MIKHA 7:12 - KITABI HABARI MOPIOHE

¹² Tau-taumu mamuli mohualingai ode olemu monto utoonulalo mao̒ – monto Asyur to ambahu tiimuru, monto Masiri to ambahu huliaalio, monto madala Dutulaa Eprat, monto ngotuali lodeheto wau monto huhuu-ideyaalo u molamingo.

MIKHA 7:12 ပူးပေါင်းရင်းမြစ်များ

YESAYA 11:11

To dulahee boito Eeya muli pee̒entapo mopohuna okokawasaa-Lio wau modelo mohualingo umati-Lio tai̒lo labita to Asyur wau Masiri, to lilii-puwaalo Patros, Sudan wau Elam, to Babel, Hamat wau pupuu-lauwaalo u molamingo.

YESAYA 11:16

To umati-Lio tai̒lo labita mawoluo dalalo daa̒ u lumuala monto Asyur, debo odelo tou̒ Isirai̒lu yilumualai lonto Masiri.

YESAYA 43:6

Pilalentaa-U̒ tilayo wau huliaalio, alihu timongolio hua̒a lopatolo. Huliilo mao̒ walau̒mu mongo lolai̒ mohualingai monto u molamingo, wau walau̒mu mongobua mohualingai monto huhuu-duwaalo dunia.

YESAYA 49:12

Monto u molamingo umati-U̒ monao̒ mai, monto tilayo, otolopa wau Sinim to huliaalio.”

YEREMIA 23:3

Bo ngoa̒amila labito lo umati-U̒ maa̒ambuwo-U̒ mai monto lilii-puwaalo to tambati pilolapila-U̒ olimongolio. Timongolio mamuli deloo-U̒ ode huta pilohuluta loduhu limongolio wau wali mai limongolio mao̒duhenga mola dadaata.

YEREMIA 3:18

Isirai̒lu mamoheehea̒ wolo Yehuda, wau pee̒-pee̒enta monao̒ mai monto lipu polayahu to ambahu tilayo. Timongolio mamuli mohualingai ode lipu u mailohi-U̒ odelo huta pusaka ode loluuhurumu.”

YEREMIA 31:8

Monto tilayo muli deloo-U̒ timongolio; ambuwo-U̒ timongolio monto huhuudu dunia. Taa pitoo̒ wau taa didu mowali monao̒ mamodudua̒ woli mongolio, wau olo taabua taboheeli lopotutu mai wau tamoi̒lalomo daa̒. Timongolio ngoa̒amila mamuli monao̒ mai todelomo jumulaa uleidaa̒ ode lipu botie.

YEREMIA 46:27

“Umati-U̒, Isirai̒lu, diila mao̒ oohe! Wato-U̒ Yako, diila mao̒ pohumuhela! Timongoli wau waliimu mola mapoa̒ahuwo-U̒ monto lipu molamingo, to tambati limongoli tilawalo. Timongoli mamo hualingo wau motibiluloa̒ to lipumu wolo aamani. Timongoli matumumulo wolo dame; diaaluo u palalu oohe limongoli.

YEHESKIEL 29:21

Wonu bolo sua̒li boito motoduo mai, Wau̒ mamopowali Isirai̒lu bangusa tamolotolo, wau mopoluasi olemu Yeheskiel, mobisala wolo beebasi tilinggula ngoa̒amila tau mowali modungohe olemu. Yi mao̒taawa mao̒ limongolio deu̒ Wau̒ulo Eeya.”

YEHESKIEL 37:21

Lapatao̒ polelea mao̒ olimongolio deu̒ Wau̒, Eeya Taa Laba-labaalo molanggato mamohama ngoa̒amila bangusaa-U̒ monto lilii-puwaalo ode utoonu u maponao̒wa limongolio. Timongolio maa̒mbuwo-U̒ wau muli deloo-U̒ mota ode lipu limongolio lohihilao.

HOSEA 11:11

Monto Masiri timongolio mamonao̒ mai debo odelo linggahu lo bulungi, wau monto Asyur debo odelo polemboa̒ lopoombo. Lapatao̒ timongolio mamuli deloo-U̒ ode bele limongolio. Wau̒, Eeya, talo tahuda mai.”