MIKHA 7:17 - KITABI HABARI MOPIOHE

¹⁷ Timongolio maa umalalapo tohuta debo odelo tulidu. Wolo duiduito wau hulu-huluhelio timongolio malumualo monto polo biintengi limongolio, lapatao̒ monao̒ mai ode Eeya, yaa Eeya Allahu Taa̒ala lo mongowatotia.

MIKHA 7:17 ပူးပေါင်းရင်းမြစ်များ

OLUO LO SAMUEL 22:46

Obobuheli limongolio mailooli; timongolio hilumehela wau yilumualao̒ lonto kubuulio.

OLUO TAWARI 17:10

Eeya helohutu mai ngoa̒amila yilaidia totili lo Yehuda moohe mopaatea moluwali oli Olongia Yosapat.

JABURU 18:45

Tau-tauwalo tahideelia lotaa̒aluku towatotia wau modungohe wonu palenta lowatotia.

JABURU 72:11

Ngoa̒amila olongia mamo sujudu totalulio, totoonulalo bangusa mowali mongo watolio.

JABURU 72:9

Ulipu lohuta datahu wau luasi udelita mataa̒aluku to olio wau musu mosujudu totalu lo oa̒atio.

JABURU 9:20

Tihuloolo mai, yaa Eeya, butoi̒lo babaa-ngusawalo, diila mao̒ polulia manusia mopobatingga batangalio.

YESAYA 25:3

Eeya mapujio lo babaa-ngusawalo tamolotolo, wau oohelio to kokoo-tawaala lo babaa-ngusawalo tadiila omanusia.

YESAYA 49:23

Mongo olongia madebo odelo tiyamo de olemu, wau mongo olongia taabua odelo tiilo. Timongolio mamosujudu mohulumati olemu wau motidupapa batanga to talumu. Yi mao̒taawamu deu̒ Wau̒ulo Eeya; taa u motiwunela to Olau̒ diila pokikio̒lio to hilao.”

YESAYA 59:19

Kawasa wau odudaa̒ lo Eeya maa oohe lotaa ngoa̒amila monto tiimuru demola otolopa. Eeya mamei dungga debo delo dutulaa u motolohu u pilopo buo̒olo daa̒ lodupoto u moo̒ohuu̒.

YESAYA 60:14

Mongo walao̒ tamoodeehea olemu monao̒ mai mosujudu, tapee̒enta helohina olemu mataa̒aluku, yio̒ mau̒nteelo ‘Kota lo Eeya’, ‘Sion, Kota Allahu Taa̒ala Mantali lo Isirai̒lu’.

YESAYA 64:2

debo odelo tulu mopolei̒ita ayu wau mohutu taluhu lumolombula. Poi̒laaloolo mai kawasa lo Eeya to mumuu-suuwaalo Eeya, tilinggula babaa-ngusawalo humuhela totalu lo Eeya.

YESAYA 65:25

Sarigala wau walao̒ himba pee̒-pee̒enta mongaa huo̒ooto; singa mongaa laato debo odelo sapi, wau tulidu diilalo moo̒ topotala. To ngoilanggubu huludu-U̒ u mantali, diduuluo u moo̒luhi meaambo mohutu u moleeto.”

YEREMIA 16:16

Eeya lotahuda mai, “Wau̒ mamotianga dadaata tamoo-halaawa u momajala totau-tauwala botie. Lapatao̒ Wau̒ mamotianga dadaata tamoo-ngalupawa u mongalupa olimongolio to timii̒du hui̒du wau huludu, wau gogoowaalo to huludu botu.

YEREMIA 33:9

Yerusalemu mamowali moe̒engahe wau moo̒bangga ola-U̒. Totoonulalo bangusa todunia mamowali moohe wau humuhela wau mohulumati ola-U̒, wonubolo moo̒dungohe pasali lo totoonulalo mopiohu u pohutuwo-U̒ ode ulipu lo Yerusalemu, wau pasali lo omaa̒amulu u wohi-U̒ mai ode kota boito.”

HIYONGO MOPOILAALO SUUSA 3:29

Huliilo mao̒ ito mopodupapa batanga wau taa̒aluku, sababu otanu halapani donggo woluo.

JAKARIA 14:5

Timongoli matumeteo̒ molibaya lumbaya u molayade huludu boito mowali duluo. Timongoli matumeteo̒ debo odelo tinenemoyaamu tou̒ lotoduo mai liluhu to maasa pamalenta lei Ujia, olongia lo Yehuda. Lapatao̒ dungga-dunggaalo mai Eeya Allahu Taa̒alau̒, tilunuhe lo ngoa̒amila malai̒kati.

TINGULI 32:24

Timongolio maamate sababu polipitolo wau polangolo, wau sababu ngongoto u moo̒tihela hapato. Huliya-U̒ mao̒ timongolio dangapo lo binatangi mongantau, wau topango lotulidu obisa.

YOSUA 9:24

Timongolio lolametao̒, “Amiaatia helohutu odito sababu ilodungohe lamiaatia deu̒ Eeya Allahu Taa̒ala tahe tuboo li Tuani boito malo poa̒hu mai olei Musa, wato-Lio boito, mongohi mao̒ odeli Tuani ngoilanggubu lipu botie wau momate ulipulio mate-mateelo mao̒ tou̒ ti Tuani mohama huta boito. Amiaatia moohe daa̒ diila bolo amiaatia opatealio mate-mateelo mao̒, uito sababuulio hepilohutu lamiaatia ngoa̒amilalo botie.

WAHI 3:9

Poo̒toloma mao̒ utie: Tau-tauwalo talowali umati lo Ibilisi boito, mohimbuloa, tahi pongakua batangalio Yahudi lebe-lebe pomao̒ diila, mapo hutuwo-U̒ tilinggula timongolio mai mosujudu totalumu. Wau mao̒taawa mao̒ limongolio deu̒ Wau̒ momonu olemu.

BOHULO SEMUEL 14:11

Tou̒ timongolio duulota lopo biloheo̒ batanga ode taulo Pilistin to posi podahaalo boito, yi malo loi̒ya tau-tauwala Pilistin boito, “Bilohilo, woluo tau-tauwalo Ibrani tailumualai lonto huhuu-wangowalo tambati pilotituua̒ limongolio!”