MIKHA 7:3 - KITABI HABARI MOPIOHE

³ Ngoa̒amilalo moolato todelomo mohutu u moleeto. Tadihu-dihu pantungo lipu wau hakimu hipohilea doi solooi̒, wau tao̒ tilanggula todelomo ulipu hemo makusa u otohilaalio, odi-odieelo mola timongolio helo woomboa pee̒-pee̒enta.

MIKHA 7:3 ပူးပေါင်းရင်းမြစ်များ

POHUMAYA 16:30

Poo̒dahailo totaa u umiyomo wau hemo poitohe mato, tio donggo hemolanjana u moleeto todelomo hilaalio.

POHUMAYA 17:23

Hakimu tahilaalio diila motulidu, mololimo doi sooloi̒ lou̒ depudepuhu wau diila moponao̒ ua̒adili.

YESAYA 1:23

Mongo tau̒wamu tamoo-malakalaawa wau wakili lo tamootao̒wa; timongolio mohuto mololimo palaseni wau doi sooloi̒. Timongolio diila mohuto mopoduulua tadidu otiilo otiyamo to bubutoo̒; diila mohuto modungohe dudulohu lomongo janda.

YESAYA 26:21

Eeya mamolaahei monto tambati biluloa̒a lo Eeya to sologa mai mohukuumani tuango dunia sababu dusa limongolio. Polomatea yila-yilateelo mao̒ u hepilohutu limongolio wolo tuua̒ao̒-tuua̒ao̒ mamoi̒laalo. Huta diilalo molau̒ubu totau-tauwalo tahe pilate yila-yilateelo mao̒.

YESAYA 3:5

Tau-tauwalo mamoo-dedeehea. Taa humula diila momandungi taa panggola, wau taa ukikiio̒ diila momandungi taa udaa̒.

YESAYA 32:7

Hiambola ngotaalio lo tamoo-himbuloa momikiilangi wau mohutu u moleeto. Tio mopeehu aakali u mopo topotala taa mosikini wolo loi̒ya yimbulo wau molanggu olimongolio moo̒tapu hakuulio.

YESAYA 5:23

Bo wambao̒ u moo̒tapu mao̒ doi sooloi̒, timongoli molopato taa ototala, wau hemongabuta taa udiila ototala moo̒tapu u aadili.

YEREMIA 3:5

Yio̒ moloi̒ya olo deu̒ Wau̒ diila tamolo-laalaaita muluka olemu. Uitolo u loi̒yamu, wuu Isirai̒lu, bo sambela uito hepo hutuomu olo totoonulalo ololeeto u mowali pohutuomu.”

YEREMIA 4:22

Eeya lotahuda mai, “Mohulode daa̒ umati-U̒ boito, timongolio diila motota ola-U̒. Timongolio debo odelo tau̒kekeei̒ baaa̒ngiolo wambao̒, lou̒ diila ohuhaama penu boli ngoi̒di mao̒; moolato todelomo u moleeto, diila otilapulo todelomo u mopiohu.”

YEREMIA 8:10

Sababu uito Wau̒ mamongohi mao̒ halabolu limongolio ode taa ohuu̒wo lohuta wewo, wau dile taabua limongolio ode taa wewo. Timongolio ngoa̒amila ukikiio̒ wau udaa̒, hipopeehuma uuntungi lou̒ diila motulidu hale. Tumbao̒ nabi wau iimamu olo hemohimbulo totau.

YEHESKIEL 22:12

Woluo olo tahe bayalialio lowali tamoomatea-mateelo mao̒, hipohamawa uuntungi ulaba-labaalo wau hipomitota tau-tauwalo ngobangusaalio. Timongolio ngoa̒amila malo lipata ola-U̒. Wau̒ Eeya Taa Laba-labaalo molanggato malo tahuda mai.

YEHESKIEL 22:27

Tahidihuma pantungo lo pamalentaalio debo odelo saligala u longai-ngaidinga mangusaalio. Timongolio hemomate-mateelo mao̒ bo u mopeehu uuntungi.

YEHESKIEL 22:6

Ngoa̒amila mongo tau̒wa lo Isirai̒lu hemopo mangga olootolio lohihilao wau hemoponao̒ polomatea mate-mateelo mao̒.

YEHESKIEL 34:21

Timongoli hemo huhuuntula wau hemolunge himba u mongongoto tilinggula timongolio ilolanenga monto himbala himba.

YEHESKIEL 9:9

Allahu Taa̒ala lolameto, “Tau-tauwalo Isirai̒lu wau Yehuda malohutu dusa u mailaba udaa̒. Timongolio helomate yila-yilateelo mao̒ to utoonulalo tambati, wau Yerusalemu hepilo kootolo wolo u moleeto. Timongolio hemoloi̒ya deu̒ Wau̒, Eeya, malo lolaa mao̒ lipu botie tilinggula diilla mowali moo̒onto huhutu limongolio.

HOSEA 4:18

Lapatao̒ hiluwoa̒ helongilu angguru dadaata, timongoli helo tisuntali wolo sanangi lohilao. Timongolio lebe motohilaa hinaalo lou̒ hulumatiolo.

HOSEA 7:3

Eeya lotahuda mai, “Wolo hidala-dalaala yimbulo wau huhuu-hutuwaalo u moleeto ulipu hemo tolopani moposanangi hilaa li olongia wau tahidihima pantungo lo pamalenta.

AMOS 5:12

Otaawa-U̒ malo odito udaa̒alio ololeetumu wau malo odito daatalio lo dusaamu. Timongoli helodeehe taa mopiohe; timongoli helo lolimo solooi wau lopoluli taa mosikini pilohutulio diila aadili to polobutoo̒.

MIKHA 2:8

Eeya lolametai, “Timongolilo taloluhu umati-U̒ debo odelo musu. Tau muli mohualingai monto polotuhua wolo halapani mamolaasa aamani tobelelio, lebe-lebe pomao̒ mola teto timongoli tumbao̒ hemohima u molambato belelio.

MIKHA 3:11

Tahipo ngawasawa kota helo malentao̒ u moo̒tapu mai doi solooi̒, mongo iimamu helo ngaajali butoo̒ lo Eeya duo̒lo wuupa, wau mongonabi hipohilea potuhata monto Allahu Taa̒ala u moo̒tapu mao̒ doi – lapatao̒ timongolio ngoa̒amila hipo lontobua deu̒ Eeya lotiwambao̒ ode limongolio. Timongolio hemoloi̒ya, “Eeya woluo to huunginto; ito diila tao̒dungga lobaala hidala-dalaala.”

MIKHA 3:2

bo timongoli tumbao̒ molonuo̒ u mopiohe, wau sanangi tou̒ moleeto. Bangusa lowatia yilaalita limongoli tumu-tumulo, wau ilantangi mongoli tapulio lonto tutuu-laalio.

MATIUSI 26:15

Tio loloi̒ya mao̒ ode limongolio, “Wolo u mawohi limongoli olaatia wonu watia mamohudu mai li Isa ode limongoli?” Yi timongolio malo leekeni tolo pulu doi talaa̒, wau yilohilio mao̒ doi boito olio.

1 KORINTUS 4:5

Sababu uito, sababu diipo wakutuulio, timongoli diila mao̒ polamemeto molantu deu̒ tahingota-ngotaawa yito ototala meaalo diila. Wimailo tunggula Eeya de meidungga mai. Eeyaalo tamamomuo̒ ngoa̒amila hitua-tuawua u malakusudu hetuuo̒lo u tuutuo̒ todelomo u modio̒lomo. Eeyaalo tamamo monggali ngoa̒amila niyati uleitahu todelomo hilaa lomanusia. Tou̒ boito timii̒du tau bolo mololimo monto Allahu Taa̒ala poloi̒laalo momuji upaatuti tolimoolio.