MIKHA 7:11 - KITABI HABARI MOPIOHE

¹¹ Wuu Yerusalemu! Malei dungga wakutuulio timongoli muli momongu didii-ngingaalo meeseli lo kotaamu. To dulahee boito madalamu mapo luasiyolo.

MIKHA 7:11 ပူးပေါင်းရင်းမြစ်များ

NEHEMIA 2:17

Bo lapatao̒ wau̒ loloi̒ya mao̒ ode limongolio, “Bilohilo mao̒ owowoluwoonto u sikisikisa botie! Yerusalemu bolo tuodio wau huhuu-hebuwaalo hulubangilio malopulito yilaahu lo tulu. Dulolo ito muli momongu didii-ngingaalo meeseli lokota Yerusalemu alihu ito diilalo hinaalio.”

NEHEMIA 2:8

Wewolio mao̒ leeto, wau̒ olo helohile tuladee odelei Asap, tamoo-ngimatoa oa̒ayua lo bele biluloa̒ saaha li olongia, alihu tio mopodapato mao̒ ayu ode huhebu hulubangi lo biintengi totili Bele lo Eeya, wau ode dingingo meeseli lokota wau bele u mapoti biluloa̒au̒. Ti olongia lopoo̒polu mao̒ ngoa̒amila hihiileu̒ boito, sababu Allahu Taa̒ala helo tulungi mai olau̒.

NEHEMIA 4:3

Lapatao̒ tei Tobia tatihu-tihula totililio loloi̒ya mao̒ olo, “Bilohi mota dingingo meeseli ubilongu limongolio! Apula lo oa̒ayua olo mowali mopoloohubeo̒!”

NEHEMIA 4:6

Tou̒ boito ami donggo hemo poo̒piohe tulusi dingingo meeseli boito, wau diila lohiheo lapatio mao̒ ngoilanggubu dingingo meeseli boito yilapato piloo̒piohu tunggula ngotayade duluo langgatio, sababu ulipu helo kalaja wolo polupolu lo sumaangati.

YESAYA 54:11

Eeya lotahuda mai, “Wuu Yerusalemu, kota u naahati, yio̒ diila o lotolo wau diaaluo tamoo-liyangoa. Wuwuu-mbatumu mamuli podutuwo-U̒ mai, wolo boboo-tuwaalo ohalaga.

YESAYA 54:2

Poluasiyalo kekee-mawaalo poti tomeleyamu; pantangalo tataa-liilio wau poo̒toheeta mola papaatoi̒o!

YESAYA 58:12

Kota u malohiheo lowali tuodu mamuli bongulo limongoli toitaato wumbato u deedelo. Timongoli mau̒nteelo ‘Bangusa tamuli momongu didii-ngingaalo meeseli wau mopoo̒pioheo̒ bebee-leyaalo u loa̒antulu.’ ”

YESAYA 61:4

Timongolio mamomongu kokoo-tawaalo u malohiiheo loloohubu wau mopotihula tataa-mbatiyalo u malohiiheo loliilo.

DANIALI 9:25

Tuladeelo wau pahamualo utie: Poo̒opitu piu̒wa pitu lotaunu mola mamopaluto, tumulalo mai tou̒ yilualio palenta u muli momongu Yerusalemu, tunggula meidungga mai ngotaalio tau̒wa tatulaoto lo Allahu Taa̒ala. Ngotilonggadu poo̒opitu piu̒wa wolomo pulaa dulo taunu mola dadaa-lalaala wau bibii-ntengiyalo lo Yerusalemu mamuli bongulolo, bo tou̒ boito polupolu lou̒ suukali.