MIKHA 7:7 - KITABI HABARI MOPIOHE

⁷ Bo ito mohalapu to Eeya; wolo oyakininto u lealeaatu mohima Allahu Taa̒alanto. Eeya mamo dungohe dua̒anto wau mopoa̒ahu olanto.

MIKHA 7:7 ပူးပေါင်းရင်းမြစ်များ

ILOOWALI 49:18

Yaa Eeya, oa̒ahu uwohi mai lo Eeya, boi-boitolo u hewimaa lo watotia.

JABURU 109:4

Timongolio helo potuludu olaatia, eleponu watia motolia̒ngo toli mongolio, wau malodua̒ mola toli mongolio.

JABURU 130:5

Watotia hemohima bantua mai lo Eeya, danti lo Eeya hehalapuo lowatotia.

JABURU 25:5

Ajaliyalo mai wau delowalo watotia u tumumulo modudua̒ kahandaki lo Eeya, sababu Eeyaalo Allahu Taa̒ala talo poa̒ahu olo watotia, watotia laito hemo haarapu mola to Eeya.

JABURU 37:7

Yimailo Eeya wolo hilaa u duo̒duo̒oto, wulatilo wolo sabali tunggula Eeya mopohutu mai. Diila mao̒ pobalisa sababu taa u otilapulo tutumulio, meaalo tahi pohutua siaasati wimbulo.

JABURU 38:15

Otutu, watotia debo odelo taa udiila moo̒dungohu, wau sababu uito watotia diila helo buutola.

JABURU 50:15

Pongiibodulo to Olau̒ tou̒ oweepita, Wau̒ mamo lopatai olimongoli, wau timongoli mamomuji ola-U̒.”

JABURU 65:2

Patutilo amiaatia momuji mola Eeya to Sion, yaa Allahu Taa̒ala, wau mopoo̒polu danti lamiaatia to Eeya.

JABURU 85:5

Ponguliyalo mai mongowatotia, yaa Allahu Taa̒ala tamoo-poa̒ahua olo mongowatotia, diilalo mao̒ pomuluka to mongowatotia.

YESAYA 12:2

Otutu, Allahu Taa̒ala boito Tamoo-poa̒ahua olaatia, waatia yakini to Eeya. Watia diila moohe, sababu Eeya lopoo̒o lotolai olaatia. Tamoo-poa̒ahua olaatia yito Allahu Taa̒ala, to Eeya watia mopolahu mola.

YESAYA 17:7

Tou̒ dulahee boito, tau mamuli mei̒ tuulungi to Talopowali mai olio, Allahu Taa̒ala mantali lo Isirai̒lu.

YESAYA 25:9

Tou̒ boito tau mamoloi̒ya, “Tutuulio tutu, Eeyaalo Allahu Taa̒alanto; Eeyaalo tahe yimaanto, alihu ito poa̒ahuwaalo. Otutu, utieelo Eeya; Eeyaalo tahe yimaanto. Botia ito motingalaa̒ meengahu, sababu Eeya malo poa̒ahu mai olanto.”

YESAYA 45:22

Wuu, ngoilanggubu tuango dunia, pomalingolo mai de Olau̒ alihu timongoli poa̒ahuwolo, sababu bo Wau̒ulo Allahu Taa̒ala, diaaluo uwewo!

YESAYA 8:17

Eeya maloluuo̒ batanga lonto wali mai lei Yako, umati-Lio, bo wau̒ yakini wau motiwunela to Eeya.

HIYONGO MOPOILAALO SUUSA 3:24

Eeya yito halata lowatia bo tuwa-tuwaulo. Sababu uito, watia hemo tiwunela to Eeya.

DANIALI 3:17

Wonu Allahu Taa̒ala tahe tuboo lo mongowatotia mambo mopoa̒ahu mongowatotia monto tambati lotulu ulei̒-lei̒ita boito wau monto kawasa li Tuani lo watotia, tantulo mao̒ Tio mamohutu mai uito.

HOSEA 12:6

Allahu Taa̒ala boito yito Eeya Taa Laba-Labaalo Kawasa. Tanggu-Lio yito Eeya. Wolo tanggula boi-boitoolo Tio mokahandaki tau moi̒baadati mao̒ to Olio.

YOEL 1:19

Watotia mei̒ tulungi mai to Eeya, yaa Eeya sababu huhuu-tawaalo luasi u pilobutua lo huo̒yoto lopobu lowali lohengu daa̒ bubuu-ngowaalo ayu olo lohengu wau yilate debo odelo yilaalapo tulu.

HABAKU 2:1

Watia motohilaa mobotula mola ode monala podahaa lowatia, wau mohima wolo u mapotahuda mai lo Eeya olaatia, wau woloolo mola totame-Tio mai to poloilaalo suusa lowatia.

HABAKU 2:3

Tuladeelo uito, sababu masaatia diipo wakutuulio. Bo saaa̒ti boito hua̒a meidungga, wau wolo u poilaalo-U̒ mai olemu tantu mamotoduo mai. Eleponu oontongonga mao̒ donggo mohiheo mai, bo yimailo wambao̒! Saaa̒ti boito tantu mamei dungga wau diila talohuduolo.

YIA̒APO 5:28

Bo humayaalio tio diila ototala, tio diila otuhata lolaa̒anati wau donggo mowali moo̒tapu mai walao̒.