MIKHA 7:8 - KITABI HABARI MOPIOHE

⁸ Diaaluo alaasani duo̒lo mumuu-suunto u motiwengahu to oa̒antulunto. Sababu eleponu ito modehu, ito mamuli mobongu. Botia ito woluo todelomo modio̒lomo, bo Eeya mamo linelai olanto.

MIKHA 7:8 ပူးပေါင်းရင်းမြစ်များ

AYUBA 31:29

Diila pee̒enta mao̒ wau̒ helo tisanangi sababu musuuu̒ lodutolo, meaalo lotiwengahu sababu tio ilodungga lo topotala.

JABURU 112:4

Mobaango motinela todelomo u modio̒lomo ode taa juujulu, ode taa ua̒adili, tamoo-tolia̒ngoa wau tamodehu hilao.

JABURU 143:3

Musu lowatotia malo hilapita wau lopoo̒laahe olo watotia, wau lopotuoto olo watotia ode delomo tutupa u modio̒lomo; watotia lowali debo odelo taa u malohiiheo yilate.

JABURU 20:8

Woluo taa u hemo pongaku kaleta lo popaatealio, woluo olo taa u hemo pongaku wadalaalio. Bo ito mopongaku kawasa lo Eeya, Allahu Taa̒alanto.

JABURU 27:1

Jaburu lei Dauda. Eeya yito tinelo watotia wau oa̒ahu lowatotia, diaaluo u oohe lowatotia. Eeya yito biintengi potiduo̒la lowatotia, watotia diila tahumuhela.

JABURU 35:19

Diila mao̒ polulia watotia poitohio lo taa u hemoluwali olo watotia lou̒ diila osababu. Diila mao̒ polulia watotia hantia̒lio lo taa u hemolonuo̒ olo watotia lou̒ diila o alaasani.

JABURU 37:21

Taa moleeto mobuloto wau diila mopowalingo, bo taa mopiohu hemongohi wolo muura lohilao.

JABURU 37:24

Wonu modehu, tio diila tapaliyalo daa̒, sababu Eeya modihu uluu̒lio.

JABURU 38:16

Bo watotia hemo tiwunela mola to Eeya, yaa Eeya, wau Eeya, yaa Eeya Allahu Taa̒ala lowatotia, helo lametai olo watotia.

JABURU 84:11

Lebe mopiohe ngohui to Bele lo Eeya wolo ngolihu hui to tambati uwewo. Watotia lolulaota lowali tamoodahawa huhebu to Bele lo Allahu Taa̒ala lowatotia lou̒ motibiluloa̒ tobele lotaa moleeto.

JABURU 97:11

Mobaango malobutu mai ode taa u ohilao motulidu, wau wengahu ode taa u juujulu.

YESAYA 2:5

Wuu, wali mai lei Yako, dulo ito monao̒ todelomo tilango Eeya!

YESAYA 49:9

Taa u tilutupaalio ahula-U̒ lumualo; tawoluo to tambati u modio̒lomo deloo-U̒ ode u mobaango. Tumbao̒ tohuludu u dayato timongolio diila okulangia, to ngohilayao̒ dalalo dapadapato ua̒alo.

YESAYA 50:10

Wuu timongoli tamomasisi to Eeya, wau modungohe loi̒ya lo wato-Lio, dalalo u ponao̒wa limongoli otanu modio̒lomo, wau diaaluo tinelo u motinelai de olemu; bo poyakinilo to Eeya; potiwunelolo to Allahu Taa̒alamu.

YESAYA 9:2

Yaa Eeya, Eeya longohi mai olimogolio wengahe daa̒, Eeya lohutu olimongolio hitingalaa̒ meengahu. Timongolio meengahu sababu opopiohu Eeya, debo odelo taa u meengahu tou̒ hipohimoa̒a polosembo, meaambo hipolayade u yilambato.

YEREMIA 48:27

Diila mamuloololio mai taulo Isirai̒lu mapilo i̒ii̒ya taulo Moab wau hepobibii-salawaalio debo odelo timongolio mai̒lotahua wau ilowau̒pa pee̒-pee̒enta wolo tahi potao̒wa?

YEREMIA 50:11

Eeya lotahuda mai, “Wuu taulo Babel, timongoli umati-U̒. Timongoli lantia̒ao̒-lantia̒ao̒ meengahu debo odelo wadala u hemoi̒i̒, wau debo odelo sapi u donggo hemongaa huo̒yoto.

YEREMIA 8:4

Eeya lopoa̒hu olaatia u moloi̒ya mao̒ odie ode umati-Lio, “Wonu tau modehu, tantu tio mamuli mobongu, wau wonu tau lapaloolo to dalalo, tantu tio mamuli mohualingai.

YEHESKIEL 25:6

Eeya Taa Laba-labaalo molanggato lotahuda mai, “Timongoli hemo laa̒apa uluu̒ sambela hemongelungo meengahu. Timongoli diila momandungi huta lo Isirai̒lu.

YEHESKIEL 35:15

tutuuwauwa debo odelo timongoli olo sanangi tou̒ moo̒onto Isirai̒lu milikii-U̒, mowali moliilo daa̒. Huhuu-ideyaalo Seir, tumbao̒ ngoilanggubu huta lo Edom mamowali moliilo daa̒. Yi mao̒taawa mao̒ lotaa ngoa̒amila deu̒ Wau̒ulo Eeya.’ ”

AMOS 9:11

Eeya lotahuda, “Mamei dungga wakutuulio Wau̒ moponguli yilaidia lei Dauda. Botia yilaidia boito malowali debo odelo bele u loloohubu. Bo didii-ngingaalo meeseliilio mapoo̒ piohu-U̒ wau muli bongulo-U̒ tilinggula mowali debo odelo u muloololio mai daa̒.

OBAJA 1:12

Diila patutilio yio̒ sanangi topaladu marapo taulo Yehuda wau motiwengahe todulahu lo wutatumu boito binasa. Diila patutilio yio̒ molatabu tou̒ tio suusa.

MIKHA 4:10

Wuu ulipu lo Yerusalemu, potirekadu lomola wau poi̒laalo lomola suusa debo odelo taabua tadonggo hemo potutu mai! Sababu, botia timongoli musi mololaa mao̒ kota wau motibiluloa̒ tohuta u datahu wau luasi. Timongoli musi monao̒ mola ode Babel, bo mola teto Eeya mamo lopata olimongoli monto mumuu-suumu.

MIKHA 7:10

Muloololio mai musu hemohina olanto wolo moloi̒ya, “Tou̒toonu Eeya, Allahu Taa̒alamu boito?” Bo botia timongolio mamoo̒onto wolo u pilohutu lo Eeya ode olanto, wau timongolio mamowali moolito. Ito mamo sakusi mumuu-suunto boito olaahe wau lumbe-lumbetaa̒lio debo odelo latao̒ todalalo.

JAKARIA 12:8

To dulahee boito Wau̒ mamoduo̒la ulipu lo Yerusalemu; wau tamailaba molulupuhe olo towolota limongolio mamowali molotolo debo odelo tei Dauda. Timongolio matau̒wa lo wali mai lei Dauda debo odelo lo malai̒kati-U̒, tumbao̒ debo odelo ola-U̒ lohihilao.

MALEAKHI 4:2

Bo to olimongoli taa modungohe ola-U̒, kawasaa-U̒ u mopoa̒ahu mamobutu mai debo odelo mato lodulahu, wau tinelio mowali mopoo̒oluli. Timongoli mamolopato wau meengahe debo odelo walao̒ sapi u boheli yilumualai monto lantunga.

MATIUSI 4:16

Bangusa tatumu-tumula todelomo u modio̒lomo maloo̒onto tinelo ulaba-labaalo motinelo! Duo̒lo tapoo̒-poo̒oyo todelomo lipu lomautu malobutu mai tinelo u mobaango!”

YAHYA 16:20

Pomalacayalo, timongoli mahumoyongo wau mohilimuta, bo dunia mameengahu. Timongoli maa osuusawa lohilao, bo osuusamu boito mamobolia̒ mowali owengahu.

YAHYA 8:12

Ti Isa luli lotahuda totaa dadaata, tahuda-Lio mao̒, “Wau̒lo tilango dunia. Taa u moduduo̒ ola-U̒ diila tamonao̒ tou̒ modio̒lomo, bo o tilango tutumulo.”

WUNGGULI LOMONGO RASULU 26:18

u momuo̒ mato limongolio alihu timongolio lumualo monto u modio̒lomo wau tumuwoto ode u mobaango; alihu timongolio molopato monto aangio lo Ibilisi, lapatao̒ kiluwaasa lo Allahu Taa̒ala. Yi lou̒ momalacaya ola-U̒ duduu-sawaalo limongolio maa ambunguo-Lio wau timongolio mamowali pongawaa̒ umati lo Allahu Taa̒ala tai̒lo tulaota.’ ”

2 KORINTUS 4:6

Allahu Taa̒ala talo tahuda, “Mamusi monto delomo dio̒lomo mobutu mai tilango,” Allahu Taa̒ala boitolo olo tamo pobutu mai tilango boito todelomo hilaanto, alihu pikiilanginto, mowali mobaangai u momaahamu otinelo mobaango tutu lo Allahu Taa̒ala u tinetinelo tobaya li Almasi.

2 KORINTUS 4:9

Dadaata talo luwali olamiaatia, bo diipo pee̒enta mao̒ amiaatia lotibiluloa̒ tutuwau. Wau eleponu amiaatia tingga maito pateelio tunggula modehu, bo amiaatia diila yilate.

WAHI 21:23

Kota boito diila palalu otinela mato lodulahu meaalo hulalo, sababu odudaa̒ lo Allahu Taa̒ala molinela olio, wau Walao̒ Himba boito yito tohelio.

WAHI 22:5

Timongolio diila tamomalalu tohe meaalo tinelo dulahu, sababu hui madiduu̒, wau Eeya Allahu Taa̒ala lohihilao mamolinela olimongolio. Yi timongolio mamo malenta odelo olongia u ohiheo-hiheolo mao̒.