MIKHA 7:18 - KITABI HABARI MOPIOHE

¹⁸ Diaaluo Allahu Taa̒ala debo odelo Eeya, yaa Eeya, tamo ngambungu dusa lo umati tilulaoto Eeya u ilolabita. Diila u ohiheolo mao̒ Eeya muluka; bolii̒o mao̒, Eeya sanangi mopobilohei ponu lo Eeya udiila o eenggadelio boito.

MIKHA 7:18 ပူးပေါင်းရင်းမြစ်များ

ILOOWALI 4:7

Wonu yio̒ mohutu u mopiohe, tantu yio̒ imiyomo; bo wonu yio̒ mohutu u moleeto, yi dusa mohima u tumuwotao̒ ode delomo hilaamu. Dusa mamotolo kawasa to batangamu, bo yio̒ musi mopo olaaheo̒ dusa boito.”

BOHULO MONGO OLONGIA 8:23

wau lodua̒, “Yaa Eeya, Allahu Taa̒ala lo Isirai̒lu! To hulungo meaambo todunia diaaluo tadebo odelo Eeya! Eeya loe̒elai danti lo Eeya wau helo poi̒laalo ponu lo Eeya ode umati lo Eeya tadebo molotolo hilao wau modungohe wolo lealeaatu lohilao to Eeya.

OLUO TAWARI 30:9

Wonu timongoli muli motiwato to Eeya, yi tau-tauwalo tahe lomintaa̒ mongo ilaatumu odelo tawalo, mamodehu hilao wau mopoluli olimongoli muli mohualingo. Eeya Allahu Taaa̒la limongoli yito Allahu Taa̒ala tamopio wau odehu hilao; Eeya mamololimo olimongoli wonu timongoli muli mohualinga ode Eeya.”

NEHEMIA 9:17

Timongolio diila lodungohe, wau totoonulalo opopiohu lo Eeya hepilalongi mongolio, wau ngoa̒amila huhutu u moo̒linggolabe lonto Eeya heilooli lonto pikiilangi limongolio. Wolo mangimangi timongolio helo lulaotao̒ tau̒wa ngota, u lodelo olimongolio ode Masiri, luli lowali wato. Bo Eeya Allahu Taa̒ala tamotohilaa momaa̒apu mai, diila opulita lo sabali, mura lohilao wau polupolu lo ponu. Ponu lo Eeya otutu polu-polutuo̒; Eeya diila lololaa olimongolio.

JABURU 103:13

Debo odelo tiyamo ngota motolia̒ngo mongo walai̒o, odito olo Eeya momonu taa u saale.

JABURU 130:4

Bo Eeya motohilaa mongambungu, alihu tau mowali saale.

JABURU 35:10

Wolo lealeaatu lohilao watotia moloi̒ya, “Yaa Eeya, Eeya diila o bandingilio! Eeya lolopatai tamo lulupuhu monto tamolotolo, tamosikini wau dutodutolo monto tamoodehea olio.”

JABURU 65:3

Sababu Eeyaalo tamo pomata mai dua̒; ngoa̒amila tau monao̒ mai ode Eeya sababu mai̒lodusa.

JABURU 65:4

Duduu-sawaalo watotia mailaba buheeto duo̒lo watotia, bo Eeya helo ngambungu mai.

JABURU 71:19

Yaa Allahu Taa̒ala, oa̒adili lo Eeya ngoilanggato hulungo; odito udaa̒alio totoonulalo huhutu lo Eeya; yi tatoonu tamoo̒ baaya to Eeya?

JABURU 86:15

Bo Eeya, yaa Eeya, Allahu Taa̒ala tamoomonua, wau tao̒odehu hilao, sabali, lealeaatu loponu wau tatapu molotolo hilao.

JABURU 86:5

Eeya mopiohu, yaa Eeya, wau ohilaa mongambungu, taa u hemodua̒ mola to Eeya debo ponuo mai lo Eeya wolo ponu u diilalo o eenggadelio.

JABURU 89:6

Sidangi lo sologawi momuji totoonulalo huhutu lo Eeya u moo̒linggolabu, wau mopolahu mola otatapu wau olootolo hilaa lo Eeya, yaa Eeya,

JABURU 89:8

Eeya hurumatiolio to wolota lo tahi mantalia, oohelio lebe lou̒ ngoa̒amila to palito Eeya.

PILOTIMUA̒TA 15:11

Allahu Taa̒ala toonu tamowali mongilabotao̒ ole-Mu, yaa Eeya Taa Laba-labaalo molamahu wau mantali? Tatoonu tamowali mohutu u momoo̒-linggolabeyalo wau huhutu leidaa̒ debo odelo Eeya?

PILOTIMUA̒TA 34:9

Ualio mao̒, “Eeya, wonu Eeya tio̒otutua motuuu̒de wolaatia, watia momolohone, ambunguolo Eeya moduduo̒ wolamiaatia. Bangusa boito memangi baa̒ngiyolo, bo ambungua mao̒ ololeeto wau dusa limongolio wau tolimoa mao̒ amiaatia odelo umati lo Eeya lohihilao.”

YESAYA 1:18

Eeya lotahuda mai, “Dulo ito mopobelesi palakala botie. Eleponu timongoli meela jingga sababu duduu-sawaalo limongoli, timongoli mabuboa̒a-U̒ mowali moputio̒ belesi debo odelo pini. Eleponu duduu-sawaalo limongoli dadaata wau mobuheeto, timongoli maa ambunguwo-U̒ lealeaatulo mao̒.

YESAYA 33:24

Diaaluo penu boli ngotaa mao̒ to lipunto mopoi̒laalo suusa sababu mongongoto, wau ngoa̒amila dusa maa̒ambunguolo.

YESAYA 38:17

Osuukali lohilao lowatotia mamolomelo mowali aamani, Eeya lopoa̒ahu mai olo watotia lonto topotala; duduu-sawaalo watotia maa ilambungu lo Eeya ngoa̒amilalo.

YESAYA 40:18

Oditolio wolo tatoonu yio̒ ohilaa mopo tutuuwauwa Allahu Taa̒ala? Tatoonu tolantobumu mohumayawa wolo Eeya?

YESAYA 40:25

Tatoonu talontobumu mohumayawa wolo Allahu Taa̒ala Taa Laba-labaalo mantali? Wolo tatoonu yio̒ ohilaa mopo tutuuwauwa to Eeya?

YESAYA 43:25

Bo Wau̒ Allahu Taa̒ala talo lulutai dusaamu, Wau̒ longambungu mai olemu sababu mao̒ditolo watade-U̒; Wau̒ diila moe̒ela-eela mola dusaamu.

YESAYA 44:22

Totalaamu yinggilo-U̒ debo odelo heengo, dusaamu pilopolahi-U̒ debo odelo heengo wanto-wantohe taluhu. Pohualingolo mai ode Olau̒, sababu Wau̒ malo polopata olemu!”

YESAYA 55:7

Maamusi taa moleeto mopoo̒piohu tutumulio, wau molomelo dalalo pikiilangilio. Huliilo mao̒ tio muli mohualinga ode Eeya, alihu moo̒toduo odehu hilaa lo Eeya. Maamusi tio mopalinga ode Allahu Taa̒alanto, sababu Eeya mongambungu mai wolo muura lohilao.

YESAYA 57:10

Lou̒ diila mooli halapani timongoli hemotiwo-wongoolo mololohe dedeewaalo. Timongoli molantobu deu̒ timongolio moo̒ wohi sumaangati bohu, tilinggula timongoli diila mowali molulupuhu.

YESAYA 57:16

Diila u ohiheolo mao̒ Wau̒ mopotala mai umati-U̒; diila u mololaalaaita Wau̒ muluka, alihu timongolio diila mao̒ mobunto sumaangati, lebe-lebe pomao̒ Wau̒ulo talo potumulai olimongolio.

YESAYA 62:5

Debo odelo tabohulotau ngota motolo balango walao̒ tadulahu, odieelo mola Talopowali mai olemu mamodiilea wolemu. Debo odelo ngotaalio lo bulaintiti talolai̒ meengahu moo̒onto dilelio odieelo mola Allahu Taa̒ala moa̒ahudu olemu.

YESAYA 64:9

Oditolio diila mao̒ pomuluka wolo laba-labaalo, yaa Eeya, diilalo mao̒ toloe̒elai dusa lamiaatia; bilohilo mai amiaatia botie umati lo Eeya.

YESAYA 65:19

Wau̒ lohihilao mamo tiwengahe sababu Yerusalemu, wau motiwengahu hilao sababu ulipulio. To kota boito diduuluo hiyongo, wau diduuluo wuwaatio̒ mei̒ tuulungi.

YEREMIA 3:12

Eeya lopoa̒hu olaatia lonao̒ u loloi̒ya mao̒ sua̒li botie ode Isirai̒lu: “Wuu Isirai̒lu tadiila tatapu wau molotolo hilao, pohualingolo mai ode Olau̒! Wau̒ lealeaatu odehu hilao wau diila taa ohiheolo mao̒ muluka to olemu.

YEREMIA 3:5

Yio̒ moloi̒ya olo deu̒ Wau̒ diila tamolo-laalaaita muluka olemu. Uitolo u loi̒yamu, wuu Isirai̒lu, bo sambela uito hepo hutuomu olo totoonulalo ololeeto u mowali pohutuomu.”

YEREMIA 31:20

Isirai̒lu, yio̒ walao̒ tai̒loponu-U̒, walao̒ ilohilaa-U̒, wau polaantapu-U̒. Timii̒du Wau̒ monganjamu Wau̒ laito moe̒elai olemu lou̒ mooloolo. Yio̒ mapohutuwo-U̒ mai wolo lealeaatu odehu hilao.

YEREMIA 31:34

Diilalo palalu penu boli ngotaa mao̒ monto olimongolio mongaajali timongotalio u motota to Eeya. Sababu timongolio ngoa̒amila, kikiio̒ udaa̒, mamotota ola-U̒. Ngoa̒amila totala limongolio malipato-U̒, duduu-sawaalo limongolio maa̒mbunguo-U̒. Wau̒, Eeya, malo tahuda mai.”

YEREMIA 32:41

Wau̒ masanangi mohutu u mopiohu ode limongolio, wau mohutu mai olimongolio motitatapu tolipu botie u ohiheo-hiheolo mao̒.

YEREMIA 33:8

Wau̒ mamopo belesi olimongolio monto duduu-sawaalo u mapilohutu limongolio to Olau̒; duduu-sawaalo wau ojuluhaka limongolio maa̒mbunguwo-U̒ mai.

YEREMIA 38:8

tei Ebed-Melekh lonao̒ mola odito wau loloi̒ya mao̒ odeli olongia,

YEREMIA 50:20

Tou̒ boito Isirai̒lu wau Yehuda mamobelesi monto dusa, sababu Wau̒ mamo ngambungu mai tau-tauwalo tamaa piloa̒ahu-U̒. Wau̒, Eeya, malo tahuda mai.”

YEREMIA 9:24

Tatoonu tao̒hilaa motiwengahu pasali lou̒ hitua-tuawua, maamusi motiwengahu deu̒ tio motota wau mongalati ola-U̒; deu̒ otaawalio Wau̒ momonu u ohiheo-hiheolo mao̒ wau Wau̒ mopotihula butoo̒ boli ua̒adili todunia. Ngoa̒amilalo boito moposanangi hilaa-U̒. Wau̒, Eeya talo tahuda mai uito.”

YEHESKIEL 18:23

Wolo to pikiilangimu Wau̒ Eeya Taa Laba-labaalo molanggato sanangi wonu taa u moleeto mate? Sama-samaata diila! Wau̒ motohilaa deu̒ tio mololaa duduu-saalio alihu tio debo tumutumulo.

YEHESKIEL 33:11

Polelea mao̒ olimongolio deu̒ domi Wau̒, Allahu Taa̒ala tatumu-tumulo, Eeya Taa Laba-labaalo Molanggato, Wau̒ diila sanangi wonu taa moleeto mate; bolii̒o mao̒ Wau̒ motohilaa tio mololaa mao̒ duduu-saalio alihu tio debo tumutumulo. Wuu bangusa lo Isirai̒lu, pohuhelilo mohutu u moleeto! Yilongola timongoli ohilaa mate?

YEHESKIEL 33:16

Wau̒ diilalo moe̒ela duduu-sawaalo umapilo hutulio, wau tio matumumulo sababu mohutu wolo u otutu wau mopiohu.

DANIALI 9:9

Eeya polupolu lopongo ngambungu wau odehu hilao, eleponu mongowatotia malo luwali to Eeya.

HOSEA 14:2

Muli pohualingolo ode Eeya Allahu Taa̒alaamu, wuu bangusa lo Isirai̒lu! Dusamu maa loo̒sababu olimongoli leihuluto wau lodehu.

HOSEA 14:5

Eeya lotahuda mai, “Umati-U̒ taa maa lolahi, muli hamaa-U̒ wau ponuo-U̒ wolo lea-leaatu lo hilao; timongolio diila taa oingowa-U̒ poli.

YOEL 2:32

Bo titaalo tita tamo molohone mei̒ tulungi to Eeya, mapo aahuwolo. Eeya lotahuda, “To Yerusalemu tau-tauwalo tahe tilulaotu-U̒ mamoa̒ahu.”

AMOS 1:11

Eeya lotahuda, “Ulipu lo Edom mapoo̒-poo̒daata ilodusa, sababu uito Wau̒ tantu mamo hukuumani mai olimongolio. Lou̒ diila odehu hilao, timongolio maloluhu taulo Isirai̒lu, mongo wutati mongolio. Timongolio tulusi moingo, wau debo hemoniyati.

AMOS 7:8

Tio lohintu olaatia, “Yio̒ loo̒onto wolo, Amos?” Watotia lolametao̒, “Tali poluu̒du u tihutihula motulidu, yaa Eeya.” Lapatao̒ Eeya lotahuda, “Wau̒ momake tali poluu̒de botie u mopobilohei deu̒ umati-U̒ debo odelo dingingo meeseli udiila motulidu. Wau̒ diila tamolomela patujuu-U̒ poli, Wau̒ tantu mamo hukuumani mai olimongolio.

AMOS 8:2

Eeya lohintu mai, “Yio̒ loo̒onto mao̒ wolo, Amos?” Watia lolametao̒, “Kalanji tuwau utua-tuanga huhuu-ngowaalo u malolutu.” Eeya lotahuda mai, “Wakutuulio maloontapo duo̒lo umati-U̒ lo Isirai̒lu. Wau̒ diilalo molomelo poli patujuu-U̒ wau tantu mamo hukuumani mai olimongolio.

YUNU 4:2

Lapatao̒ tio lodua̒ mola, “Yaa Eeya, diila mailoi̒ya lowatotia tou̒ dipo lomonggata lonto bele lowatotia muloolo, deu̒ Eeya tantu mamohutu mai odie? Uitolo sabubuulio watotia hua̒a lolahi mola ode Spanyol! Otaawa lowatotia deu̒ Eeya Allahu Taa̒ala tamoomonuwa wau tao̒dehu hilao, sabali diila opulitio, molumboyoto hilao, wau laito dapadapato u molomela lanjana u mohukuumani.

MIKHA 2:12

Eeya luli lotahuda mai, “Wuu umati lo Isirai̒lu tadonggo ilolabita! Timongoli tantu maa̒mbuwo-U̒ wau potuwauwo-U̒ debo odelo himba u lohualingai ode lantungalio. Debo odelo huta luasi u pilobutua lo huo̒yoto upolu-polu wolo himba, oditolo olo lipumu mamuli mopolu mai wolo taa dadaata.

MIKHA 4:7

Timongolio mapilopo lupuhu-Lio wau molamingo monto kambungu pilohuluta loduhulio. Bo, monto tau-tauwalo tahe ilolabita boito Wau̒ mamo lumulao̒ tuwaulio lowali mai u bohu. Timongolio mamowali bangusa u leidaa̒ wau molotolo. Wau̒ mamo malenta olimongolio to Huludu Sion tunggula ohiheo-hiheolo mao̒.”

MIKHA 5:3

Wonu bolo takaawasa boito meidungga, Tio mamo malenta umati-Lio wolo olootolo wau okokawasa monto Eeya Allahu Taa̒alaalio lohihilao. Umati-Lio matumumulo wolo aamani, sababu ngoa̒amila tau to ngoilanggubu dunia mamo toloa̒kuo odudaa̒a-Lio,

MIKHA 7:14

Yaa Eeya, himbalai mai umati lo Eeya, umati tilulaoto Eeya. Timongolio bilu-biluloa̒ tihitihi to oa̒ayua polodu, tohuungo huta u molomiodu. Huliilo mao̒ timongolio moo̒tapu ua̒alo tohuta datahu wau luasi u pilobutua lo huo̒yoto lo Basyan wau to Gilead debo odelo tojamani muloololio mai.

JEPANYA 3:17

Timongoli diluo̒la lo Eeya Allahu Taa̒ala limongoli tamolotolo suukali olaahe boli buheli. Timongoli moo̒haama sababu kawasaa-Lio. Eeya meengahe wau sanangi sababu timongoli, todelomo ponu-Lio timongoli yilohia-Lio tutumulo bohu.

YIA̒APO 23:21

To olei Yako diila iloonuhe u moleeto; to Isirai̒lu diila oontonga u suukali. Eeya, Allahu Taa̒ala limongolio, pee̒-pee̒enta woli mongolio. Timongolio hitingalaa̒ meengahu: Tio-tiolo Olongia!

LUKASI 15:32

Bo ito wajibu mohutu potihunggu wau motiwengahu, sababu wutatumu tawali-yali boito mailate, bo botia luli tilumumulai; tio mailooli, bo botia luli lotapu mai.’ ”

LUKASI 24:47

Wau olo deu̒ to tanggulo Olongia Tamoo-poaahua boito mamusi pololadulo to ngoa̒amilalo bangusa deu̒ manusia musi molilihu, wau deu̒ Allahu Taa̒ala mongambungu dusa. Wau habari boito musi pololadulo tumula mai to Yerusalemu.

ROMA 11:4

Wolo pilolameto Allahu Taa̒ala odelei Elia? Allahu Taa̒ala lolameto, “Wau̒ malo lolaa mao̒ pitu lolihu lota ode batanga-U̒ lohihilao. Timongolio diipo pee̒enta mao̒ helolubo dewa Baa̒al.”

TINGULI 33:26

“Wuu Isirai̒lu! Diaaluo ila debo odelo Allahu Taa̒ala limongoli; Tio molibaya hulungo wolo ohohaama wau molapata toheengo u motulungi olimongoli.

YAKOBUS 2:13

Sababu Allahu Taa̒ala diila tamopo bilohei odehu hilao ode taa udiila motota modehu hilao. Bo modehu hilao lebe molotolo wolo hukuumani.

MONGO HAKIMU 10:16

Lapatao̒ timongolio malolapi ngoa̒amila bui̒ baalahala, lapatao̒ lolubo Allahu Taa̒ala. Yi Allahu Taa̒ala olo malodehu hilaa-Lio loo̒onto olimongolio todelomo suusa.