MIKHA 7:6 - KITABI HABARI MOPIOHE

⁶ Sababu, tomaasa debo odelo utie pongawaa̒ lo ngaalaa̒ tinggai momuusua: walao̒ talolai̒ mohina oliyamolio, walao̒ taabua moluwali oliilolio, wau moluhengo taabua mobuutola wolo tiilo moluhengio.

MIKHA 7:6 ပူးပေါင်းရင်းမြစ်များ

ILOOWALI 49:4

Yio̒ gambangi mobaleyango debo odelo taluhu, tilinggula diila talaba-labaalo mopiohu; sababu yio̒ helo tuluhee wolo pipiyau̒, tilambiiu̒mu tambati lo pootuluhe li paapaamu.

OLUO LO SAMUEL 16:11

Lapatao̒ tei Dauda luli loloi̒ya mao̒ odelei Abisai wau ode ngoa̒amila watolio, “Walau̒uu̒ pulua lohihilao hemo tolopani ohilaa momate olau̒ mate-mateelo mao̒; yilongola timongoli molinggolabu moo̒onto pii̒li lotau lei Benyamin botie? Eeyaalo talo poa̒hu mai olio lolaa̒anati olau̒; sababu uito diila mao̒ pongolawa tio wau huliilo mao̒ tio molaa̒anati olau̒.

JABURU 41:9

Uali mongolio, “Ngongotio tiluhua daa̒, tio diila pongalo aakali muli mobongu mai.”

POHUMAYA 30:11

Woluo taa u motadia oliyamolio wau diila momasisi oliilolio.

POHUMAYA 30:17

Taa u mohentea̒ oliyamolio meaalo oliilolio tamaa panggola, paatuti pomahuloola ode bulemengio alihu matolio topango lopaao̒ wau milatelio aalo lobulungi angga-angga.

YESAYA 3:5

Tau-tauwalo mamoo-dedeehea. Taa humula diila momandungi taa panggola, wau taa ukikiio̒ diila momandungi taa udaa̒.

YESAYA 9:19

To ngoilanggubu lipu boito tau momantango lou̒ pakusa wau molamela bolo totoonulalo mao̒ wambai̒o u mowali tamelolo, bo diila molaasa mobutuhu. Tumbao̒ timongolio molamelo mongo sahabati limongolio lohihilao!

YEREMIA 12:6

Yio̒ mahilii-yanatilio tumbao̒ lomongo pohutatamu lohihilao; timongolio lodudua̒ loluhu olemu. Diila mao̒ yakinia timongolio, eleponu tataa-heyaalo limongolio mopiohu.”

YEREMIA 20:10

Odungohe tau hipoloohuma to utoonulalo mao̒, “Owoohe hemohutu totoonulalo otohilaa lohilao! Dulo podulohe tio ode tao̒kawasa!” Tumbao̒ ngoa̒amila sahabati mohulango wolaatia hemohima odudehu lowatia. Uali mongolio, “Otanu wolo paaluto, tio mowali olaahento, alihu mowaliilo ito momaalasi niyati ode olio.”

YEREMIA 9:4

Ode sahaabati, timii̒du tau musi mopoo̒daaha wau penu boli wutato ngoputua loibuo̒ diila mowali yakiniyalo. Sababu, debo odelo tei Yako odieelo mola timongolio, ngota-ngota hemohimbulo to wutatio. Timii̒du tau monao̒ ode utoonulalo mao̒ u mopololadu pitana wau wimbulo.

YEHESKIEL 22:7

Diaaluo penu boli ngotaa mao̒ monto ulipumu mohulumati mongo dulaa̒alio. Yio̒ hemob himbulo tau deli wau hemahama uuntungi monto osuusa lotaa janda wau tadidu otiilo otiyamo.

OBAJA 1:7

Yio̒ yimbulowa lomongo panggalumu, wau polahiolio lonto lipumu. Yio̒ olaahe lomongo sahabatimu, hentobu lotaa hemolamela wolemu. Timongolio mamohintu-hintu pasali lo batangamu, ‘Tou̒toonu botia ngoa̒amila pongototamu?’

MATIUSI 10:21

Mamotoduo mai deu̒ tau mamohudu wutatio lohihilao pateelio mate-mateelo mao̒. Wau uitolo u mamotoduo towolota lotiyamo wolo walai̒o. Tau̒kekeei̒ mamoluwali tiilo tiyamolio wau mohudu mao̒ olimongolio u pateelio mate-mateelo mao̒.

MATIUSI 26:23

Ti Isa lolametao̒, “Tamo polomo roti todelomo manggo pee̒-pee̒enta wola-U̒, tio-tioolo tamamo hiyanati ola-U̒.

LUKASI 12:53

Tiyamo mamoluwali walai̒o talolai̒ wau walai̒o talolai̒ mamoluwali oliyamolio. Tiilo moluwali walai̒o bua wau walai̒o bua mamoluwali oliilolio. Tiilo moluhengo mamoluwali moluhengio bua wau moluhengo bua mamoluwali tiilo moluhengio.”

LUKASI 21:16

Timongoli mahiyanatio lipaapa wau limaamamu, lomongo wutatumu, lomongo ilaatumu wau lomongo tamanimu. Ngotayadi mongoli mapateelio mate-mateelo mao̒ limongolio.

YAHYA 13:18

Wolo u tilahuda-U̒ mai botie diila tomimbihu olimongoli ngoa̒amila. Otaawa-U̒ tita-tita tamaa tilulaotu-U̒. Bo wolo u tulatuladu todelomo Kitabi, musi motoduo mai, deu̒ito-yito, ‘Taa molamela wola-U̒, mamoluwali ola-U̒.’