MIKHA 7:10 - KITABI HABARI MOPIOHE

¹⁰ Muloololio mai musu hemohina olanto wolo moloi̒ya, “Tou̒toonu Eeya, Allahu Taa̒alamu boito?” Bo botia timongolio mamoo̒onto wolo u pilohutu lo Eeya ode olanto, wau timongolio mamowali moolito. Ito mamo sakusi mumuu-suunto boito olaahe wau lumbe-lumbetaa̒lio debo odelo latao̒ todalalo.

MIKHA 7:10 ပူးပေါင်းရင်းမြစ်များ

OLUO LO SAMUEL 22:43

Timongolio tiloyopu lowatotia debo odelo peyahuo̒ u lopupuu-lepelo mola, wau ilaa̒ata lowatotia debo odelo latao̒ todalalo.

JABURU 109:29

Huliaalo mao̒ tau-tauwalo tahe mopotuludu olo watotia wanggube lo ohihina, wau raasa moolito momeleu̒to olimongolio debo odelo jumba.

JABURU 115:2

Yilongola babaa-ngusawalo musi moloi̒ya, “Tou̒toonu Allahu Taa̒ala limongolio?”

JABURU 18:42

Timongolio longuatio̒, bo diaaluo tahe lotulungi, timongolio helo ngibodu ode Eeya, bo Eeya diila lolametai.

JABURU 35:26

Huliilo mao̒ taa u sanangi moo̒onto polodutolo watotia mowali molingu wau moo̒toduo woolito. Huliilo mao̒ taa u hemo pobatingga batanga to watotia hinaalio wau poo̒olitolio.

JABURU 42:10

Watia loloi̒ya ode Allahu Taa̒ala, tahemo poduulua olaatia, “Yilongola Eeya helo lipata olaatia? Yilongola watia musi tulusi modutolaa, sababu hedileehe lo mumuu-suuwaalo lowatia?”

JABURU 42:3

Wau̒ mooloolo to Allahu Taa̒ala tatumu-tumulo, omolua wau̒ moo̒ nao̒ moi̒baadati to Bele lo Eeya?

JABURU 58:10

Tou̒ diipo longalati mai, timongolio mabilinasa, debo odelo pilomulo u o aa̒a-yuwaalo kekeei̒ wau moopa u donggo moidu wau diipo iludaa̒ mola lopulito pilotomboto dupoto, debo odelo uito pilomulo u mohengu.

JABURU 79:10

Diila mao̒ polulia bangusa wewo mohintu pasali lo mongowatotia, “Tou̒toonu Allahu Taa̒ala limongolio?” Poluliaalo mai mongowatotia moo̒onto polobaalasi to babaa-ngusawalo tahe lomate mongo wato lo Eeya yila-yilateelo mao̒.

JABURU 92:12

Watotia loo̒onto ololaahe lo mumuu-suwaalo watotia, tau-tauwalo tamalo bongu mai helo luwali olo watotia, totoonulalo patuju limongolio u moleeto mai̒lo dungohe lowatotia.

YESAYA 26:11

Yaa Eeya, Eeya dapadapato mohukuumani mai musu lo Eeya, bo diila otaawa limongolio. Huliaalo mao̒ timongolio moolito daa moo̒onto ponu lo Eeya ode umati lo Eeya. Huliaalo mao̒ timongolio mopulito binasa lo hukuumani u pilodapato lo Eeya ode limongolio.

YESAYA 41:25

Wau̒ malo poo̒liyooa̒i ngotaalio lonto tiimuru: tiliangu-U̒ tio moluhu monto tilayo. Takawa-kawaasa malumbe-lumbetaa̒alio debo odelo latao̒, debo odelo tamomania ulongo molumbe-lumbetaa̒ huta modudangia.

YEREMIA 49:15

Eeya mamohutu mai olemu mowali molulupuhu wau hinaa lotau.

YEREMIA 51:24

Eeya lotahuda mai, “Sakusiyalo lohihilao woloolo mola Wau̒ botia molontuli mai Babel wau ulipulio ngoa̒amila ololeeto u hepilohutu limongolio ode Yerusalemu.

YEREMIA 51:51

Timongoli hemoloi̒ya, ‘Timongoli hilinaalio wau piloo̒olitio; ami iloolia lobaya sababu tau-tauwalo deli helo tihuloa̒a to huhuu-waliyaalo hulinta u mantali todelomo Bele lo Eeya.’

YEHESKIEL 7:18

Timongolio mamomake kaingi yute wau ngangaa-waa̒alo mao̒ mahulu-huluhelio. Lunggongi mongolio mapo-dayatolio wau timongolio poo̒olitolio.

DANIALI 3:15

Naa, botia, wolo timongoli dapadapato u mosujudu wau molubo bui̒ boito tou̒ muusiki potingohulo? Wonu timongoli diila mohuto, timongoli maalato pomahulolo ode delomo tambati lotulu ulei̒-lei̒ita. Wau dewa toonu u mambo mamopoa̒ahu olimongoli monto kawasaau̒?”

YOEL 2:17

Ahuliilo mongo iimamu tahi pomayawa to Eeya, humoyongo towolota lomesba wau sulambe totalu, sambela moloi̒ya, “Ponuwalo mai umati lo Eeya, yaa Eeya; diila mao̒ polulia miliki lo Eeya mowali o aibu,” tilinggula babaa-ngusawalo wewo mopodalili wau moloi̒ya, “Tou̒toonu Allahu Taa̒ala limongolio?”

OBAJA 1:10

“Yio̒ malohutu diila omanusia tomongo wutatumu wali mai, lei Yako. Sababu uito yio̒ mapo binasaalo, wau henteo̒ lotau ngotupa lojamani.

OBAJA 1:12

Diila patutilio yio̒ sanangi topaladu marapo taulo Yehuda wau motiwengahe todulahu lo wutatumu boito binasa. Diila patutilio yio̒ molatabu tou̒ tio suusa.

MIKHA 4:11

Dadaata bangusa maa lotitia̒ambu u moluhu olemu, wuu Yerusalemu! Timongolio loloi̒ya, “Yerusalemu musi aantuluolo! Ami maa momilohe kota boito mowali tuodu!”

MIKHA 7:8

Diaaluo alaasani duo̒lo mumuu-suunto u motiwengahu to oa̒antulunto. Sababu eleponu ito modehu, ito mamuli mobongu. Botia ito woluo todelomo modio̒lomo, bo Eeya mamo linelai olanto.

JEPANYA 3:15

Sababu Eeya lohuheli lohukuumani olimongoli; Tio malo polahi ngoa̒amila musuumu. Timongoli diluo̒la li olongia lo Isirai̒lu, Eeyaamu lohihilao. Botia timongoli diilalo palalu molaasa moohe.

JAKARIA 10:5

Ulipu lo Yehuda mamoo̒haama debo odelo tahi pohipatea u molumbe-lumbetaa̒ musu odelo latao̒ todalalo. Timongolio mamohipate sababu Wau̒, Eeya momantu olimongolio, wau pasuukani lomusu tahitae̒ya towadala mao̒laahe limongolio ngoa̒amila.

MALEAKHI 1:5

Bangusa lo Isirai̒lu mamoo̒onto mao̒ lohihialo, wau moloi̒ya, “Otutu udaa̒alo Eeya; okokawasaa-Lio demola to bulemengo huta lo Isirai̒lu!”

MALEAKHI 4:3

To dulahee boito Wau̒ mamohutu mai, wau timongoli mamopo olaaheo̒ tau-tauwalo tahileeta, tilinggula timongolio debo odelo peaahuo̒ u yilu-yilumbetaa̒ limongoli.

MATIUSI 27:43

Tio palacaya to Allahu Taa̒ala, wau hemoloi̒ya deu̒ Tio Walao̒ Allahu Taa̒ala. Nte, dulo bilohento wolo Allahu Taa̒ala mamopoa̒ahu mai o-Lio botia.”

YOSUA 7:9

Taulo Kanaa̒n wau ngoa̒amila taa wewo tolipu botie mamodungohu pasali losua̒li botie. Timongolio mamomala wau momate mateelo mao̒ olo mongowatotia ngoa̒amila! Lapatao̒ wolo u mapohutuo mai lo Eeya u momintengi ohulumati lo Eeya?”

WAHI 18:20

Wuu sologa, poti wengahulo mola to oa̒antulu lokota boito! Wuu umati lo Allahu Taa̒ala, mongo rasulu, mongo nabi, poti wengahulo mola! Sababu Allahu Taa̒ala malo hukuumani mai olio odelo toli tou̒ wolo umaa pilohutulio limongoli!