MIKHA 7:20 - KITABI HABARI MOPIOHE

²⁰ Ode umati lo Eeya, wali mai lei Abraham wolei Yako, Eeya mamo pobilohei otatapu wau olootolo hilao lo Eeya wau ponu lo Eeya udiila eenggadelio boito debo odelo u pilodanti mai lo Eeya ode loluuhuru lo mongowatotia muloololio daa̒.

MIKHA 7:20 ပူးပေါင်းရင်းမြစ်များ

ILOOWALI 24:27

Ualio mao̒, “Pujiaalo mola Eeya, Allahu Taa̒ala lei Abraham tituani lo watotia. Eeya lopoilaalo mai tatapu molotolo hilao wau ohilaa mopiohe toli tuani lo watotia tei Abraham. Eeya hua̒a lodelo mai olo watotia ode mongo ilaatolio.”

ILOOWALI 32:10

Watotia diila patuti mololimo totoonulalo ponu wau otatapu wau olotolo hilao u mapilopo bilohei lo Eeya ode watotia. Tou̒ watotia lomonggato lobalanga dutula Yordan, watotia diila lodelo wolo-wolo ngopohia tunggudu. Botia watotia luli lonao̒ mai wolo dulo polemboa̒ botie.

YEREMIA 33:6

Bo de Wau̒ mamoponguli mai owowoluwoa lokota botie wau ulipulio; timongolio mamuli molotolai. Wau̒ mamongohi mai olimongolio osalaamati wau u aamani udiilalo o eenggadelio.

TINGULI 7:12

“Wonu timongoli mopoo̒tuoto totoonulalo palenta boito, wau mohutu mao̒ wolo tatapu wau molotolo hilao, yi Eeya Allahu Taa̒ala limongoli olo matatapu wau molotolo hilao to daantia u pilohutu-Lio mai woli mongoli. Tio mamopo bilohei ponu-Lio utatapu olimongoli, debo odelo u pilodanti-Lio mai ode loluuhuru limongoli.

TINGULI 7:8

Bo Eeya molulaotao̒ olimongoli sababu Tio momonu olimongoli wau ohilaa moe̒elai danti u pilohutu-Lio woli nenemoya limongoli. Uitolo sababuulio Tio malo poa̒ahu mai olimongoli wolo kawasa udaa̒ wau lolopato olimongoli lonto sua̒li lowali wato toli olongia lo Masiri.