MIKHA 7:5 - KITABI HABARI MOPIOHE

⁵ Diila mao̒ yakinia to tiheedumu, diila mao̒ potiwunela to sahaabati. Poo̒daha-dahaalo mao̒ wolo loloo-i̒yaamu eleponu tamo dungoheo̒ yito dilemu taabua lohihilao.

MIKHA 7:5 ပူးပေါင်းရင်းမြစ်များ

JABURU 141:3

Yaa Eeya, dahailo mai tunggilo watotia wau imatowalo mai biihu lowatotia.

JABURU 38:14

Bo watotia debo odelo taa bungolo tadiila moo̒dungohu, debo odelo taa bubu tadiila mowali mobisala.

JABURU 41:9

Uali mongolio, “Ngongotio tiluhua daa̒, tio diila pongalo aakali muli mobongu mai.”

YEREMIA 9:3

wau laito dapadapato u mohimbulo. To ngoilanggubu lipu, u otutu diila okawasa, tumbao̒ u diila motulidu hale hemowali-wali. Eeya lotahuda mai, “Umati-U̒ hipohutua u moleeto lou̒ diila ohuhe-huheliilio, timongolio diila lomasisi ola-U̒ odelo Allahu Taa̒ala limongolio.”

YEREMIA 9:4

Ode sahaabati, timii̒du tau musi mopoo̒daaha wau penu boli wutato ngoputua loibuo̒ diila mowali yakiniyalo. Sababu, debo odelo tei Yako odieelo mola timongolio, ngota-ngota hemohimbulo to wutatio. Timii̒du tau monao̒ ode utoonulalo mao̒ u mopololadu pitana wau wimbulo.

HIYONGO MOPOILAALO SUUSA 1:2

Oo̒onua tio hilumoyonga wolo hilaa suukali lohilao, ponu lobiihuto to putongi. Diaaluo penu boli ngotaa mao̒ lonto mongo tilantahio tamohuto moliyango olio. Tio hiliyaanati lomongo sahabati tamalo nguli lowali laawani.

MATIUSI 10:16

“Poo̒tuoti mao̒ utie: Wau̒ molao olimongoli debo odelo himba udiila olootolo ode huungo saligala u mongantau. Timongoli musi mopoo̒daha mao̒ debo odelo tulidu wau tulusi lohilao debo odelo bulungi poombo.

MONGO HAKIMU 14:17

Ngotilonggadu pituhui mola potihunggu boito, dile lei Simson hiyo-hiyonga tulusi. Wau kalana tio debo hemotihidi wau mohuntula tulusi, yi todulahee u opitulio, tei Simson malo poo̒taa mao̒ olio boli lotokaa toki boito. Lapatao̒ dile lei Simson boito lopoo̒taa mao̒ ode tau-tauwalo Pilistin.