo mola! Sababu Allahu Taa̒ala malo hukuumani mai olio odelo toli tou̒ wolo umaa pilohutulio limongoli!

BOHULO SEMUEL 24:15

Poo̒tuotilo watotia botie tamaa patee mate-mateelo mao̒ li olongia lo Isirai̒lu! Bolohilo mao̒ watotia botie tahe yila-yilapitalio yilapitalio! Watotia bo apula tuwau u yilate, utu tuwau wambai̒o.

BOHULO SEMUEL 25:39

Tou̒ tei Dauda loo̒dungohe deu̒ tei Nabal mailate, malo loi̒ya tio, “Ilopujialo mola Eeya! Eeya malotuli mai polohina u pilohtu lei Nabal to olau̒, wau malo ngabuta wato-Lio mohutu u moleeto. Eeya malo hukuumani mai olei Nabal sababu ololeetio.” Lapatao̒ tei Dauda malolao utolia odeli Abigail mola lotobalango olio mowali dilelio.

BOHULO SEMUEL 26:10

Domi Eeya tatumu-tumulo, otaawau̒ deu̒ de Eeya lohihilao tamaa momate olei Saul mate-mateelo mao̒, wonu opopatelio malei dungga, meaambo wonu tio mate mao̒ todelomo popaatea.

BOHULO SEMUEL 3:18

Lapatao̒ tei Semuel lopoo̒taa mao̒ ngoa̒amilalo boito odelei Eli. Diaaluo penu boli tuwau mao̒ u hiluliilio. Lapatao̒ malo loi̒ya tei Eli, “Tio Eeya, huliaalo mao̒ Eeya mopohutu mai wolo u anggapuo-Lio mopiohe.”