MIKHA 7:4 - KITABI HABARI MOPIOHE

⁴ Talaba-labaalo mopiohe wau talaba-labaalo motulidu hale monto olimongolio olo debo odelo diu̒to oduhi udiila ohuna. Malei dungga wakutuulio Allahu Taa̒ala mohukuumani umati-Lio debo odelo u mapilopo eelaa-Lio mao̒ olimongolio lotimbulude tomongo nabii-Lio. Botia matilumodei tolonggalo towolota limongolio.

MIKHA 7:4 ပူးပေါင်းရင်းမြစ်များ

YESAYA 10:3

Wolo u mapohutuo limongoli to dulahu Allahu Taa̒ala mohukuumani mai olimongoli? Wolo olootolumu tou̒ Eeya mopodungga mai baala monto lipu u molamingo? To tatoonu timongoli mei̒ tuulungi? Tou̒toonu matuuo̒ limongoli okokaya limongoli boito?

YESAYA 22:5

Memangi, Eeya Taa Laba-labaalo molanggato wau Laba-labaalo kawasa malolantu mai dulahee botie odelo dulahu lo tolonggalo, rame tutu wau mobuluhutu daa̒ to Lumabaya Bibilohe. Didii-ngingaalo meeseli lokota mailoohubio. Wuwaatio̒ mei̒ tuulungi wolo-woloongio to huhuu-luduwaalo.

YESAYA 55:13

Bungo lo ayu woohu mamobuulota wolo diu̒to oduhi, pilomulo bunga mamobuulota wolo pilomulo u o aa̒a-yuwaalo kekeei̒ wau moopa. Uito motoduo mai alihu Wau̒ pomasaa-huluwolo; odelo tuoto ohiheo-hiheolo mao̒ u diila tamooli.”

YEREMIA 10:15

Babaa-laahalaalo boito diila ohalaga, paatuti henteo̒olo wau hinaalo. Wonubolo meidungga mai wakutuulio timongolio mabinaasa.

YEREMIA 11:23

Wau̒ malolantu wakutuulio u mopodungga mai baala ode tau-tauwalo Anatot, wau wonu wakutu pohukuu-maniyola olimongolio boito meidungga, diaaluo penu boli ngotaa mao̒ tamoo̒ lopato.”

YEREMIA 46:21

Tumbao̒ mongo pajule sileuwaalio diila olootolo debo odelo walao̒ sapi u molingohee daa̒. Timongolio diila moo̒ taahangi. Ngoa̒amilalo mobale wau tumeteo̒ alihu moa̒ahu. Dulahu hukuumani ode limongolio malei dungga; mawakutuulio timongolio odungga lobaala.

YEREMIA 8:12

Wuu umati-U̒, paatutilio timongoli moolito sababu malohutu ngoa̒amila u hina boito! Bo timongoli diila motota moolito. Sababu uito timongoli mamodehu debo odelo taa wewo tamaa lodehu; mopulitolo mola hikaayatimu wonubolo Wau̒ mohukuumani mai olimongoli.

YEHESKIEL 2:6

Bo yio̒, wuu manusia panaa, diila mao̒ oohe to tahipo malakalawa boito, meaambo tou̒ penu boli wolo uloi̒ya limongolio. Timongolio mamoluwali wau mohina olemu, tilinggula yio̒ debo odelo tumutumula towolota lo bambau. Eleponu odito, diila mao̒ oohe.

YEHESKIEL 28:24

Eeya lotahuda mai, “Lilii-puwaalo to tiheede tapee̒enta lohina Isirai̒lu, diilalo debo odelo hutia u oduhi wau duhi u mopo ngongoto Isirai̒lu. Timongolio mamongalati deu̒ Wau̒ulo Eeya Taa Laba-labaalo molanggato.”

AMOS 8:2

Eeya lohintu mai, “Yio̒ loo̒onto mao̒ wolo, Amos?” Watia lolametao̒, “Kalanji tuwau utua-tuanga huhuu-ngowaalo u malolutu.” Eeya lotahuda mai, “Wakutuulio maloontapo duo̒lo umati-U̒ lo Isirai̒lu. Wau̒ diilalo molomelo poli patujuu-U̒ wau tantu mamo hukuumani mai olimongolio.

NAHUM 1:10

Yio̒ matumbilalo debo odelo laato u mohengu debo odelo diu̒to oduhi kakaaita.

LUKASI 21:25

“De tomato lodulahu, hulalo, wau popoo-liyamalo mao̒ntonga tutuu-wotalo. Todunia babaa-ngusawalo mamoohe wau molingu motaalua wolo tingohu dupota daa̒ wau oliyoo̒ buoo̒olo uwali-walihuhu lodeheto.

IBRANI 6:8

Bo wonu huta boito mongohi tilapulo papaa-dengowalo wau pilomulo oduhi, yi huta boito diila ohunalio wau demaa laa̒natia lo Allahu Taa̒ala wau pulitio mao̒ maahu tumbilalo.